ທ້າຍປີ 2023, ເມື່ອກົມກອງຈັດຕັ້ງການຫັດແອບການຂ້າມແມ່ນ້ຳ, ປະຕິບັດການປ່ອຍເຮືອ PMP ໃນຕອນກາງຄືນ, ເຫັນວ່າບັນດານັກຮົບຍັງງົງໆຢູ່, ຂາດຄວາມເຊື່ອໝັ້ນໃນເວລາທີ່ສັງເກດ, ປະເມີນລະດັບນ້ຳ ແລະການໄຫຼທຳມະຊາດຢູ່ທາງຂ້າມ, ອ້າຍ ຮຶງ ຕັ້ງຄຳຖາມເອງວ່າ “ມີວິທີໃດແດ່ ເພື່ອກຳນົດເວລາປ່ອຍເຮືອໃຫ້ເໝາະສົມ, ປອດໄພ, ຊ່ວຍທະຫານມີຄວາມເຊື່ອໝັ້ນຕົນເອງກວ່າ?. ພາຍຫຼັງດຳເນີນການຄົ້ນຄວ້າເປັນເວລາກວ່າ 2 ເດືອນ, ອ້າຍ ຮຶງ ໄດ້ມີຂໍ້ລິເລີ່ມ “ອຸປະກອນໜູນຊ່ວຍການປ່ອຍເຮືອ PMP ລົງນໍ້າ” ດ້ວຍການອອກແບບທີ່ງ່າຍດາຍ, ງ່າຍຕໍ່ການປະກອບ ແລະຮື້ຖອນ, ພັກພາໄປງ່າຍໃນເວລາເຄື່ອນທັບ, ເຄື່ອນຍ້າຍ. ວິວັດທະນາການຫັດແອບ, ຝຶກຊ້ອມການຂ້າມແມ່ນ້ຳ, ອຸປະກອນໄດ້ຕິດຕັ້ງຢູ່ກ້ອງລົດ, ເມື່ອຂັບລົດຂ້າມຟາກມາຮອດທ່າ, ອຸປະກອນມີປະຕິກິລິຍາຕໍ່ລະດັບນໍ້າ ຈະປ່ອຍສັນຍານດ້ວຍສຽງ ແລະແສງສະຫວ່າງຢ່າງຕໍ່ເນື່ອງ, ຊ່ວຍໃຫ້ທະຫານສາມາດກຳນົດເວລາປ່ອຍເຮືອ PMP ລົງນໍ້າໄດ້ຢ່າງເໝາະສົມ.

leftcenterrightdel
ທ່ານຮ້ອຍເອກພິເສດ ຫງວຽນວັນຮຶງ ແນະນຳພາຫະນະປ້ອງກັນ, ຕ້ານການກໍ່ການຮ້າຍໃຫ້ແກ່ພະນັກງານ, ນັກຮົບຢູ່ກົມກອງ.

ມີເທື່ອໜຶ່ງ ລາວໄດ້ອອກໄປກວດກາວຽກງານຫັດແອບຢູ່ສະໜາມຝຶກຊ້ອມ, ເຫັນວ່າ ຫົວໜ້າໝວດ ທັງຕ້ອງຕິດຕາມ, ສັງເກດ, ແນະນຳ, ທັງຮ້ອງດັງໆວ່າ “ຈູດລະເບີດພົກ” ເພື່ອໃຫ້ທະຫານແກ້ໄຂກໍລະນີ, ຕີສັດຕູ, ອ້າຍ ຮຶງ ມີແນວຄວາມຄິດຈະອອກແບບກ້ອນລະເບີດ, ລະເບີດຍາວ ເພື່ອນຳໃຊ້ໃນການຫັດແອບ, ມີຄວາມສາມາດປອມແປງ, ມີສຽງອອກມາຄືຂອງແທ້, ຊ່ວຍໃຫ້ພະນັກງານຫັດແອບຫຼຸດຜ່ອນຄວາມຫຍຸ້ງຍາກໄດ້ສ່ວນໃດສ່ວນໜຶ່ງ; ພ້ອມທັງຊ່ວຍໃຫ້ທະຫານທຳຄວາມລື້ງເຄີຍກັບສຽງລະເບີດແຕກເທື່ອລະບາດກ້າວ, ຕັ້ງໜ້າຫັດແອບ. ຜ່ານການກວດສອບ, ກວດກາຢ່າງລະອຽດໃນທຸກຄັ້ງ, ບັນດາຊຸດ “ກ້ອນລະເບີດທີ່ນໍາໃຊ້ເຂົ້າໃນການຫັດແອບ” ໂດຍອ້າຍ ຮຶງ ປະດິດນັ້ນ, ປະຈຸບັນໄດ້ຜັນຂະຫຍາຍ, ໝູນໃຊ້ຢູ່ຫຼາຍກົມກອງ ສັງກັດກອງພົນນ້ອຍຊ່າງແສງ 270 ແລະຫຼາຍກົມກອງ ໃນກຳລັງປະກອບອາວຸດທະຫານເຂດ 5. ດ້ວຍອຸປະກອນນີ້, ເມື່ອຫັດແອບ, ປະຕິບັດການນຳໃຊ້ກ້ອນລະເບີດ, ລະເບີດຍາວ ເພື່ອດັບສູນປ້ອມໝັ້ນ, ປ້ອມປືນ, ຮົ້ວເຫຼັກໜາມ, ກິດຈະການແໜ້ນໜາຖາວອນ... ພາຍຫຼັງທະຫານຈູດລະເບີດ, ປະມານ 5-10 ນາທີ (ອີງຕາມການຕັ້ງຄ່າ), ກ້ອນລະເບີດຈະມີສຽງ, ມີແສງຄືກັບຂອງແທ້, ໃຊ້ງານງ່າຍ ແລະມີຄວາມຊັດເຈນທີ່ສຸດ.

ຕາມການເຈາະຈີ້ມຂອງການນຳກົມກອງ ແລະພະນັກງານ, ນັກຮົບ, ໃນເວລາວ່າງ, ອ້າຍ ຮຶງ ໄດ້ຄົ້ນຄວ້າປະດິດບັນດາອຸປະກອນທີ່ມີຜົນປະໂຫຍດຫຼາຍຢ່າງ: “ດອກໄຟສັນຍານຮັບໃຊ້ການຫັດແອບໃນຕອນກາງຄືນ”; “ອຸປະກອນໜູນຊ່ວຍການກວດກາສາຍຕາຍິງປືນ AK”; “ອຸປະກອນປອມແປງສຽງຮັບໃຊ້ໃນການຫັດແອບ”... ທ່ານຮ້ອຍເອກພິເສດ ຫງວຽນວັນຮຶງ ໃຫ້ຮູ້ວ່າ: ບັນດາຂໍ້ລິເລີ່ມມີໂຄງສ້າງລຽບງ່າຍພໍສົມຄວນ, ຈົນຮອດບັນດາອຸປະກອນບັນຊາແຕ່ໄກ ດ້ວຍສັນຍານຄວາມຖີ່ວິທະຍຸ, ສຽງ, ສຽງເວົ້າ... ແລະມີຄວາມສາມາດໝູນໃຊ້ໃນພຶດຕິກຳຕົວຈິງຢ່າງມີປະສິດທິຜົນ.

ໂດຍແມ່ນນາຍທະຫານໜຸ່ມແຕ່ວ່າ ຫງວຽນວັນຮຶງ ຍາດໄດ້ລາງວັນຂັ້ນທະຫານເຂດ  4 ລາງວັນ, ຂັ້ນກອງພົນນ້ອຍ 7 ລາງວັນ ໃນການແຂ່ງຂັນຂໍ້ລິເລີ່ມ, ປັບປຸງເຕັກນິກ; ອ້າຍ ໄດ້ຮັບນາມມະຍົດນັກຮົບແຂ່ງຂັນຂັ້ນຮາກຖານຫຼາຍປີລຽນຕິດ; ໄດ້ຮັບໃບຍ້ອງຍໍຫຼາຍໃບຈາກທຸກຂັ້ນ, ທຸກຂະແໜງການ.

ໂດຍ: ແສງເດືອນ