ກ່າວຄຳເຫັນທີ່ພິທີ, ທ່ານນາງ ກ່ຽວທິຮັ່ງຝຸກ ຫົວໜ້າສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ ຢືນຢັນວ່າ ນີ້ແມ່ນໂອກາດເພື່ອໃຫ້ລຸ້ນຕ່າງໆຂອງສອງປະເທດຈາລຶກ ແລະຮູ້ບຸນຄຸນຕໍ່ການປະກອບສ່ວນອັນໃຫຍ່ຫຼວງຂອງລຸ້ນທະຫານອາສາສະໝັກ ແລະນັກຊ່ຽວຊານຫວຽດນາມ ຢູ່ລາວ, ເພື່ອພາລະກິດປະຕິວັດຂອງສອງພັກ, ສອງລັດ ແລະປະຊາຊົນສອງປະເທດຫວຽດນາມ-ລາວ; ເນັ້ນໜັກວ່າ ນີ້ກໍ່ແມ່ນໂອກາດເພື່ອໂຄສະນາເຜີຍແຜ່, ສຶກສາອົບຮົມປະຊາຊົນ, ພິເສດແມ່ນລຸ້ນໜຸ່ມຂອງສອງປະເທດກ່ຽວກັບມູນເຊື້ອອັນລ້ຳຄ່າ, ຫາຍາກຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງປະເທດຫວຽດນາມ-ລາວ, ລາວ-ຫວຽດນາມ.

leftcenterrightdel
ບັນດາຜູ້ແທນຫວຽດນາມ ແລະລາວ ຖ່າຍຮູບເປັນທີ່ລະນຶກທີ່ພິທີ. ພາບ: ສໍານັກຂ່າວສານຫວຽດນາມ

ທີ່ພິທີອັນສຳຄັນດັ່ງກ່າວ, ທ່ານ ບຸນໂຮມ ເທດທານີ, ຮອງເລຂາພັກແຂວງຊຽງຂວາງ ໄດ້ສະແດງຄວາມຂອບອົກຂອບໃຈຕໍ່ພັກ, ລັດຖະບານ ແລະປະຊາຊົນຫວຽດນາມ ທີ່ຍາມໃດກໍ່ໄດ້ໜູນຊ່ວຍ, ຊ່ວຍເຫຼືອອັນໃຫຍ່ຫຼວງໃຫ້ແກ່ພາລະກິດປະຕິວັດປົດປ່ອຍປະເທດຊາດກ່ອນນັ້ນ ກໍ່ຄືພາລະກິດປົກປັກຮັກສາ ແລະສ້າງສາ, ພັດທະນາປະເທດລາວ ໃນທຸກວັນນີ້.

ສິ້ນສຸດພິທີ, ທ່ານນາງ ກ່ຽວທິຮັ່ງຝຸກ ໄດ້ມອບຂອງຂວັນໃຫ້ນ້ອງນັກຮຽນຢູ່ບໍລິເວນເປັນຈຳນວນຫຼວງຫຼາຍ, ເພື່ອແນໃສ່ລະດົມກຳລັງໃຈໃຫ້ນ້ອງໆໄດ້ສືບຕໍ່ຮໍ່າຮຽນ ແລະສູ້ຊົນຝຶກຝົນຫຼໍ່ຫຼອມຕົນເອງຢ່າງບໍ່ຢຸດຢັ້ງເພື່ອປະກອບສ່ວນສ້າງສາບ້ານເກີດເມືອງນອນກໍ່ຄືເພີ່ມພູນຄູນສ້າງສາຍພົວພັນແບບພິເສດຫວຽດນາມ - ລາວ.

ໂດຍ: ຈາງຫງວຽນ