ທູດທະຫານກຳປູເຈຍ ຢ້ຽມຢາມວິທະຍາໄລປ້ອງກັນຊາຍແດນ ສາຂາທີ 2

ບັນຍາກາດທີ່ການເຮັດວຽກ. ພາບ: qdnd.vn

ທີ່ການເຮັດວຽກ, ທາງໂຮງຮຽນໄດ້ແຈ້ງໃຫ້ຄະນະທູດທະຫານກຳປູເຈຍ ຮັບຊາບຂໍ້ມູນກ່ຽວກັບສະພາບການ ແລະຜົນການບໍາລຸງກໍ່ສ້າງນັກສຶກສາກຳປູເຈຍ ໃນຊຸມປີຜ່ານມາ. ຄະນະພັກ ແລະຄະນະອຳນວຍການວິທະຍາໄລປ້ອງກັນຊາຍແດນຍາມໃດກໍ່ເອົາໃຈໃສ່ ແລະສ້າງເງື່ອນໄຂສະດວກໃຫ້ແກ່ນັກສຶກສາ ໃນຕະຫຼອດວິວັດການຮ່ຳຮຽນ. ບັນດານັກສຶກສາກຳປູເຈຍ ໄດ້ມີຄວາມມານະພະຍາຍາມຫຼາຍຢ່າງ, ຜ່ານຜ່າຄວາມຫຍຸ້ງຍາກ, ບືນຂຶ້ນບັນລຸໄດ້ຜົນງານສູງໃນການຮ່ຳຮຽນ ແລະຝຶກຝົນຫຼໍ່ຫຼອມ.

ທູດທະຫານພ້ອມດ້ວຍຄະນະປະຕິບັດງານໄປຢ້ຽມຢາມບ່ອນກິນບ່ອນຢູ່ຂອງນັກສຶກສາກອງທັບລາດຊະວົງກຳປູເຈຍ. ພາບ: qdnd.vn

ກ່າວຄຳເຫັນທີ່ການເຮັດວຽກ, ທ່ານພົນຈັດຕະວາ Leang Sovannara ໄດ້ສົ່ງຄໍາຂອບໃຈມາຍັງກອງບັນຊາການທະຫານຊາຍແດນ, ວິທະຍາໄລປ້ອງກັນຊາຍແດນທີ່ໄດ້ສ້າງເງື່ອນໄຂໜູນຊ່ວຍບຳລຸງກໍ່ສ້າງພະນັກງານກອງທັບ ແລະຕຳຫຼວດ ໃຫ້ປະເທດກຳປູເຈຍ. ທ່ານພົນ ຈັດຕະວາ Leang Sovannara ເນັ້ນໜັກວ່າ: ການເຄື່ອນໄຫວນີ້ໄດ້ປະກອບສ່ວນຮັດແໜ້ນນໍ້າໃຈສາມັກຄີ, ມິດຕະພາບລະຫວ່າງ ຫວຽດນາມ-ກຳປູເຈຍ ກໍ່ຄືລະຫວ່າງກອງທັບ ແລະກໍາລັງປ້ອງກັນຊາຍແດນສອງປະເທດ.

ສິ້ນສຸດການເຮັດວຽກ, ຄະນະຍັງໄດ້ໄປຢ້ຽມຢາມພື້ນຖານດ້ານວັດຖຸ, ບ່ອນກິນບ່ອນຢູ່ທີ່ຮັບໃຊ້ວຽກງານການສຶກສາ ແລະບຳລຸງກໍ່ສ້າງນັກສຶກສາກຳປູເຈຍ.

ໂດຍ: ທູຈາງ