ກະຊວງປ້ອງກັນປະເທດ ຍ້ອງຍໍບັນດາກຳລັງທີ່ເຂົ້າຮ່ວມໜ້າທີ່ A80

ກ່າວຄຳເຫັນຊີ້ນໍາທີ່ພິທີ, ຕາງໜ້າໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ, ທ່ານພົນເອກ ຟານວັນຢາງ ໄດ້ຍ້ອງຍໍ ແລະອວຍພອນໝາກຜົນ, ຜົນງານດີເດັ່ນຂອງພະນັກງານ, ນັກຮົບບັນດາກຳລັງກອງທັບ, ກໍາລັງທະຫານລາດໃນເຂົ້າຮ່ວມການປະຕິບັດໜ້າທີ່ A80. ພ້ອມກັບກຳລັງອື່ນໆ, ບັນດາກ້ອນ, ກຳລັງຂອງກອງທັບ, ກໍາລັງທະຫານລາດ ໄດ້ປະຕິບັດສໍາເລັດໜ້າທີ່, ປະກອບສ່ວນສ້າງເປັນການສວນສະໜາມ, ເດີນຂະບວນທີ່ສະຫງ່າຜ່າເຜີຍ.

ທ່ານພົນເອກ ຟານວັນຢາງ ກ່າວຄຳເຫັນຊີ້ນໍາທີ່ພິທີ. ພາບ: ຫວຽດຈູງ

ທ່ານພົນເອກ ຟານວັນຢາງ ເນັ້ນໜັກວ່າ ເມື່ອທຽບໃສ່ການກວດຜ່ານ, ຄັ້ງໃຫຍ່ທີ່ພິທີສະເຫຼີມສະຫຼອງ, ບັນດາກ້ອນໄດ້ສະແດງໃຫ້ເຫັນສວຍງາມກວ່າ, ເປັນເອກະພາບກວ່າ, ບັນຍາກາດ ແລະຈິດໃຈອັນສະຫງ່າອົງອາດກວ່າ. ພ້ອມກັນນັ້ນ, ການເຂົ້າຮ່ວມຂອງກ້ອນກອງທັບບັນດາປະເທດ (ຈີນ, ລັດເຊຍ, ລາວ, ກໍາປູເຈຍ) ໄດ້ສະແດງໃຫ້ເຫັນຄວາມສາມັກຄີສາກົນ, ມິດຕະພາບ ແລະການຮ່ວມມືຢ່າງແໜ້ນແຟ້ນກັບຫວຽດນາມຂອງບັນດາປະເທດ ກໍ່ຄືລັກສະນະຖືກຕ້ອງ ແລະມີປະສິດທິຜົນຂອງແນວທາງການພົວພັນຕ່າງປະເທດດ້ານປ້ອງກັນຊາດຂອງພັກເຮົາ.

ທ່ານພົນເອກ ຟານວັນຢາງ ເນັ້ນໜັກວ່າ ໝາກຜົນການສວນສະໜາມ, ເດີນຂະບວນຂອງກໍາລັງກອງທັບ, ກໍາລັງທະຫານລາດໄດ້ຮັບການຕີລາຄາສູງຈາກການນໍາພັກ, ລັດ, ປະຊາຊົນ ແລະເພື່ອນມິດສາກົນ. ການປະກອບສ່ວນຂອງບັນດາກໍາລັງໄດ້ປະກອບສ່ວນແຜ່ຂະຫຍາຍຢ່າງແຮງສານອັນເລິກເຊິ່ງກ່ຽວກັບຄາດຫວັງເອກະລາດ, ເສລີພາບ, ສັນຕິພາບ, ມິດຕະພາບເຖິງເພື່ອນມິດສາກົນ, ພ້ອມທັງນໍາມາໃຫ້ພີ່ນ້ອງຮ່ວມຊາດ, ພະນັກງານ, ນັກຮົບໃນທົ່ວປະເທດຄວາມສະເທືອນໃຈ ແລະຄວາມເອກອ້າງທະນົງໃຈອັນໃຫຍ່ຫຼວງ.

ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດ ແລະທ່ານພົນເອກ ຈິ້ງວັນກວ໊ຽດ ຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ມອບໃບຍ້ອງຍໍໃຫ້ແກ່ບຸກຄົນ, ໝູ່ຄະນະທີ່ພິທີ. ພາບ: ຫວຽດຈູງ

ທີ່ພິທີ, ຄະນະຈັດຕັ້ງໄດ້ປະກາດຂໍ້ຕົກລົງຍ້ອງຍໍຊົມເຊີຍ ແລະມອບໃບຍ້ອງຍໍຂອງລັດຖະມົນຕີກະຊວງປ້ອງກັນປະເທດ, ໃບຍ້ອງຍໍຂອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໃຫ້ແກ່ບັນດາໝູ່ຄະນະ, ບຸກຄົນທີ່ມີຜົນງານດີເດັ່ນໃນການເປັນເສນາທິການ, ຈັດຕັ້ງປະຕິບັດ ແລະເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງ 80 ປີແຫ່ງວັນປະຕິວັດເດືອນສິງຫາ ແລະວັນຊາດທີ 2 ກັນຍາ.

ໂດຍ: ເຈິ່ນຮວ່ຽນ