ກົມກອງໄດ້ຮັບການຍ້ອງຍໍຊົມເຊີຍວິລະຊົນກໍາລັງປະກອບອາວຸດປະຊາຊົນ ສອງຄັ້ງ
ໃນການຕໍ່ສູ້ກູ້ຊາດ, ຕ້ານອາເມລິກາ, ຄ້າຍທະຫານຊາຍແດນເຮື໊ອງເລິບ ຢູ່ໃນເງື່ອນໄຂທີ່ຫຍຸ້ງຍາກລຳບາກເປັນພິເສດ ແລະດຸເດືອດ, ໄດ້ປະຕິບັດສຳເລັດໜ້າທີ່ປ້ອງກັນຊາດ, ປ້ອງກັນຄວາມສະຫງົບເປັນຢ່າງດີ, ພ້ອມກັບທ້ອງຖິ່ນກໍ່ສ້າງຮາກຖານການເມືອງ, ຮັກສາຄວາມສະຫງົບຢູ່ເຂດຊາຍແດນ, ກໍ່ສ້າງຕາແສງເຮື໊ອງເລິບ ໃຫ້ກາຍເປັນຄັນທຸງນຳໜ້າໃນການປົກປັກຮັກສາຄວາມປອດໄພ, ຄວາມເປັນລະບຽບຮຽບຮ້ອຍ.
    |
 |
|
ພະນັກງານ, ນັກຮົບຄ້າຍທະຫານຊາຍແດນເຮື້ອງເລິບ ຈັດຕັ້ງການຝຶກແອບໝູ່ປືນຈັກປ້ອງກັນອາກາດປະເພດ 12,7mm. ພາບ: qdnd.vn |
ຄ້າຍທະຫານຊາຍແດນເຮື໊ອງເລິບ ໄດ້ປະສານສົມທົບກັບກົມກອງຂອງຝ່າຍເພື່ອນ ຍິງເຮືອບິນອາເມລິກາຕົກ 8 ລໍາ, ຍົກສູງສະຕິລະວັງຕົວເພື່ອປາບປາມພວກປະຕິການ, ດັບສູນ ແລະຈັບສາຍລັບ, ກອມມັງໂດທີ່ແຊກຊຶມເຂົ້າບໍລິເວນໄດ້ຫຼາຍຄົນ. ຄ້າຍທະຫານ ຍັງປະຕິບັດສຳເລັດໜ້າທີ່ຊ່ວຍເຫຼືອທ້ອງຖິ່ນພັດທະນາເສດຖະກິດ - ສັງຄົມໄດ້ຢ່າງດີເລີດ, ປະຕິບັດວຽກງານການທູດປະຊາຊົນເປັນຢ່າງດີ, ກໍ່ສ້າງເສັ້ນຊາຍແດນຫວຽດນາມ - ລາວ ໃຫ້ກາຍເປັນເສັ້ນຊາຍແດນແຫ່ງຄວາມຮັກແພງ, ສັດຊື່ບໍລິສຸດ ແລະໄມຕີຈິດມິດຕະພາບ.
|
|
 |
|
ຄ້າຍທະຫານຊາຍແດນເຮື້ອງເລິບ ປົກປັກຮັກສາອະທິປະໄຕ, ຄວາມໝັ້ນຄົງຢູ່ເຂດຊາຍແດນຂອງຊາດໄວ້ໃຫ້ໝັ້ນຄົງ. ພາບ: qdnd.vn |
ການອຸທິດຕົນ, ການເສຍສະຫຼະຂອງພະນັກງານ, ນັກຮົບຄ້າຍທະຫານຊາຍແດນເຮື໊ອງເລິບ ລຸ້ນຕ່າງໆໄດ້ຮັບການຮັບຮູ້ ແລະຍ້ອງຍໍຊົມເຊີຍຈາກພັກ, ລັດ ດ້ວຍການມອບນາມມະຍົດວິລະຊົນກໍາລັງປະກອບອາວຸດປະຊາຊົນ 2 ຄັ້ງ (ຄັ້ງທີ 1 ແມ່ນໃນວັນທີ 1 ມັງກອນ ປີ 1967, ຄັ້ງທີ 2 ແມ່ນໃນວັນທີ 3 ກັນຍາ ປີ 1973), ພ້ອມດ້ວຍໃບຍ້ອງຍໍຂອງພັກ, ລັດ, ກອງທັບ ແລະ ທ້ອງຖິ່ນຕ່າງໆຫຼາຍໃບ.
ເສີມຂະຫຍາຍມູນເຊື້ອ, ປະຕິບັດສຳເລັດໜ້າທີ່ເປັນຢ່າງດີ
ປະຈຸບັນ, ເພື່ອປະຕິບັດສໍາເລັດໜ້າທີ່ໃຫ້ເປັນຢ່າງດີ, ພະນັກງານ, ນັກຮົບຂອງກົມກອງ ຍາມໃດກໍ່ໄດ້ໃກ້ຊິດຕິດແທດກັບປະຊາຊົນ, ປະຕິບັດວຽກງານໂຄສະນາ, ຂົນຂວາຍປະຊາຊົນປະຕິບັດຕາມແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ, ເປັນຕົ້ນແມ່ນປົກປັກຮັກສາອະທິປະໄຕຄວາມໝັ້ນຄົງຂອງຊາດ; ກໍ່ສ້າງຊົນນະບົດໃໝ່ ແລະໝູ່ບ້ານສີວິໄລ.
|
|
 |
|
ຄ້າຍທະຫານຊາຍແດນເຮື້ອງເລິບ ປຸກລຸກຈິດໃຈຮັກຊາດຂອງນັກຮຽນແຂວງກວາງຈິ ຜ່ານ “ຊົ່ວໂມງຮຽນຊາຍແດນ”. ພາບ: qdnd.vn |
ທ່ານພັນໂທ ຫງວຽນແອັງຕ໊ວນ, ຫົວໜ້າຄ້າຍທະຫານຊາຍແດນເຮື້້ອງເລິບ ໃຫ້ຮູ້ວ່າ: ໃນໄລຍະຜ່ານມາ, ກົມກອງໄດ້ປະຕິບັດວຽກງານກໍ່ສ້າງ, ເພີ່ມເຕີມລະບົບເອກະສານການສູ້ຮົບຢ່າງຄົບຖ້ວນ; ຈັດຕັ້ງການປະຕິບັດແຜນການ ແລະວິທີການຢ່າງເປັນປະຈໍາເພື່ອຍົກລະດັບ ແລະຄວາມສາມາດກຽມພ້ອມສູ້ຮົບຢ່າງບໍ່ຢຸດຢັ້ງ, ສົມທົບກັນຮັກສາລະບອບປະຈໍາການສູ້ຮົບຢ່າງເຂັ້ມງວດ, ປະຕິບັດສຳເລັດທຸກໜ້າທີ່ເມື່ອມີກໍລະນີເກີດຂຶ້ນ.
ພ້ອມທັງຜັນຂະຫຍາຍກຳລັງຕິດແທດ ແລະກໍາແໜ້ນສະພາບການໃນບໍລິເວນ, ສົມທົບກັນຢ່າງແໜ້ນແຟ້ນກັບບັນດາກຳລັງທີ່ກ່ຽວຂ້ອງ ເພື່ອຕໍ່ສູ້, ຕ້ານ ແລະສະກັດກັ້ນອາດຊະຍາກຳປະເພດຕ່າງໆ ແລະເປົ້າໝາຍລະເມີດກົດໝາຍ. ສຸມໃສ່ກໍ່ສ້າງບັນດາກົມກອງ, ສ້າງສະພາບແວດລ້ອມໃຫ້ເປັນຫຼວງ, ສີຂຽວ-ສະອາດ-ສວຍງາມ; ໝັ້ນຄົງເຂັ້ມແຂງຮອບດ້ານ “ເປັນແບບຢ່າງ, ດີເດັ່ນ”. ໃນ 5 ປີຜ່ານມາ, ທາງກົມກອງໄດ້ສະໜອງຂໍ້ມູນອັນລ້ຳຄ່າຫຼາຍຢ່າງ ເພື່ອຮັບໃຊ້ວຽກງານຄຸ້ມຄອງ ແລະປົກປັກຮັກສາອະທິປະໄຕຜືນແຜ່ນດິນ ແລະຄວາມສະຫງົບຢູ່ເຂດຊາຍແດນຂອງຊາດ.
|
|
 |
|
ພະນັກງານ, ນັກຮົບຄ້າຍທະຫານຊາຍແດນເຮື້ອງເລິບ ປະຕິບັດວຽກງານຂົນຂວາຍປະຊາຊົນ, ຮັກສາສາຍພົວພັນສະໜິດແໜ້ນກັບປະຊາຊົນ, ຄະນະພັກ, ອໍານາດການປົກຄອງທ້ອງຖິ່ນໃຫ້ເປັນຢ່າງດີ. ພາບ: qdnd.vn |
ສຳລັບຄະນະພັກ, ອໍານາດການປົກຄອງ ແລະປະຊາຊົນຕາແສງເຮື໊ອງເລິບ ແລະ ຕາແສງເຮື້ອງວຽດ, ບັນດານັກຮົບທະຫານຊາຍແດນ ຍາມໃດກໍ່ເປັນບ່ອນອີງອັນໜັກແໜ້ນ. ພະນັກງານ, ນັກຮົບຄ້າຍທະຫານຊາຍແດນເຮື໊ອງເລິບ ຍາມໃດກໍ່ສະໜິດຕິດພັນກັນຢ່າງແໜ້ນແຟ້ນ, ປະຕິບັດບົດບາດເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນໃນການເບິ່ງແຍງດູແລກໍ່ສ້າງ, ປັບປຸງລະບົບການເມືອງໃຫ້ເຂັ້ມແຂງ.
ຄຽງຂ້າງນັ້ນ, ຄ້າຍທະຫານຊາຍແດນເຮື໊ອງເລິບ ຍັງໄດ້ຕັ້ງໜ້າຮຽກຮ້ອງ, ຂົນຂວາຍບັນດາວິສາຫະກິດ, ຜູ້ໃຈບຸນໃຈກຸສົນເຂົ້າຮ່ວມການໜູນຊ່ວຍ, ບໍລິຈາກ, ໜູນຊ່ວຍເຄື່ອງຂອງທີ່ຈຳເປັນ, ກໍ່ສ້າງ “ເຮືອນໃຫ້ຄົນທຸກຍາກຢູ່ເຂດຊາຍແດນ” 13 ຫຼັງ ເພື່ອຊ່ວຍໃຫ້ບັນດາຄອບຄົວນະໂຍບາຍ, ກໍ່ສ້າງເສົາໄຟເຍືອງທາງຢູ່ເຂດຊາຍແດນ, ຫ້ອງຮຽນ, ປະຕູເຂົ້າບ້ານ, ໂຄງການກໍ່ສ້າງອື່ນໆ…
|
|
 |
|
ພະນັກງານ, ນັກຮົບຄ້າຍທະຫານຊາຍແດນເຮື້ອງເລິບ ຈັດຕັ້ງການໂຄສະນາເຜີຍແຜ່, ສຶກສາອົບຮົມດ້ານກົດໝາຍໃຫ້ແກ່ປະຊາຊົນ ຢູ່ໃນບໍລິເວນ. ພາບ: qdnd.vn |
ນອກຈາກນັ້ນ, ຄ້າຍທະຫານຊາຍແດນເຮື້້ອງເລິບ ຍັງໄດ້ສົມທົບຢ່າງແໜ້ນແຟ້ນກັບກຳລັງປ້ອງກັນຊາຍແດນຂອງປະເທດເພື່ອນລາວ ເພື່ອປົກປັກຮັກສາອະທິປະໄຕຜືນແຜ່ນດິນ ແລະ ຄວາມສະຫງົບຢູ່ເຂດຊາຍແດນຂອງແຂວງ ໄວ້ຢ່າງໝັ້ນຄົງ.
ຕັ້ງໜ້າລະດົມແຫຼ່ງກຳລັງ, ຈັດຕັ້ງການຢ້ຽມຢາມຖາມຂ່າວ, ມອບຂອງຂວັນໃຫ້ກໍາລັງປ້ອງກັນຊາຍແດນ ແລະປະຊາຊົນລາວ, ປະກອບສ່ວນກໍ່ສ້າງເຂດຊາຍແດນທາງທິດຕາເວັນຕົກຂອງແຂວງກວາງຈິ ໃຫ້ນັບມື້ນັບພັດທະນາ.
|
|
 |
|
ພະນັກງານ, ນັກຮົບຄ້າຍທະຫານຊາຍແດນເຮື້ອງເລິບ ເຂົ້າຮ່ວມການພົບປະແກລປ່ຽນເດືອນຊາວໜຸ່ມ ປີ 2025 ກັບກໍາລັງປ້ອງກັນຊາຍແດນຂອງລາວ. ພາບ: qdnd.vn |
ທ່ານພັນເອກພິເສດ ຫງວຽນບ໊າຢວຽດ, ຮອງຜູ້ບັນຊາການ, ຫົວໜ້າເສນາທິການຄະນະບັນຊາການທະຫານຊາຍແດນ, ກອງບັນຊາການທະຫານແຂວງກວາງຈິ ຕີລາຄາວ່າ, ໃນການປະຕິບັດງານ, ຄ້າຍທະຫານຊາຍແດນເຮື໊ອງເລິບ ຍາມໃດກໍ່ປະຕິບັດບົດບາດກໍາລັງຮັບຜິດຊອບ, ຫຼັກແຫຼ່ງໃນການປ້ອງກັນຊາຍແດນ, ເປັນເຈົ້າການປະສານສົມທົບຢ່າງແໜ້ນແຟ້ນກັບອຳນາດການປົກຄອງທ້ອງຖິ່ນ, ກໍາລັງຕ່າງໆຂອງທ້ອງຖິ່ນ ເພື່ອກໍ່ສ້າງກຸ່ມບ້ານປອດໄພ; ເສີມຂະຫຍາຍກຳລັງແຮງຂອງມະຫາຊົນ, ປະຊາຊົນເພື່ອຮັກສາຄວາມໝັ້ນຄົງດ້ານການເມືອງ, ຄວາມປອດໄພ, ຄວາມເປັນລະບຽບຮຽບຮ້ອຍທາງສັງຄົມຢູ່ບໍລິເວນ, ຕິດພັນກັບການຮັບປະກັນອະທິປະໄຕ ແລະຄວາມສະຫງົບຢູ່ເຂດຊາຍແດນ.
ໃນການກໍ່ສ້າງ ແລະເພີ່ມພູນຄູນສ້າງສາຍພົວພັນຫວຽດນາມ - ລາວ, ຄ້າຍທະຫານຊາຍແດນເຮື້ອງເລິບ ໄດ້ມີການເຄື່ອນໄຫວແທດຈິງ ແລະມີຄວາມໝາຍຫຼາຍຢ່າງ, ສົມທົບກັບກຳລັງປ້ອງກັນຊາຍແດນຂອງປະເທດເພື່ອນ ເພື່ອກໍ່ສ້າງເຂດຊາຍແດນທີ່ປອດໄພ, ສັນຕິພາບ, ມິດຕະພາບ, ການຮ່ວມມື ແລະ ພ້ອມກັນພັດທະນາ.
ໂດຍ: ທູຈາງ