ເຂົ້າຮ່ວມພິທີສົ່ງກໍາປັ່ນມີທ່ານພົນຈັດຕະວາ ເຈິ່ນວັນເທີ ຜູ້ບັນຊາການຕໍາຫຼວດທະເລ ເຂດ 1, ພົນຈັດຕະວາ ເຈິ່ນວັນເຮົ້າ, ຫົວໜ້າການເມືອງຕໍາຫຼວດທະເລເຂດ 1; ບັນດາສະຫາຍໃນຄະນະພັກ, ການນໍາກອງບັນຊາການເຂດພ້ອມກັບການນໍາ, ຜູ້ບັນຊາບັນດາອົງການ, ກົມກອງ.
    |
 |
|
ພົນຈັດຕະວາ ເຈິ່ນວັນເທີ ຜູ້ບັນຊາການຕໍາຫຼວດທະເລ ເຂດ 1 ກ່າວຄໍາເຫັນມອບໜ້າທີ່ໃຫ້ຄະນະປະຕິບັດງານທີ່ພິທີສົ່ງກໍາປັ່ນ. ພາບ: qdnd.vn |
ການໄປຢ້ຽມຢາມ ເພື່ອແນໃສ່ເພີ່ມທະວີການພົວພັນມິດຕະພາບ, ຄວາມເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນແລະກັນລະຫວ່າງຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລ ສ.ເກົາຫຼີ. ຜ່ານນັ້ນ, ປະກອບສ່ວນເພີ່ມທະວີການພົບປະແລກປ່ຽນ, ຮ່ວມມື ແລະພັດທະນາລະຫວ່າງສອງກໍາລັງ.
|
|
 |
|
ພັນເອກພິເສດ ເລແທັງຫາຍ ຮອງຜູ້ບັນຊາການຕໍາຫຼວດທະເລເຂດ 1, ຫົວໜ້າຄະນະປະຕິບັດງານ ກ່າວຄໍາເຫັນທີ່ພິທີສົ່ງກໍາປັ່ນ. ພາບ: qdnd.vn |
ຄະນະປະຕິບັດງານກໍາປັ່ນຕໍາຫຼວດທະເລ 8004 ນໍາໂດຍທ່ານພັນເອກພິເສດ ເລແທັງຫາຍ, ຮອງຜູ້ບັນຊາການຕໍາຫຼວດທະເລເຂດ 1 ພ້ອມດ້ວຍຄະນະ ຈະເດີນທາງແຕ່ຫວຽດນາມ ໄປເຖິງ ສ.ເກົາຫຼີ ເພື່ອຢ້ຽມຢາມ ແລະປະຕິບັດບາງກິດຈະກໍາ, ຄື: ເຂົ້າຢ້ຽມຂໍ່ານັບອໍານາດການປົກຄອງທ້ອງຖິ່ນ, ການນໍາກໍາລັງປ້ອງກັນຝັ່ງທະເລ ສ.ເກົາຫຼີ, ພົບປະແລກປ່ຽນ ແລະແບ່ງປັນບົດຮຽນການເຄື່ອນໄຫວກັບວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ, ບາງກົມກອງຂຶ້ນກັບກໍາລັງປ້ອງກັນຝັ່ງທະເລ ສ.ເກົາຫຼີ; ສົມທົບກັນຝຶກຊ້ອມການຊອກຫາກູ້ໄພ, ກູ້ຊີບ ແລະສະກັດກັ້ນ, ຕ້ານອັກຄີໄພ, ແຂ່ງຂັນກິລາມິດຕະພາບ; ຢ້ຽມຊົມສະຖານທີ່ວັດທະນະທໍາຂອງ ສ.ເກົາຫຼີ ແລະຈັດງານລ້ຽງຂອງສອງກໍາລັງ.
|
|
 |
|
ການນໍາຕໍາຫຼວດທະເລເຂດ 1 ມອບຊໍ່ດອກໄມ້ເພື່ອໃຫ້ກໍາລັງໃຈຄະນະປະຕິບັດງານ. ພາບ: qdnd.vn |
ກ່າວຄໍາເຫັນທີ່ພິທີສົ່ງກໍາປັ່ນ, ທ່ານພົນຈັດຕະວາ ເຈິ່ນວັນເທີ ເນັ້ນໜັກວ່າ ໜ້າທີ່ສົ່ງກໍາປັ່ນຕໍາຫຼວດທະເລຫວຽດນາມ ໄປຢ້ຽມຢາມ, ເຮັດວຽກ ແລະແບ່ງປັນບົດຮຽນກັບກໍາລັງປ້ອງກັນຝັ່ງທະເລ ສ.ເກົາຫຼີ ຢູ່ ສ.ເກົາຫຼີ ແມ່ນເພື່ອແນໃສ່ຫັນທັດສະນະຊີ້ນໍາຂອງຄະນະພັກການທະຫານສູນກາງ ແລະການນໍາກະຊວງປ້ອງກັນປະເທດ ກ່ຽວກັບການເຊື່ອມໂຍງເຂົ້າກັບສາກົນ ແລະການພົວພັນຕ່າງປະເທດດ້ານປ້ອງກັນຊາດໃຫ້ປະກົດຜົນເປັນຈິງ. ຜ່ານນັ້ນ, ປະກອບສ່ວນເພີ່ມທະວີການພົວພັນມິດຕະພາບ, ຄວາມເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນແລະກັນລະຫວ່າງຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລ ສ.ເກົາຫຼີ ກໍຄືເພີ່ມທະວີການຮ່ວມມືລະຫວ່າງສອງກໍາລັງ.
|
|
 |
|
ບັນຍາກາດພິທີສົ່ງກໍາປັ່ນຕໍາຫຼວດທະເລ 8004. ພາບ: qdnd.vn |
ຄຽງຂ້າງນັ້ນ, ການໄປປະຕິບັດງານຍັງແນໃສ່ຍົກສູງລະດັບການຈັດຕັ້ງການບັນຊາ, ຄວາມສາມາດນໍາໃຊ້, ເປັນເຈົ້າອາວຸດ, ພາຫະນະໃນເງື່ອນໄຂທີ່ເຄື່ອນໄຫວເປັນເວລາຫຼາຍມື້ຢູ່ທະເລ; ຈາກນັ້ນສະສົມບົດຮຽນໃນການຈັດຕັ້ງ, ເຂົ້າຮ່ວມບັນດາການເຄື່ອນໄຫວພົວພັນຕ່າງປະເທດດ້ານປ້ອງກັນຊາດຂອງຕໍາຫຼວດທະເລຫວຽດນາມ. ຜົນສໍາເລັດຂອງການໄປປະຕິບັດງານຈະປະກອບສ່ວນຢັ້ງຢືນການເຕີບໃຫຍ່ຂະຫຍາຍຕົວ, ຖານະບົດບາດ, ທີ່ຕັ້ງຂອງກໍາລັງຕໍາຫຼວດທະເລຫວຽດນາມ ຢູ່ພາກພື້ນ ແລະໃນໂລກ.
|
|
 |
|
ກໍາປັ່ນ ອໍາລາເຂດດິນຕໍ່ແຜ່ນ, ອອກເດີນທະເລ. ພາບ: qdnd.vn |
ການຢ້ຽມຢາມຄັ້ງນີ້ແມ່ນການເຄື່ອນໄຫວຫັນບົດບັນທຶກຊ່ວຍຈໍາວ່າດ້ວຍການຮ່ວມມືລະຫວ່າງສອງກໍາລັງ ທີ່ໄດ້ລົງນາມໃນປີ 2007 ໃຫ້ເປັນລະອຽດ. ຜ່ານການຢ້ຽມຢາມ, ພະນັກງານ, ນັກຮົບຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລ ສ.ເກົາຫຼີ ມີໂອກາດພົບປະແລກປ່ຽນ, ຮຽນຮູ້, ແບ່ງປັນ, ແລກປ່ຽນບົດຮຽນ ແລະພຶດຕິກໍາຕົວຈິງໃນວຽກງານປະຕິບັດກົດໝາຍຢູ່ທະເລ.
ໂດຍ: ໄຊຊະນະ