ຕອນບ່າຍວັນທີ 30 ຕຸລາ, ທ່ານພົນໂທ ຮວ່າງຊວນຈ໊ຽນ ໄດ້ມີການພົບປະກັບທ່ານພົນຕີ Jia Jiancheng, ຮອງຜູ້ບັນຊາການ, ຫົວໜ້າເສນາທິການເຂດທີ່ໝັ້ນພາກໃຕ້, ກອງທັບປົດປ່ອຍປະຊາຊົນຈີນ.

ສອງຝ່າຍສະແດງຄວາມປິຕິຊົມຊື່ນຕໍ່ການຮ່ວມມືຢ່າງແໜ້ນແຟ້ນລະຫວ່າງເຂດທີ່ໝັ້ນພາກໃຕ້, ກອງທັບປົດປ່ອຍປະຊາຊົນຈີນ ກັບກໍາລັງທະຫານເຮືອ ແລະທະຫານຊາຍແດນຫວຽດນາມ ໃນໄລຍະຜ່ານມາ, ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ແລະເປັນກຳລັງໜູນເພື່ອໃຫ້ກອງທັບສອງປະເທດຜັນຂະຫຍາຍບັນດາເນື້ອໃນການຮ່ວມມືຢ່າງແທດຈິງ ແລະມີປະສິດທິຜົນ.

leftcenterrightdel
ຄະນະຜູ້ແທນສອງປະເທດຢູ່ເຂດທີ່ໝັ້ນພາກໃຕ້, ກອງທັບປົດປ່ອຍປະຊາຊົນຈີນ. ພາບ: qdnd.vn

ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ: ປະຈຸບັນ, 2 ພັກ ແລະ 2 ປະເທດພວມຢືນຕໍ່ໜ້າກັບບັນດາກາລະໂອກາດ ແລະສິ່ງທ້າທາຍໃໝ່ໃນວິວັດການປ່ຽນແປງໃໝ່ເປີດປະຕູ, ພັດທະນາປະເທດຊາດ. ຍິ່ງກວ່າເວລາໃດໝົດ, ທັງສອງຝ່າຍລ້ວນແຕ່ຕ້ອງການສະພາບແວດລ້ອມແຫ່ງສັນຕິພາບ ແລະສະຖຽນລະພາບ, ຮັບໃຊ້ເປົ້າໝາຍຍຸດທະສາດພັດທະນາຢູ່ແຕ່ລະປະເທດ. ທ່ານພົນໂທ ຮວ່າງຊວນຈ໊ຽນ  ສະແດງຄວາມເຊື່ອໝັ້ນວ່າ ດ້ວຍຄວາມໄວ້ເນື້ອເຊື່ອໃຈທາງດ້ານການເມືອງ, 2 ຝ່າຍຈະສືບຕໍ່ເພີ່ມທະວີການພົວພັນຮ່ວມມື ແລະຊຸກຍູ້ເຮັດໃຫ້ການພົວພັນລະຫວ່າງ 2 ກອງທັບເລິກເຊິ່ງກວ່າອີກຖືກຕາມຄວາມຮັບຮູ້ລວມຂອງບັນດາການນຳຂັ້ນສູງ 2 ພັກ ແລະ 2 ປະເທດຕາມທິດ “ການປ້ອງກັນຊາດ-ປ້ອງກັນຄວາມສະຫງົບມີເນື້ອແທ້ກວ່າອີກ”.

ທ່ານພົນໂທ ຮວ່າງຊວນຈ໊ຽນ ໃຫ້ຮູ້ວ່າ, ດ້ວຍບັນດາການເຄື່ອນໄຫວທີ່ມີຄວາມໝາຍທີ່ສຸດໃນຊຸມວັນຜ່ານມາ, ຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄດ້ເຂົ້າໃຈກວ່າກ່ຽວກັບປະຫວັດ, ຂະບວນການເຄື່ອນໄຫວປະຕິວັດຂອງປະທານໂຮ່ຈີມິນ ກໍ່ຄືການນຳປະຕິວັດລຸ້ນກ່ອນຢູ່ຈີນ, ຮູ້ສຶກເລິກເຊິ່ງເຖິງສາຍພົວພັນສະໜິດສະໜົມລະຫວ່າງຫວຽດນາມ ແລະຈີນ. ບັນດາປັດໄຈພູມສາດທຳມະຊາດ ແລະປະຫວັດສາດທີ່ໄດ້ສ້າງຄວາມຕິດພັນລະຫວ່າງສອງປະເທດຫວຽດນາມ ແລະຈີນ. ພ້ອມກັນດໍາລົງຊີວິດໃນສັນຕິພາບ ແລະຮ່ວມມືແມ່ນຄວາມປາຖະໜາອັນຊອບທຳ ແລະສູງສົ່ງຂອງປະຊາຊົນສອງປະເທດ...

ໂດຍ: ທະນາພອນ