ສົມທົບກັນກະກຽມລາຍການພົບປະແລກປ່ຽນມິດຕະພາບເຂດຊາຍແດນຫວຽດນາມ-ລາວ ປີ 2019
ກປ.ອອນໄລ - ໃນລະຫວ່າງວັນທີ 8-9 ກໍລະກົດ, ຄະນະປະຕິບັດງານຂອງທະຫານຊາຍແດນແຂວງກວາງຈິ ໂດຍທ່ານພັນເອກ ເຈິ່ນຕວນແອັງ, ຮອງຫົວໜ້າການທະຫານກອງບັນຊາການທະຫານຊາຍແດນແຂວງກວາງຈິ ເປັນຫົວໜ້າຄະນະໄປຢ້ຽມຢາມ ແລະເຮັດວຽກກັບເມືອງສະໝ້ວຍ, ແຂວງສາລະວັນ ແລະເມືອງນອງ, ເມືອງເຊໂປນ, ແຂວງສະຫວັນນະເຂດ, ປະເທດລາວ ກ່ຽວກັບວຽກງານກະກຽມໃຫ້ລາຍການພົບປະແລກປ່ຽນມິດຕະພາບເຂດຊາຍແດນຫວຽດນາມ-ລາວ ປີ 2019 ຢູ່ແຂວງກວາງຈິ.
ທີ່ການເຮັດວຽກ, ທ່ານພັນເອກ ເຈິ່ນຕວນແອັງ ໄດ້ລາຍງານໃຫ້ການນໍາເມືອງສະໝ້ວຍ, ແຂວງສາລະວັນ ແລະເມືອງນອງ, ເມືອງເຊໂປນ, ແຂວງສະຫວັນນະເຂດ ຮັບຊາບກ່ຽວກັບວຽກງານກະກຽມໃຫ້ລາຍການພົບປະແລກປ່ຽນມິດຕະພາບເຂດຊາຍແດນຫວຽດນາມ-ລາວ ປີ 2019 ຢູ່ແຂວງກວາງຈິ, ເຊິ່ງຄາດຄະເນວ່າ ຈະດໍາເນີນໃນລະຫວ່າງວັນທີ 29-30 ກໍລະກົດ.
|
|
ທ່ານພັນເອກ ເຈິ່ນຕວນແອັງ ແລະການນໍາເມືອງນອງ, ແຂວງສະຫວັນນະເຂດ. ພາບ: ເຟືອກຈູງ. |
ການນໍາທະຫານຊາຍແດນແຂວງກວາງຈິ ແລະບັນດາເມືອງຂອງປະເທດເພື່ອນມິດລາວ ໄດ້ເຫັນດີເປັນເອກະພາບບັນດາເນື້ອໃນຮັບໃຊ້ງານພົບປະແລກປ່ຽນ, ຄື: ການສົມທົບກັນໂຄສະນາໃຫ້ປະຊາຊົນລຽບຕາມເສັ້ນຊາຍແດນໄດ້ຮັບຮູ້ຢ່າງເລິກເຊິ່ງກ່ຽວກັບຄວາມໝາຍຂອງລາຍການພົບປະແລກປ່ຽນ; ສະເໜີບັນຊີລາຍຊື່ບັນດາຄອບຄົວປະສົບກັບຄວາມຫຍຸ້ງຍາກເປັນພິເສດ, ບັນດານັກຮຽນທຸກຍາກແຕ່ຮຽນເກັ່ງຂອງບັນດາເຜົ່າລາວ ທີ່ດໍາລົງຊີວິດລຽບຕາມເສັ້ນຊາຍແດນ ເພື່ອໃຫ້ກອງບັນຊາການທະຫານຊາຍແດນຈັດຕັ້ງການມອບງົວພັນ ແລະມອບຂອງຂວັນລາຍການ “ຊ່ວຍນ້ອງໄປໂຮງຮຽນ”...
ໂດຍ: ກວຽດເຕິມ