ການລາດຕະເວນສອງຝ່າຍ ເພື່ອປົກປັກຮັກສາຊາຍແດນ ຫວຽດນາມ-ລາວ

ປະຕິບັດພິທີເຄົາລົບຫຼັກໝາຍຊາຍແດນ ແລະແລກປ່ຽນຂໍ້ມູນຂ່າວສານທີ່ກ່ຽວຂ້ອງ. ພາບ: nhandan.vn

ໃນການລາດຕະເວນ, ທັງສອງຝ່າຍໄດ້ດໍາເນີນທຳຄວາມສະອາດຢູ່ເຂດອ້ອມແອ້ມຫຼັກໝາຍ, ຮັບປະກັນໃຫ້ລະບົບຫຼັກໝາຍຊາຍແດນແຕ່ຫຼັກໝາຍທີ 420/1 ຫາຫຼັກໝາຍທີ 421 ຮັກສາສະພາບເດີມ, ບໍ່ຖືກຍົກຍ້າຍ.

ຜົນການລາດຕະເວນ ສະແດງໃຫ້ເຫັນວ່າ ບໍ່ພົບເຫັນສັນຍານລະເມີດສັນຍາ ແລະກົດລະບຽບຊາຍແດນ, ກໍຄືການກະທຳຜິດກົດໝາຍອື່ນໆຢູ່ເສັ້ນຊາຍແດນ.

ສອງຝ່າຍແລກປ່ຽນບົດບັນທຶກຊ່ວຍຈຳ. ພາບ: nhandan.vn

ສິ້ນສຸດການລາດຕະເວນ, ສອງຝ່າຍໄດ້ລົງນາມໃນບົດບັນທຶກຊ່ວຍຈໍາຜົນການລາດຕະເວນ, ເຫັນດີກ່ຽວກັບວິທີການສົມທົບ ແລະເນື້ອໃນການຜັນຂະຫຍາຍໃຫ້ການລາດຕະເວນຄັ້ງຕໍ່ໄປ.

ນີ້ແມ່ນການເຄື່ອນໄຫວທີ່ແທດຈິງ, ປະກອບສ່ວນເພີ່ມທະວີການສົມທົບກັນລະຫວ່າງກຳລັງປ້ອງກັນຊາຍແດນຂອງສອງປະເທດ ຫວຽດນາມ - ລາວ ເພື່ອພົບເຫັນ ແລະ ສະກັດກັ້ນການກະທຳລະເມີດຢ່າງທັນການ, ປົກປັກຮັກສາອະທິປະໄຕຜືນແຜ່ນດິນ ແລະຄວາມສະຫງົບຢູ່ເຂດຊາຍແດນໄວ້ໃຫ້ໝັ້ນຄົງ.

ຄ້າຍທະຫານຊາຍແດນ ນາງອຍ ມອບຂອງຂວັນໃຫ້ແກ່ກອງຮ້ອຍທະຫານຊາຍແດນ 224 (ລາວ). ພາບ: nhandan.vn

ຄືດັ່ງໄດ້ຮູ້ແລ້ວ, ນັບແຕ່ຕົ້ນປີມາຮອດປະຈຸບັນ, ແຕ່ລະດ່ານຊາຍແດນ ຢູ່ເຂດຊາຍແດນຂອງແຂວງເງະອານ ໄດ້ຈັດຕັ້ງການລາດຕະເວນສອງຝ່າຍ ກັບບັນດາກົມກອງຂອງລາວ ເປັນ 4 ຄັ້ງ.

ໂດຍ: ທູຈາງ