ສະເຫຼີມສະຫຼອງ 48 ປີແຫ່ງວັນຊາດ ສປປ ລາວ ຢູ່ນະຄອນໂຮ່ຈີມິນ

ສະຫາຍ ພອນສີ ບຸນມີໄຊ ຫົວໜ້າກົງສູນໃຫຍ່ ແຫ່ງ ສປປ ລາວ ປະຈໍາ ນະຄອນໂຮ່ຈີມິນ ກ່າວຄໍາເຫັນທີ່ພິທີສະເຫຼີມສະຫຼອງ. ພາບ: ຊວນຄູ

ນັ້ນແມ່ນຄຳຢ້ັງຢືນຂອງສະຫາຍ ພອນສີ ບຸນມີໄຊ ຫົວໜ້າສະຖານກົງສູນໃຫຍ່ ແຫ່ງ ສປປ ລາວ ປະຈໍາ ນະຄອນໂຮ່ຈີມິນ ຢູ່ພິທີສະເຫຼີມສະຫຼອງ 48 ປີແຫ່ງວັນຊາດ ສປປ ລາວ (2-12-1975 / 2-12-2023) ດໍາເນີນໃນວັນທີ 29 ພະຈິກ, ທີ່ນະຄອນໂຮ່ຈີມິນ.  ເຫດການໂດຍສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈີມິນ ຈັດຕັ້ງ.

ກ່າວຄໍາເຫັນທີ່ພິທີສະເຫຼີມສະຫຼອງ, ສະຫາຍ ພອນສີ ບຸນມີໄຊ ໄດ້ສະແດງຄວາມຂອບໃຈຕໍ່ອາລົມຈິດຂອງອົງຄະນະພັກ, ອໍານາດການປົກຄອງ ແລະປະຊາຊົນນະຄອນໂຮ່ຈີມິນ, ສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈີມິນ ໄດ້ຈັດຕັ້ງພິທີທີ່ມີຄວາມໝາຍນີ້, ສະແດງໃຫ້ເຫັນນໍ້າໃຈສາມັກຄີສັດຊື່ບໍລິສຸດລະຫວ່າງປະຊາຊົນນະຄອນໂຮ່ຈີມິນ ກັບປະຊາຊົນລາວ ບັນດາເຜົ່າອ້າຍນ້ອງ.

ສະຫາຍ ໂງມິງເຈົາ ຮອງປະທານຄະນະກໍາມະການປະຊາຊົນນະຄອນໂຮ່ຈີມິນ ກ່າວຄໍາເຫັນທີ່ພິທີ. ພາບ: ຊວນຄູ

ເນື່ອງໃນໂອກາດນີ້, ສະຫາຍ ພອນສີ ບຸນມີໄຊ ສະແດງຄວາມຮູ້ບຸນຄຸນຢ່າງເລິກເຊິ່ງ, ຂອບໃຈຢ່າງຈິງໃຈຕໍ່ພັກ, ລັດ ແລະປະຊາຊົນຫວຽດນາມ ເວົ້າລວມ, ນະຄອນໂຮ່ຈີມິນ ເວົ້າສະເພາະທີ່ໄດ້ສະໜັບສະໜູນ, ຊ່ວຍເຫຼືອປະຊາຊົນລາວບັນດາເຜົ່າ ທີ່ຍາດໄດ້ຜົນງານອັນໃຫຍ່ຫຼວງໃນກິດຈະການປົກປັກຮັກສາ, ສ້າງສາປະເທດຊາດໃນໄລຍະຜ່ານມາ.

ສະຫາຍຮອງປະທານຄະນະກໍາມະການປະຊາຊົນນະຄອນໂຮ່ຈີມິນ ເນັ້ນໜັກວ່າ ສາຍພົວພັນແບບພິເສດຫວຽດນາມ-ລາວ, ລາວ-ຫວຽດນາມ ໄດ້ຜ່ານຜ່າການທົດສອບທີ່ຂ້ຽວຂາດກາຍເປັນກົດເກນ​ແຫ່ງ​ຄວາມເປັນຕາຍ, ສ້າງເປັນກໍາລັງແຮງມະຫັດສະຈັນດ້ານຈິດໃຈ, ວັດຖຸຊ່ວຍໃຫ້ສອງປະເທດຕໍ່ສູ້, ໄຊຊະນະບົນເສັ້ນທາງປົດປ່ອຍຊາດ, ປົກປັກຮັກສາຜືນແຜນດິນອັນຄົບຖ້ວນ, ສ້າງສາປະເທດສັງຄົມນິຍົມໃຫ້ນັບມື້ນັບຈະເລີນຮຸ່ງເຮືອງ, ປະຊາຊົນອີ່ມໜໍາສໍາລານ ແລະມີຄວາມຜາສຸກ.

ໂດຍ: ໄຊນີດາ