ການຢ້ຽມຢາມຂອງກໍາປັ່ນ HMS Richmond ດຳເນີນໄປໃນຈຸດເວລາທີ່ລາຊະອານາຈັກ ອັງກິດ ແລະຫວຽດນາມ ສະເຫຼີມສະຫຼອງ 15 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ, ສະແດງໃຫ້ເຫັນຄຳໝັ້ນສັນຍາສ້າງຕັ້ງການພົວພັນທາງການທູດສອງຝ່າຍ, ໃນນັ້ນການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບລະຫວ່າງສອງປະເທດ ພວມນັບມື້ນັບໄດ້ຮັບການປັບປຸງ ແລະພັດທະນາ. ການຢ້ຽມຢາມຄັ້ງນີ້ຂອງກໍາປັ່ນ HMS Richmond ບໍ່ພຽງແຕ່ແມ່ນກາລະໂອກາດເພີ່ມທະວີການຮ່ວມມືຂອງທະຫານເຮືອລາຊະອານາຈັກອັງກິດ ກັບບັນດາຄູ່ຮ່ວມມືຂອງຫວຽດນາມ ເທົ່ານັ້ນ ຫາກຍັງເປັນການຢືນຢັນເຖິງຄຳໝັ້ນສັນຍາອັນບໍ່ຢຸດຢັ້ງຂອງລາຊະອານາຈັກ ອັງກິດ ໃນການຊຸກຍູ້ຄວາມສະຖຽນລະພາບ ແລະຄວາມໝັ້ນຄົງທົ່ວໂລກຢູ່ພາກພື້ນມະຫາສະໝຸດອິນເດຍ-ປາຊີຟິກ.

leftcenterrightdel
ຕາງໜ້າການນໍາຂອງທະຫານເຮືອເຂດ 2 ຕ້ອນຮັບລູກເຮືອກໍາປັ່ນ HSM Richmond. ພາບ: qdnd.vn

ໃນໄລຍະຢູ່ນະຄອນໂຮ່ຈີມິນ, ລູກເຮືອຂອງກໍາປັ່ນ HSM Richmond ຈະເຂົ້າຢ້ຽມຂໍ່ານັບການນຳນະຄອນໂຮ່ຈີມິນ; ກອງບັນຊາການທະຫານເຂດ 7; ກອງບັນຊາການທະຫານເຮືອເຂດ 2; ເຂົ້າຮ່ວມບັນດາການເຄື່ອນໄຫວພົບປະແລກປ່ຽນວັດທະນະທຳ, ກິລາກັບພະນັກງານ, ນັກຮົບທະຫານເຮືອຫວຽດນາມ ແລະຢ້ຽມຢາມບາງປູຊະນີຍະສະຖານວັດທະນະທໍາ, ປະຫວັດສາດ ແລະທັດສະນີຍະພາບຢູ່ນະຄອນໂຮ່ຈີມິນ.

ໂດຍ: ຈາງຫງວຽນ