ຈັດຕັ້ງການມອບ-ຮັບຄະນະບັນຊາການທະຫານຊາຍແດນ ໄປສູ່ຂຶ້ນກັບກອງບັນຊາການທະຫານຂັ້ນແຂວງ

ໃນໄລຍະທີ່ຜ່ານມາ, ບັນດາກົມກອງໄດ້ຊາບຊຶມ, ປະຕິບັດມະຕິສະບັບເລກທີ 866-NQ/QUTW ຂອງຄະນະພັກການທະຫານສູນກາງ ກ່ຽວກັບການສັບຊ້ອນບັນດາອົງການຈັດຕັ້ງການທະຫານທ້ອງຖິ່ນຕາມທິດ “ຍອດຢ້ຽມ, ກະທັດຮັດ, ເຂັ້ມແຂງ”  ເໝາະສົມກັບຮູບແບບອໍານາດການປົກຄອງສອງຂັ້ນ; ບັນດາຂໍ້ຕົກລົງຂອງກະຊວງປ້ອງກັນປະເທດ, ກົມໃຫຍ່ເສນາທິການ ກ່ຽວກັບການຍຸບເລີກກອງບັນຊາການທະຫານຊາຍແດນບັນດາແຂວງ, ນະຄອນ; ສ້າງຕັ້ງບັນດາຄະນະບັນຊາການທະຫານຊາຍແດນ; ບັນດາຄຳແນະນຳຂອງຂັ້ນເທິງ ແລະແຜນການຂອງກອງບັນຊາການທະຫານຊາຍແດນຢ່າງເຂັ້ມງວດ. ຕາມນັ້ນແລ້ວ, ຄະນະບັນຊາການທະຫານຊາຍແດນ ໄດ້ຜັນຂະຫຍາຍປະຕິບັດວຽກງານກະກຽມເປັນຢ່າງດີ, ເປັນເຈົ້າການສົມທົບກັບບັນດາອົງການກ່ຽວຂ້ອງຂອງກອງບັນຊາການທະຫານແຂວງ, ນະຄອນ ເພື່ອດໍາເນີນການປະເມີນຜົນຈຳນວນຕົວເລກ, ເປັນເອກະພາບເນື້ອໃນບົດບັດທຶກການມອບ-ຮັບ ເພື່ອຮັບປະກັນໃຫ້ມີຄຸນນະພາບ ແລະຖືກຕາມແຜນການ. ກອງບັນຊາການທະຫານຊາຍແດນ ປະຕິບັດສຳເລັດສໍາເນົາເອກະສານການມອບ-ຮັບ, ເຫັນດີເປັນເອກະພາບກັບກອງບັນຊາການທະຫານແຂວງ, ນະຄອນ ລົງນາມໃນບົດບັນທຶກການມອບ-ຮັບ.

ຜູ້ແທນບັນດາອົງການ, ກົມກອງ ມອບ-ຮັບບົດບັນທຶກທີ່ໄດ້ລົງນາມໃນກອງປະຊຸມ. ພາບ: qdnd.vn

ກ່າວຄຳເຫັນຊີ້ນໍາກອງປະຊຸມ, ທ່ານພົນໂທ ຫງວຽນວັນເຫງ້ຍ ໄດ້ຮຽກຮ້ອງໃຫ້ກອງບັນຊາການທະຫານຊາຍແດນ ແລະທະຫານເຂດຕ່າງໆ ສືບຕໍ່ຊາບຊຶມບັນດາຂໍ້ສະຫຼຸບ ແລະມະຕິຂອງຂັ້ນເທິງ; ກໍາແໜ້ນກົນໄກ ຄະນະພັກ ແລະກອງບັນຊາການທະຫານຊາຍແດນ ນໍາພາ, ບັນຊາ, ຊີ້ນໍາໂດຍກົງ ແລະຮອບດ້ານ ສໍາລັບຄະນະບັນຊາການທະຫານຊາຍແດນ ກ່ຽວກັບວຽກງານປ້ອງກັນຊາຍແດນ ແລະ ກໍ່ສ້າງກຳລັງປ້ອງກັນຊາຍແດນ. ບັນດາອົງການ, ກົມກອງປະຕິບັດຖືກຕາມການຊີ້ນໍາ, ການແນະນໍາກ່ຽວກັບວຽກງານພະລາທິການ, ເຕັກນິກ, ການເງິນ... ຮັບປະກັນແໜ້ນແຟ້ນ, ຄົບຊຸດ, ເປັນເອກະພາບ.

ທ່ານພົນໂທ ຫງວຽນວັນເຫງ້ຍ ຮຽກຮ້ອງໃຫ້ບັນດາກົມກອງສືບຕໍ່ຊີ້ນຳນໍາພາ ປະຕິບັດວຽກງານກະກຽມ ເພື່ອຈັດຕັ້ງກອງປະຊຸມໃຫຍ່ຂອງພັກທຸກຂັ້ນ ຕາມແຜນການ. ແຕ່ລະກົມກອງສົມທົບຢ່າງແໜ້ນແຟ້ນກັບບັນດາອົງການກ່ຽວຂ້ອງຂອງກະຊວງປ້ອງກັນປະເທດ, ກົມໃຫຍ່ເສນາທິການກອງທັບປະຊາຊົນຫວຽດນາມ, ກົມໃຫຍ່ການເມືອງກອງທັບປະຊາຊົນຫວຽດນາມ ເພື່ອຄົ້ນຄວ້າ, ລາຍງານ, ສະເໜີໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ ພິຈາລະນາ,  ປະກາດກົດລະບຽບການສົມທົບລະຫວ່າງຄະນະພັກກອງບັນຊາການທະຫານຊາຍແດນ ກັບຄະນະພັກທະຫານເຂດຕ່າງໆໃນການນໍາພາປະຕິບັດໜ້າທີ່ການທະຫານ, ການປ້ອງກັນຊາດ, ປ້ອງກັນຊາຍແດນ ແລະກໍ່ສ້າງກໍາລັງທະຫານຊາຍແດນ.

ໂດຍ: ທູຈາງ