ການພົບປະເຈລະຈາ ຫວຽດນາມ-ລາວ ເຫັນດີເປັນເອກະພາບກ່ຽວກັບການກໍ່ສ້າງແນວກັນເຈື່ອນປ້ອງກັນຫຼັກໝາຍຊາຍແດນເລກທີ 130
ກປ.ອອນໄລ - ວັນທີ 27 ທັນວາ, ຢູ່ເຂດຫຼັກໝາຍເລກທີ 130 ທີ່ຊາຍແດນທາງບົກຫວຽດນາມ-ລາວ, ຄະນະຜູ້ແທນຄະນະຊີ້ນໍາວຽກງານຊາຍແດນແຂວງດ້ຽນບຽນ (ຫວຽດນາມ) ນໍາໂດຍທ່ານພັນເອກພິເສດ ຟ້າມວັນໂດ ຮອງຫົວໜ້າກອງບັນຊາການທະຫານຊາຍແດນແຂວງດ້ຽນບຽນ ແລະຄະນະຜູ້ແທນຄະນະຊີ້ນໍາວຽກງານຊາຍແດນແຂວງຫຼວງພະບາງ (ສປປ ລາວ) ໄດ້ດໍາເນີນການສໍາຫຼວດສອງຝ່າຍ ແລະພົບປະເຈລະຈາກ່ຽວກັບການກໍ່ສ້າງແນວກັນເຈື່ອນປ້ອງກັນຫຼັກໝາຍເລກທີ 130.
ບົນຈິດໃຈຄວາມສາມັກຄີ, ມິດຕະພາບແບບພິເສດ, ຄວາມເຂົ້າໃຈເຄົາລົບນັບຖືເຊິ່ງກັນ ແລະກັນ, ສອງຝ່າຍໄດ້ຕີລາຄາກ່ຽວກັບການກໍ່ສ້າງແນວກັນເຈື່ອນປ້ອງກັນຫຼັກໝາຍເລກທີ 130 ແລະເຫັນດີເປັນເອກະພາບບາງເນື້ອໃນ, ຄື: ການກໍ່ສ້າງແນວກັນເຈື່ອນປົກປ້ອງກັນຫຼັກໝາຍເລກທີ 130 ແມ່ນຈໍາເປັນເພື່ອແນໃສ່ຫຼີກລ້ຽງການກັດເຊາະ, ດິນເຈື່ອນ, ຮັບປະກັນຄວາມປອດໄພ, ໝັ້ນຄົງຂອງຫຼັກໝາຍຊາຍແດນແຫ່ງຊາດ, ກໍ່ຄືສ້າງເງື່ອນໄຂອໍານວຍຄວາມສະດວກໃຫ້ວຽກງານຄຸ້ມຄອງ, ປົກປັກຮັກສາຊາຍແດນຂອງກໍາລັງທີ່ກ່ຽວຂ້ອງສອງຝ່າຍ.
|
|
ແລກປ່ຽນເອກະສານລົງນາມເຫັນດີເປັນເອກະພາບການກໍ່ສ້າງແນວກັນເຈື່ອນປົກປ້ອງກັນຫຼັກໝາຍ ເລກທີ 130. ພາບ: vov.vn. |
ໃນວິວັດການຜັນຂະຫຍາຍກໍ່ສ້າງກິດຈະກໍາ, ຝ່າຍຫວຽດນາມ ໃຫ້ຄໍາໝັ້ນສັນຍາວ່າ ຈະບໍ່ເຮັດໃຫ້ສະພາບການຂອງເສັ້ນຊາຍແດນໃນປະຈຸບັນປ່ຽນທິດ; ປະຕິບັດຖືກຕາມບັນດາຂໍ້ກໍານົດຂອງສັນຍາວ່າດ້ວຍລະບຽບການຄຸ້ມຄອງຊາຍແດນທາງບົກຫວຽດນາມ-ລາວ ຢ່າງເຂັ້ມງວດ ແລະຢູ່ພາຍໃຕ້ການຕິດຕາມກວດກາຂອງອົງການທີ່ກ່ຽວຂ້ອງສອງຝ່າຍ.
ພາຍຫຼັງເວລາ 45 ມື້ແຕ່ວັນລົງນາມເອກະສານ, ສອງຝ່າຍໄດ້ປະຕິບັດສໍາເລັດຂັ້ນຕອນການດໍາເນີນລະບຽບການຖືກຕາມຂໍ້ກໍານົດ; ລາຍງານດ້ວຍເອກະສານໃຫ້ຂັ້ນທີ່ມີອຳນາດພິຈາລະນາ ແລະແຈ້ງໝາກຜົນໃຫ້ກັນຜ່ານທາງການທູດໃນເວລາໄວທີ່ສຸດ.
ໂດຍ: ຈາງຫງວຽນ