ກວດກາຄືນວຽກງານກະກຽມໃຫ້ແກ່ງານພົບປະແລກປ່ຽນນາຍທະຫານໜຸ່ມສອງປະເທດຫວຽດນາມ - ຈີນ

ງານພົບປະແລກປ່ຽນນາຍທະຫານໜຸ່ມກອງທັບຫວຽດນາມ - ຈີນ ແມ່ນການເຄື່ອນໄຫວໃນຂອບເຂດໂຄງການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນຫວຽດນາມ - ຈີນ ຄັ້ງທີ 9. ຕາມແຜນການ, ກິດຈະກຳນີ້ຈະດຳເນີນໃນເດືອນ ມີນາ 2025, ດ້ວຍຫຼາຍກິດຈະກຳ.

ຄະນະປະຕິບັດງານກວດກາ ຢູ່ໂຮງແຮມເມືອງແທັງ ບ່ອນດຳເນີນການເຄື່ອນໄຫວໂອ້ລົມສົນທະນານາຍທະຫານໜຸ່ມ. ພາບ: ຫງອກເລີມ

ການພົບປະແລກປ່ຽນນາຍທະຫານໜຸ່ມກອງທັບຫວຽດນາມ-ຈີນ ເພື່ອແນໃສ່ສ້າງໂອກາດໃຫ້ລຸ້ນໜຸ່ມຂອງກອງທັບສອງປະເທດພົບປະແລກປ່ຽນ, ແລກປ່ຽນບົດຮຽນເຊິ່ງກັນ ແລະກັນ, ພ້ອມກັນຫວນຄືນມູນເຊື້ອອັນສະຫງ່າລາສີ, ວິລະຊົນ, ສຸດຈິດສຸດໃຈຂອງສອງປະເທດຫວຽດນາມ - ຈີນ. ບົນພື້ນຖານນັ້ນ, ພ້ອມກັນຮ່ວມແຮງຮ່ວມໃຈປົກປັກຮັກສາ, ເພີ່ມພູນຄູນສ້າງ ແລະຮັດແໜ້ນສາຍພົວພັນສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະກອງທັບຂອງສອງປະເທດຕື່ມອີກ.

ພາຍຫຼັງລົງກວດກາ ແລະກວດກາຄືນທຸກດ້ານຂອງວຽກງານກະກຽມຢູ່ບັນດາສະຖານທີ່, ທ່ານພັນເອກພິເສດ ຫງວຽນແທັງຫາຍ ໄດ້ຊາບຊຶມ, ຮຽກຮ້ອງໃຫ້ບັນດາອົງການວິຊາສະເພາະ ສົມທົບກັນຢ່າງແໜ້ນແຟ້ນກັບແຕ່ລະກົມກອງ ຮັບໃຊ້ບັນດາການເຄື່ອນໄຫວໃນການພົບປະແລກປ່ຽນ, ເສີມຂະຫຍາຍຈິດໃຈຄວາມຮັບຜິດຊອຢ່າງສຸດຂີດ, ກວດກາຄືນຢ່າງຮີບດ່ວນ ແລະປະຕິບັດສໍາເລັດລາຍການທີ່ຕ້ອງໄດ້ເພີ່ມເຕີມ ເຊິ່ງຄະນະປະຕິບັດງານໄດ້ຊີ້ອອກ.

ຄະນະປະຕິບັດງານລົງກວດກາສູນຝຶກອົບຮົມ ແລະແຂ່ງຂັນກິລາກາຍະກໍາ ຂອງແຂວງລ້າງເຊີນ. ພາບ: ຫງອກເລີມ

ທ່ານພັນເອກພິເສດ ຫງວຽນແທັງຫາຍ ຮຽກຮ້ອງໃຫ້ບັນດາອົງການທີ່ກ່ຽວຂ້ອງ ປະຕິບັດສໍາເລັດແຜນການ ແລະວຽກງານເພີ່ມເຕີມໂດຍໄວ, ຮັບປະກັນໃຫ້ການເຄື່ອນໄຫວພົບປະແລກປ່ຽນ ດຳເນີນໄປຖືກຕາມແຜນການ ແລະຄວາມຄືບໜ້າທີ່ໄດ້ອະນຸມັດຜ່ານ.

ເນັ້ນໜັກເຖິງຄວາມສຳຄັນຂອງການເຄື່ອນໄຫວນີ້, ທ່ານຮອງຫົວໜ້າກົມການເມືອງທະຫານຊາຍແດນ ຮຽກຮ້ອງ ໃຫ້ບັນດາກົມກອງ ແລະ ພາກສ່ວນທີ່ກ່ຽວຂ້ອງຄວນສືບຕໍ່ຍົກສູງຈິດໃຈຄວາມຮັບຜິດຊອບ, ເປັນເຈົ້າການ, ຕັ້ງໜ້າ, ສຸມໃສ່ຮັບປະກັນທຸກໜ້າທີ່ເປັນຢ່າງດີ   ເຊິ່ງຄະນະປະຕິບັດງານ ໄດ້ຊີ້ອອກໃຫ້ດີທີ່ສຸດ; ພ້ອມກັນນັ້ນ, ຕັກເຕືອນບັນດາອົງການ, ກົມກອງຄວນກຳນົດວ່ານີ້ແມ່ນໜ້າທີ່ການເມືອງສຳຄັນ, ທາງກົມກອງຕ້ອງສ້າງແຜນການໃຫ້ລະອຽດ, ຜັນຂະຫຍາຍຢ່າງຄົບຊຸດ, ສົມທົບກັນຢ່າງແໜ້ນແຟ້ນ, ຮັບປະກັນການຈັດຕັ້ງໂຄງການໃຫ້ສຳເລັດຜົນ, ສ້າງຄວາມປະທັບໃຈອັນດີງາມ.

ໂດຍ: ທະນາພອນ