ຫວຽດນາມ ຈັດຕັ້ງຊຸດຝຶກອົບຮົມກ່ຽວກັບການຮັກສາສັນຕິພາບບັນລຸມາດຕະຖານສະຫະປະຊາຊາດ
ກປ.ອອນໄລ - ຊຸດຝຶກອົບຮົມນາຍທະຫານເສນາ ສະຫະປະຊາຊາດ 2026 (UNSOC 2026) ໄດ້ດຳເນີນແຕ່ວັນທີ 3-30 ມັງກອນ ໄດ້ປິດລົງຢ່າງຈົບງາມ, ເປັນຂີດໝາຍຜົນສຳເລັດຂອງຊຸດຝຶກອົບຮົມ UNSOC, ໂດຍກົມຮັກສາສັນຕິພາບຫວຽດນາມ ຈັດຕ້ັງ ດ້ວຍການໜູນຊ່ວຍຂອງການາດາ ເພື່ອໃຫ້ ສປຊ ຮັບຮອງບັນລຸມາດຕະຖານ ປີ 2026.
ທ່ານພົນຈັດຕະວາ ຟ້າມແມ້ງຖັ໊ງ, ຫົວໜ້າກົມຮັກສາສັນຕິພາບຫວຽດນາມ ກ່າວຄໍາເຫັນໂດຍຢືນຢັນວ່າ: ພິທີປິດບໍ່ພຽງແຕ່ເປັນຂີດໝາຍສິ້ນສຸດຂອງຊຸດຝຶກອົບຮົມດ້ານວິຊາສະເພາະດ້ວຍຄວາມດັນສູງເທົ່ານັ້ນ, ຫາກຍັງສະແດງໃຫ້ເຫັນເຖິງໝາກຜົນອັນສໍາຄັນທາງດ້ານລະບອບລະບຽບການ, ຍ້ອນວ່າຊຸດຝຶກອົບຮົມໄດ້ຮັບການຈັດຕັ້ງຕາມມາດຕະຖານຂອງອົງການຝຶກແອບສະສົມ (ITS), ກົມເຄື່ອນໄຫວສັນຕິພາບ ສປຊ.
    |
 |
|
ທ່ານພົນຈັດຕະວາ ຟ້າມແມ້ງຖັ໊ງ ມອບໃບຢັ້ງຢືນປະຕິບັດສໍາເລັດຊຸດຝຶກອົບຮົມໃຫ້ແກ່ນັກຮຽນການທະຫານສາກົນ. ພາບ: qdnd.vn |
ກ່າວຄຳເຫັນທີ່ພິທີປິດ, ທ່ານພັນໂທ Taha Chaoui, ຜູ້ຕາງໜ້າອົງການ ITS ໃຫ້ຮູ້ວ່າ ໂດຍອີງໃສ່ການສັງເກດ ແລະຕີລາຄາຢ່າງກົງໄປກົງມາໃນວິວັດການຝຶກແອບ, ກົມຮັກສາສັນຕິພາບຫວຽດນາມ ໄດ້ຕອບສະໜອງຄວາມຮຽກຮ້ອງການຝຶກແອບຂອງ ສປຊ ຢ່າງຄົບຖ້ວນເພື່ອຈັດຕັ້ງຊຸດຝຶກອົບຮົມ UNSOC ດ້ວຍມາດຕະຖານສູງ.
|
|
 |
|
ຜູ້ບັນຊາການກົມຮັກສາສັນຕິພາບຫວຽດນາມ ພ້ອມດ້ວຍຜູ້ຕາງໜ້າສາກົນຖ່າຍຮູບເປັນທີ່ລະນຶກກັບຄູອາຈານຫວຽດນາມ, ຄູຝຶກການາດາ. ພາບ: qdnd.vn |
ຕາມການຕີລາຄາຂອງຜູ້ຕາງໜ້າ ITS, ກົມຮັກສາສັນຕິພາບຫວຽດນາມ ໄດ້ຢືນຢັນທີ່ຕັ້ງເປັນຄູ່ຮ່ວມມືທີ່ມີຊື່ສຽງ ແລະມີຄວາມສາມາດໃນລະບົບຝຶກແອບຮັກສາສັນຕິພາບຂອງ ສປຊ ແລະສາມາດສືບຕໍ່ຄົ້ນຄ້ວາ ແລະເປີດກວ້າງການຮ່ວມມືກັບອົງການຝຶກແອບສະສົມ ເພື່ອເປັນເຈົ້າພາບຈັດຕັ້ງບັນດາການເຄື່ອນໄຫວຝຶກແອບສາກົນຂອງສະຫະປະຊາຊາດ, ຜ່ານນັ້ນປະກອບສ່ວນຫຼາຍກວ່າອີກເຂົ້າໃນຄວາມມານະພະຍາຍາມລວມ ໃນການກໍ່ສ້າງກຳລັງຮັກສາສັນຕິພາບ.
ກ່າວຄຳເຫັນນະທີ່ນີ້, ທ່ານພັນຕີ Douglas Thurber, ຜູ້ຕາງໜ້າກົມຮ່ວມມື ແລະບໍາລຸງສ້າງດ້ານການທະຫານ (DMTC) ການາດາ ທັງເປັນນັກຄຸ້ມຄອງຊຸດຝຶກອົບຮົມໄດ້ຮັບຮູ້ຈິດໃຈເປັນມືອາຊີບ, ຄວາມສຸດອົກສຸດໃຈ, ພິເສດແມ່ນຈິດໃຈເຮັດວຽກເປັນທີມຂອງຄູອາຈານຫວຽດນາມ ກໍຄືຄູຝຶກຊາວການາດາ.
|
|
 |
|
ພະນັກງານ, ຜູ້ບັນຊາການກົມຮັກສາສັນຕິພາບຫວຽດນາມ ຖ່າຍຮູບເປັນທີ່ລະນຶກກັບຜູ້ຕາງໜ້າສາກົນ, ຄູອາຈານ ແລະນັກຮຽນການທະຫານ. ພາບ: qdnd.vn |
ການຕີລາຄາໂດຍກົງຂອງຜູ້ຕາງໜ້າ ITS ໃນຊຸດຝຶກອົບຮົມແມ່ນພື້ນຖານສໍາຄັນ ແລະຈະຍົກອອກໃນບົດລາຍງານທີ່ຍື່ນສະເໜີຕໍ່ການນໍາຂອງ ສປຊ ເພື່ອອະນຸມັດຜ່ານມອບໃບຢັ້ງຢືນໃຫ້ແກ່ຊຸດຝຶກອົບຮົມ ທີ່ໄດ້ຈັດຂຶ້ນ ຢູ່ຫວຽດນາມ.
ເລື່ອງສະຫະປະຊາຊາດ ຮັບຮອງວ່າບັນລຸມາດຕະຖານແມ່ນປະຖົມປົດໄຈອັນສຳຄັນເພື່ອໃຫ້ຫວຽດນາມ ສືບຕໍ່ຈັດຕັ້ງຊຸດອົບຮົມສາກົນກ່ຽວກັການຮັກສາສັນຕິພາບ ຕາມມາດຕະຖານຂອງ ສປຊ, ປະກອບສ່ວນຢັ້ງຢືນທີ່ຕັ້ງຂອງຫວຽດນາມ ແມ່ນສູນຝຶກແອບການຮັກສາສັນຕິພາບທີ່ມີຊື່ສຽງໃນພາກພື້ນ, ກາຍເປັນປະເທດທີ່ໄດ້ຮັບຄວາມໄວ້ເນື້ອເຊື່ອໃຈເລືອກເຟັ້ນຈາກ ສປຊ ເພື່ອຈັດຕັ້ງຊຸດອົບຮົມຄັ້ງຕໍ່ໄປ, ກໍຄືດຶງດູດການສະໜັບສະໜູນ ແລະການໜູນຊ່ວຍຈາກບັນດາປະເທດຄູ່ຮ່ວມມືໃນຂົງເຂດນີ້.
ໂດຍ: ທູຈາງ