    |
 |
|
ທ່ານພົນເອກ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ, ຮອງຫົວໜ້າຮັບຜິດຊອບຫົວຂໍ້ ເປັນປະທານກອງປະຊຸມສໍາມະນາ. ພາບ: qdnd.vn |
ຫົວຂໍ້ ໂດຍ ທ່ານພົນເອກ, ປອ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ເປັນຫົວໜ້າຮັບຜິດຊອບຫົວຂໍ້. ທ່ານພົນເອກ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ, ຮອງຫົວໜ້າຮັບຜິດຊອບຫົວຂໍ້ ເປັນປະທານກອງປະຊຸມສໍາມະນາ.
|
|
 |
|
ບັນຍາກາດທີ່ກອງປະຊຸມສໍາມະນາ. ພາບ: qdnd.vn |
ກອງປະຊຸມສໍາມະນາ ໄດ້ຮັບບົດປະກອບຄໍາເຫັນ 30 ກວ່າບົດ ແລະຫຼາຍຄໍາເຫັນຂອງນາຍພົນ, ຊ່ຽວຊານ, ນັກວິທະຍາສາດ ພາຍໃນປະເທດ. ບັນດາບົດປະກອບຄໍາເຫັນ ແລະຄໍາເຫັນປະກອບທີ່ກອງປະຊຸມສໍາມະນາ ລ້ວນແຕ່ ໄດ້ຮັບການກະກຽມລະອຽດ, ມີເນື້ອໃນວິທະຍາສາດສູງ, ຍົກອອກຂໍ້ອ້າງອີງ, ຫຼັກຖານ, ຕີລາຄາ, ໄຈ້ແຍກຢ່າງເລິກເຊິ່ງ, ພາວະວິໄສ, ຮອບດ້ານກ່ຽວກັບບັນດາປັດໄຈພາຍໃນ ແລະພາຍນອກທີ່ສົ່ງຜົນກະທົບເຖິງຄວາມສາມັກຄີ, ນໍ້າໃຈມິດຕະພາບ 3 ປະເທດ ຫວຽດນາມ-ລາວ-ກໍາປູເຈຍ; ສະເໜີມາດຕະການທີ່ເປັນໄປໄດ້, ເພື່ອເພີ່ມທະວີຄວາມສາມັກຄີມິດຕະພາບລະຫວ່າງ 3 ປະເທດ, 3 ຊາດ ໃນສະພາບການໃໝ່.
|
|
 |
|
ບັນດາຜູ້ແທນເຂົ້າຮ່ວມກອງປະຊຸມສໍາມະນາ. ພາບ: qdnd.vn |
ສະຫຼຸບກອງປະຊຸມສໍາມະນາ, ທ່ານພົນເອກ ຫງວຽນເຕິນເກືອງ ຕີລາຄາສູງຄຸນນະພາບບັນດາບົດປະກອບຄໍາເຫັນ ແລະຄໍາເຫັນປະກອບທີ່ຈິງໃຈ, ມີຄຸນຄ່າດ້ານທິດສະດີ ແລະພຶດຕິກໍາຕົວຈິງສູງຂອງການນໍາບັນດາຄະນະ, ກະຊວງ, ຂະແໜງການຂັ້ນສູງກາງ; ນາຍພົນ, ຊ່ຽວຊານ, ນັກວິທະຍາສາດ; ຮັບຮູ້ການປະສານສົມທົບຢ່າງແໜ້ນແຟ້ນ, ມີປະສິດທິຜົນຂອງບັນດາອົງການ, ກົມກອງ ເຂົ້າໃນຜົນສໍາເລັດຂອງກອງປະຊຸມສໍາມະນາ; ຄະນະຮັບຜິດຊອບຫົວຂໍ້ ໄດ້ຮັບເອົາຄໍາເຫັນປະກອບຂອງບັນດາຜູ້ແທນ, ສຸມໃສ່ໄຈ້ແຍກ, ຕີລາຄາເລິກເຊິ່ງ ແລະຮອບດ້ານກວ່າກ່ຽວກັບທີ່ຕັ້ງ, ບົດບາດ, ພື້ນຖານສ້າງຕັ້ງການພົວພັນຫວຽດນາມ-ລາວ-ກໍາປູເຈຍ ແລະປັດໄຈທີ່ກະທົບເຖິງການພົວພັນ 3 ປະເທດ. ບົນພື້ນຖານນັ້ນ ສະເໜີມາດຕະການທີ່ເປັນໄປໄດ້ ເພື່ອສືບຕໍ່ປັບປຸງ, ເພີ່ມທະວີຄວາມສາມັກຄີມິດຕະພາບລະຫວ່າງ 3 ຊາດ ໃນສະພາບການໃໝ່.
ທ່ານພົນເອກ ຫງວຽນເຕິນເກືອງ ຮຽກຮ້ອງມາຍັງໜ່ວຍງານຈັດຕັ້ງປະຕິບັດຫົວຂໍ້ ສືບຕໍ່ສົມທົບຢ່າງແໜ້ນແຟ້ນກັບບັນດາອົງການ, ກົມກອງທີ່ກ່ຽວຂ້ອງ, ປະຕິບັດສໍາເລັດຜະລິດຕະພັນຄົ້ນຄວ້າດ້ວຍຄຸນນະພາບສູງສຸດ; ຈັດຕັ້ງການຕີລາຄາ, ປະເມີນຫົວຂໍ້ໃຫ້ຖືກຕາມຄວາມຄືບໜ້າທີ່ໄດ້ກໍານົດ.
ໂດຍ: ໄຊຊະນະ