ວິສາຫະກິດຫວຽດນາມ ຮ່ວມມືພັດທະນາກະສິກໍາອິນຊີ, ຝຸ່ນ ຢູ່ ລາວ
ກປ.ອອນໄລ - ກຸ່ມບໍລິສັດ ເກວ໊ເລິມ (ຫວຽດນາມ) ຫາກໍ່ລົງນາມຂໍ້ຕົກລົງຮ່ວມມືກັບກຸ່ມບໍລິສັດ ພົງສະຫວັນ ຈໍາກັດ (ລາວ) ກ່ຽວກັບການພັດທະນາກະສິກໍາອິນຊີ ແລະກະສິກໍາໝູນວຽນລະຫວ່າງສອງບໍລິສັດ ຢູ່ວຽງຈັນ.
ຂໍ້ຕົກລົງຮ່ວມມື ໄດ້ລົງນາມໃນວັນທີ 6 ມີນາ 2023 ໂດຍພາຍໃຕ້ການເປັນສັກຂີພິຍານຂອງທ່ານ ປອ. ເພັດ ພົມພິທັກ ລັດຖະມົນຕີກະຊວງກະສິກໍາ ແລະປ່າໄມ້ ລາວ, ທ່ານ ສຈ.ປອ ອ໋ອດ ພົງສະຫວັນ ຮອງປະທານສູນກາງແນວລາວສ້າງຊາດ ຜູ້ບໍ່ປະຈຳການ, ຫົວໜ້າຄະນະທີ່ປຶກສາ ແລະຄູ່ຮ່ວມງານວຽກງານເສດຖະກິດ ແລະກອງທຶນສາມັກຄີພັດທະນາ, ພ້ອມດ້ວຍຄະນະທີ່ປຶກສາ ແລະຄູ່ຮ່ວມງານວຽກງານເສດຖະກິດ ແລະກອງທຶນສາມັກຄີພັດທະນາ, ສູນກາງແນວລາວສ້າງຊາດ ແລະການນໍາຫຼັກແຫຼ່ງຂອງສອງຝ່າຍ ເຂົ້າຮ່ວມ.
|
|
ທ່ານນາງ ແສງດາວ ບຸພະກອນຄໍາ ຮອງປະທານ ທັງເປັນຜູ້ອໍານວຍການໃຫຍ່ ກຸ່ມບໍລິສັດ ພົງສະຫວັນ ຈໍາກັດ ແລະທ່ານ ຫງວຽນແທງວິ້ງ ຜູ້ອໍານວຍການໃຫຍ່ ກຸ່ມບໍລິສັດ ເກວ໊ເລິມ ລົງນາມຂໍ້ຕົກລົງຮ່ວມມື. ພາບ: mekongasean.vn |
ຕາມໜັງສືພິມ Vientiane Times ລາຍງານ, ເນື້ອໃນການຮ່ວມມືລະຫວ່າງສອງຝ່າຍກ່ຽວຂ້ອງເຖິງບາງຂົງເຂດ, ໃນນັ້ນມີການນໍາຜະລິດຕະພັນຂອງກຸ່ມບໍລິສັດ ເກວ໊ເລິມ ໄປຍັງລາວ, ພິເສດແມ່ນຝຸ່ນອິນຊີ (ຈຸນລະອິນຊີ), ຝຸ່ນອິນຊີ.
ຄຽງຂ້າງນັ້ນ, ກຸ່ມບໍລິສັດເກວ໊ເລິມ ຈະບໍາລຸງສ້າງຊ່ຽວຊານ, ຖ່າຍທອດຄວາມຮູ້ກ່ຽວກັບເຕັກໂນໂລຢີປ່ຽນແປງໃໝ່ປະດິດສ້າງ ແລະແນະນໍາກຸ່ມບໍລິສັດ ພົງສະຫວັນ ຈໍາກັດ ກໍ່ສ້າງຮູບແບບການປູກຝັງແບບອິນຊີໝູນວຽນ, ເພີ່ມຜະລິດຕະພັນກະເສດອິນຊີ ແລະລະບົບນິເວດການປູກຝັງແບບອິນຊີ, ກະສິກໍາໝູນວຽນ ໃນໄລຍະຈະມາເຖິງ.
ທ່ານ ອ໋ອດ ພົງສະຫວັນ ໃຫ້ຮູ້ວ່າ ເພື່ອສືບຕໍ່ຮັກສາ ແລະພັດທະນາການພົວພັນຮ່ວມມືສອງຝ່າຍລະຫວ່າງສອງບໍລິສັດ, ສອງຝ່າຍ ຈະພົບກັນຄັ້ງທີສາມ ເພື່ອລົງນາມບົດບັນທຶກຊ່ວຍຈໍາວ່າດ້ວຍການຮ່ວມມືໃນຂົງເຂດການເຄື່ອນໄຫວໂຄງການທີ່ກ່ຽວຂ້ອງເຖິງກະສິກໍາທັນສະໄໝ”.
ໂດຍ: ໄຊຊະນະ