ກໍາລັງປະກອບອາວຸດທະຫານເຂດ 5 ເປັນເຈົ້າການຊ່ວຍເຫຼືອປະຊາຊົນຮັບມືກັບພາຍຸ
ກປ.ອອນໄລ - ວັນທີ 27 ຕຸລາ, ພາຍຸລູກທີ 6 ໄດ້ພັດເຂົ້າບັນດາແຂວງພາກກາງ, ກໍ່ໃຫ້ເກີດຝົນຕົກໜັກ, ລົມແຮງ ແລະໄພນ້ຳຖ້ວມຢູ່ຫຼາຍແຫ່ງ. ໂດຍເສີມຂະຫຍາຍປະສິດທິຜົນຂອງແຜນການ “4 ຢູ່ກັບທີ່”, ພະນັກງານ, ນັກຮົບກໍາລັງປະກອບອາວຸດທະຫານເຂດ 5 ໄດ້ມີໜ້າຢ່າງທັນທີ, ສົມທົບກັບກໍາລັງຕ່າງໆ ຍົກຍ້າຍປະຊາຊົນເກືອບ 3.000 ຄົນ, ຊັບສິນ ແລະສັດລ້ຽງໄປຍັງບ່ອນປອດໄພ.
ຕໍ່ໜ້າການຜັນແປຢ່າງສັບສົນ, ຄາດຄະເນລ່ວງໜ້າໄດ້ຍາກຂອງພະຍຸ, ວັນທີ 26 ຕຸລາ, ກອງບັນຊາການທະຫານນະຄອນ ດ່າໜັງ ໄດ້ຈັດໜ່ວຍກູ້ໄພກູ້ຊີບເຄື່ອນທີ່ເຖິງເຂດມີຄວາມສ່ຽງຈະເກີດນໍ້າຖ້ວມຢູ່ເມືອງລຽນຈ໊ຽວ, ແທງເຄ, ເຊີນຈ່າ, ຫງູແຮ່ງເຊີນ ແລະຮວ່າວາງ.
    |
 |
|
ການນໍາທະຫານເຂດ 5 ກວດກາວຽກງານປ້ອງກັນ, ຕ້ານພາຍຸ ລູກທີ 6 ຂອງກອງພັນຕີພິເສດ 409. ພາບ: qdnd.vn |
ຍ້ອນມີການກະກຽມຢ່າງຮອບຄອບຖີ່ຖ້ວຍ, ຕອນເຊົ້າວັນທີ 27 ຕຸລາ, ກ່ອນທີ່ພະຍຸລູກທີ 6 ພັດເຂົ້າດິນຕໍ່ແຜ່ນ, ທະຫານ, ທະຫານລາດພ້ອມດ້ວຍບັນດາກໍາລັງທີ່ກ່ຽວຂ້ອງຂອງນະຄອນດ່າໜັງ ໄດ້ໂຄສະນາ, ຂົນຂວາຍ, ໜູນຊ່ວຍປະຊາຊົນນັບຮ້ອຍຄົນໄປອົບພະຍົບ.
|
|
 |
|
ພະນັກງານ, ນັກຮົບກອງພົນນ້ອຍທະຫານຊ່າງແສງ 270 ເຄື່ອນທີ່ປະຕິບັດໜ້າທີ່ປ້ອງກັນ, ຕ້ານພາຍຸຢູ່ບໍລິເວນນະຄອນ ດ່າໜັ້ງ. ພາບ: qdnd.vn |
|
|
 |
|
ພະນັກງານ, ນັກຮົບກອງພົນນ້ອຍທະຫານຊ່າງແສງ 270 ກະກຽມພາຫະນະ, ຊູຊີບ, ນໍ້າດື່ມປະຕິບັດໜ້າທີ່ຮັບມືກັບພາຍຸ ລູກທີ 6. ພາບ: qdnd.vn |
ຈາກແຂວງກວາງນາມ ໄປນະຄອນດ່າໜັງ ເພື່ອເພີ່ມທະວີ, ເສີມກໍາລັງໃຫ້ບັນດາກໍາລັງປ້ອງກັນ, ຮັບມືກັບພະຍຸ, ພຽງແຕ່ໃນເວລາຊັ້ນ, ກຳລັງກູ້ໄພກູ້ຊີບຂອງກອງພົນນ້ອຍທະຫານຊ່າງແສງ 270 (ທະຫານເຂດ 5) ໄດ້ຈັດຕັ້ງການຍົກຍ້າຍປະຊາຊົນເກືອບ 30 ຄອບຄົວ ຢູ່ເຂດປາກແມ່ນ້ຳ ໄປຍັງບ່ອນຫຼີກໄພຢ່າງປອດໄພ. ທາງກົມກອງໄດ້ສະໜອງອາຫານແຫ້ງນັບສິບກ່ອງ ແລະນ້ຳສະອາດນັບຮ້ອຍຖັງໃຫ້ແກ່ຊາວປະມົງທີ່ເຂດພາຍຸ.
|
|
 |
|
ກອງບັນຊາການທະຫານນະຄອນດ່າໜັ້ງ ລະດົມລົດຍານເກາະ 4 ຄັນ ຂອງກອງພັນລົດຕັງຍານເກາະ 699 ກຽມພ້ອມເຂົ້າຮ່ວມການກູ້ໄພກູ້ຊີບ. ພາບ: qdnd.vn |
ຢູ່ແຂວງກວາງນາມ, ໜ່ວຍກູ້ໄພກູ້ຊີບຂອງກອງບັນຊາການທະຫານນະຄອນ ໂຮ້ຍອານ, ເທດສະບານເມືອງດ້ຽນບ່ານ ແລະບັນດາເມືອງ: ຢຸຍຊວຽນ, ທັງບິ່ງ, ເກ໋ເຊີນ, ຕຽນເຟືອກ, ນາມຈາມີ, ບັກຈາມີ, ເຟືອກເຊີນ... ໄດ້ສົມທົບກັບບັນດາກຳລັງທີ່ກ່ຽວຂ້ອງໂຄສະນາ ແລະ ຂົນຂວາຍປະຊາຊົນນັບຮ້ອຍຄົນຍົກຍ້າຍໄປຍັງບ່ອນປອດໄພເພື່ອຮັບມືກັບພາຍຸ.
ໂດຍ: ທູຈາງ