ງານວາງສະແດງຮູບພາບການພົວພັນຫວຽດນາມ-ລາວ ຢູ່ນະຄອນຫຼວງວຽງຈັນ
ກປ.ອອນໄລ - ຮູບພາບກວ່າ 130 ແຜ່ນກ່ຽວກັບນໍ້າໃຈມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານ, ໝັ້ນແກ່ນລະຫວ່າງພັກ, ລັດ ແລະປະຊາຊົນສອງປະເທດລາວ-ຫວຽດນາມ ກໍາລັງວາງສະແດງຢູ່ຫໍວັດທະນະທໍາແຫ່ງຊາດລາວ, ນະຄອນຫຼວງວຽງຈັນ.
ງານວາງສະແດງໂດຍກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວລາວ ສົມທົບກັບສະຖານທູດຫວຽດນາມ ປະຈໍາ ວຽງຈັນ ຈັດຕັ້ງຂຶ້ນເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນຊາດປະເທດ ສສ ຫວຽດນາມ (2-9-1945 / 2-9-2020).
|
|
ພິທີໄຂງານວາງສະແດງຮູບພາບການພົວພັນຫວຽດນາມ-ລາວ. ພາບ: kpl.gov.la. |
ເຂົ້າຮ່ວມພິທີໄຂມີທ່ານ ກິແກ້ວ ໄຂຄໍາພິທູນ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວລາວ, ທ່ານ ຫງວຽນບ໊າຮຸ່ງ ເອກອັກຄະລັດຖະທູດຫວຽດນາມ ປະຈໍາ ລາວ ແລະຜູ້ຕາງໜ້າບັນດາກະຊວງ, ຄະນະ, ຂະແໜງການຂອງສອງປະເທດຫວຽດນາມ ແລະລາວ.
ກ່າວຄໍາເຫັນທີ່ພິທີໄຂ, ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວລາວ ໃຫ້ຮູ້ວ່າ ງານວາງສະແດງມີມຸມມອງທີ່ເລິກເຊິ່ງກ່ຽວກັບບັນດາຂີດໝາຍສໍາຄັນໃນການພົວພັນສອງຝ່າຍ ກໍ່ຄືບັນດາຜົນງານທີ່ສອງປະເທດຫວຽດນາມ ແລະລາວ ບັນລຸໄດ້ໃນຊຸມທົດສະວັດມໍ່ໆມານີ້, ໄດ້ປະກອບສ່ວນເພີ່ມທະວີ ແລະຮັດແໜ້ນສາຍພົວພັນລະຫວ່າງສອງປະເທດຕື່ມອີກ.
ໂດຍ: ຈາງຫງວຽນ