ທ່ານພົນຈັດຕະວາ ຈຽມຖົ໊ງເຍິດ, ກໍາມະການສູນກາງພັກ, ຮອງຜູ້ບັນຊາການ, ຫົວໜ້າຫ້ອງເສນາທິການທະຫານເຂດ 9 ໄດ້ເປັນປະທານພິທີປິດ. ເຂົ້າຮ່ວມພິທີຍັງມີທ່ານພົນເອກ Suos Sina ຮອງຜູ້ບັນຊາການ ກອງບັນຊາການພິທັກຮັກສາ, ກອງທັບແຫ່ງລາຊະອານາຈັກ ກຳປູເຈຍ.

ພາຍຫຼັງ 3 ເດືອນ, ນັກຮຽນການທະຫານ 50 ຄົນໄດ້ປະກອບຄວາມຮູ້ກ່ຽວກັບວິຊາງົດງາມ, ກໍາລັງກາຍ, ວິທີການຕີມວຍ, ຄວາມຊໍານິຊໍານານດ້ານພູມີປະເທດ, ເຕັກນິກການຍິງ, ຍຸດທະວິທີຕີພິເສດ.

leftcenterrightdel
ບັນຍາກາດທີ່ພິທີປິດ. ພາບ: qdnd.vn

ຜົນວ່າ, ນັກຮຽນການທະຫານ 100% ບັນລຸລະດັບດີ ແລະເກັ່ງ, ໄດ້ຮັບໃບຢັ້ງຢືນປະຕິບັດສໍາເລັດຊຸດຝຶກອົບຮົມ.

ກ່າວຄຳເຫັນທີ່ພິທີປິດ, ທ່ານພົນຈັດຕະວາ ຈຽມຖົ໊ງເຍິດ ຢືນຢັນວ່າ ການຮ່ວມມືດ້ານການບໍາລຸງສ້າງ,  ຝຶກແອບການທະຫານປະກອບສ່ວນປັບປຸງສາຍພົວພັນສາມັກຄີ, ມິດຕະພາບທີ່ເປັນມູນເຊື້ອລະຫວ່າງກອງທັບປະຊາຊົນຫວຽດນາມ ກັບກອງທັບ ແຫ່ງລາຊະອານາຈັກ ກຳປູເຈຍ ບົນພື້ນຖານສະເໝີພາບ, ເຄົາລົບ, ເຂົ້າໃຈ, ພ້ອມກັນພັດທະນາໃນທຸກຂົງເຂດ.

leftcenterrightdel
ທ່ານພົນຈັດຕະວາ ຈຽມຖົ໊ງເຍິດ ມອບໃບຍ້ອງຍໍໃຫ້ແກ່ບັນດາບຸກຄົນທີ່ມີຜົນງານດີເດັ່ນໃນຊຸດຝຶກອົບຮົມໄລຍະສັ້ນ ກ່ຽວກັບການຕີພິເສດໃຫ້ແກ່ນາຍທະຫານກອງບັນຊາການພິທັກຮັກສາ, ກອງທັບ ແຫ່ງລາຊະອານາຈັກ ກຳປູເຈຍ ຊຸດທີ 22. ພາບ: qdnd.vn

ເນື່ອງໃນໂອກາດນີ້, ທະຫານເຂດ 9 ໄດ້ຍ້ອງຍໍຊົມເຊີຍ 12 ບຸກຄົນ ທີ່ມີຜົນງານດີເດັ່ນ, 10 ບຸກຄົນທີ່ມີຜົນງານດີໃນຊຸດຝຶກອົບຮົມໄລຍະສັ້ນ ກ່ຽວກັບການຕີພິເສດໃຫ້ແກ່ນາຍທະຫານ ກອງບັນຊາການພິທັກຮັກສາ, ກອງທັບແຫ່ງລາຊະອານາຈັກ ກຳປູເຈຍ ຊຸດທີ 22.

ໂດຍ: ທູຈາງ