ຄະນະພັກການທະຫານສູນກາງ, ກະຊວງປ້ອງກັນປະເທດ ຈັດຕັ້ງການເຄື່ອນໄຫວຫຼາຍຢ່າງຢູ່ແຂວງກວ໋າງຈິ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 134 ປີແຫ່ງວັນຄ້າຍວັນເກີດປະທານໂຮ່ຈີມິນ (19-5-1890/19-5-2024) ແລະສະເຫຼີມສະຫຼອງ 65 ປີແຫ່ງວັນເປີດເສັ້ນທາງໂຮ່ຈີມິນ - ວັນມູນເຊື້ອທະຫານເຈື່ອງເຊີນ (19-5-1959/19-5-2024), ວັນທີ 19 ພຶດສະພາ, ຄະນະປະຕິບັດງານຂອງຄະນະພັກການທະຫານສູນກາງ, ກະຊວງປ້ອງກັນປະເທດ ນໍາໂດຍທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຈັດພິທີຖະຫວາຍທູບທຽນອາໄລຫານັກຮົບວິລະຊົນທີ່ເສຍສະຫຼະຊີວິດເພື່ອຊາດ ຢູ່ກໍາແພງເກົ່າ ກວ໋າງຈິ ແລະສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດ ທາງເລກ 9; ຢ້ຽມຢາມ ແລະມອບຂອງຂວັນໃຫ້ແກ່ເປົ້າໝາຍນະໂຍບາຍໃນບໍລິເວນນະຄອນດົງຮ່າ, ແຂວງກວ໋າງຈິ.
ຢູ່ທີ່ປູຊະນີຍະສະຖານປະຫວັດສາດລະດັບຊາດພິເສດ ກໍາແພງເກົ່າ ກວ໋າງຈິ ແລະສຸສານ ນັກຮົບເສຍສະຫຼະຊີວິດເພື່ອຊາດແຫ່ງຊາດ ທາງເລກ 9, ທ່ານພົນເອກ ຟານວັນຢາງ ພ້ອມກັບບັນດາຜູ້ແທນໄດ້ຖະຫວາຍທູບທຽນ, ດອກໄມ້ອາໄລຫາ, ສະແດງຄວາມຮູ້ບຸນຄຸນຢ່າງ ເລິກເຊິ່ງຕໍ່ຄຸນງາມຄວາມດີອັນໃຫຍ່ຫຼວງຂອງນັກຮົບວິລະຊົນທີ່ໄດ້ອຸທິດຊີວິດໄວໜຸ່ມ, ການເສຍສະຫຼະຊີວິດອັນພິລະອາດຫານເພື່ອພາລະກິດຕໍ່ສູ້ປົດປ່ອຍຊາດ ແລະປະຕິບັດ ໜ້າທີ່ສາກົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/20/upload_2122/21052024_th_01.jpg?dpi=150&quality=100&w=500) |
ທ່ານພົນເອກ ຟານວັນຢາງ ມອບຂອງຂວັນໃຫ້ແກ່ຄອບຄົວເປົ້າໝາຍນະໂຍບາຍ. ພາບ: ມີງຕູ໊ |
ໃນວັນດຽວກັນ, ທ່ານພົນເອກ ຟານວັນຢາງ ແລະຄະນະປະຕິບັດງານໄດ້ມອບງົບປະມານໃຫ້ແຂວງກວ໋າງຈິ ເພື່ອກໍ່ສ້າງເຮືອນແຫ່ງສາຍຈິດມິດໃຈ 20 ຫຼັງ (ເຮືອນແຕ່ລະຫຼັງມີມູນຄ່າ 80 ລ້ານດົ່ງ, ລວມຍອດເງິນທັງໝົດແມ່ນ 1,6 ຕື້ດົ່ງ); ມອບຂອງຂວັນ 100 ພູດ (ຂອງຂວັນແຕ່ລະພູດມີມູນຄ່າ 1,5 ລ້ານດົ່ງ) ໃຫ້ແກ່ເປົ້າໝາຍນະໂຍບາຍ, ຄອບຄົວທີ່ປະສົບກັບຄວາມຫຍຸ້ງຍາກຂອງກອງບັນຊາການທະຫານຊາຍແດນ; ມອບຂອງຂວັນໃຫ້ກອງບັນຊາການທະຫານແຂວງ ແລະກອງບັນຊາການທະຫານຊາຍແດນແຂວງກວ໋າງຈິ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/20/upload_2122/21052024_th_02.jpg?dpi=150&quality=100&w=500) |
ບັນດາຜູ້ແທນເຂົ້າຮ່ວມພິທີມອບ-ຮັບງົບປະມານເພື່ອກໍ່ສ້າງເຮືອນແຫ່ງ ສາຍຈິດມິດໃຈ ແລະມອບຂອງຂວັນ. ພາບ: ມີງຕູ໊ |
ເນື່ອງໃນໂອກາດນີ້, ທ່ານລັດຖະມົນຕີກະຊວງປ້ອງກັນປະເທດ ຍັງໄດ້ໄປຢ້ຽມຢາມ ແລະມອບຂອງຂວັນໃຫ້ວິລະຊົນກໍາລັງປະກອບອາວຸດປະຊາຊົນ ເລທິແທັງ, ເກີດປີ 1932, ທະຫານເສຍອົງຄະລະດັບ 4/4 ຢູ່ເຂດຖະໜົນ 1, ຕາແສງ 1, ນະຄອນດົງຮ່າ, ແຂວງກວ໋າງຈິ ທີ່ມີຜົວແມ່ນວິລະຊົນກໍາລັງປະກອບອາວຸດປະຊາຊົນ ຫງວຽນຈີ໊ຟີ, ທະຫານເສຍອົງຄະ ລະດັບ 3/4 (ເສຍຊີວິດແລ້ວ); ຢ້ຽມຢາມ ແລະມອບຂອງຂວັນໃຫ້ວິລະຊົນກໍາລັງປະກອບອາວຸດປະຊາຊົນ ເຈືອງດຶ໊ກຫາຍ, ເກີດປີ 1950, ທະຫານເສຍອົງຄະ ລະດັບ 3/4 ຢູ່ເຂດຖະໜົນ 7, ຕາແສງ 3, ນະຄອນດົງຮ່າ, ແຂວງກວ໋າງຈິ ມີພໍ່ແມ່ນນັກຮົບເສຍສະຫຼະຊີວິດເພື່ອຊາດ ເຈືອງດຶ໊ກແທັ່ງ; ແມ່ຍ່າແມ່ນແມ່ຫວຽດນາມວິລະຊົນ ຮວ່າງທິຢ້ຽວ.
ຕາງໜ້າໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ, ທ່ານພົນເອກ ຟານວັນຢາງ ຢັ້ງຢືນວ່າ ພັກ, ລັດ ແລະກອງທັບ ຍາມໃດກໍ່ຈົດຈຳ, ຮູ້ບຸນຄຸນ ແລະປະຕິບັດລະບອບ, ນະໂຍບາຍເປັນຢ່າງດີຕໍ່ຜູ້ທີ່ມີຄຸນງາມຄວາມດີ. ພ້ອມທັງຮຽກຮ້ອງໃຫ້ຄະນະພັກ, ອຳນາດການປົກຄອງທ້ອງຖິ່ນ ສືບຕໍ່ເອົາໃຈໃສ່, ເບິ່ງແຍງດູແລກ່ຽວກັບຊີວິດທາງດ້ານວັດຖຸ ແລະຈິດໃຈຂອງຄອບຄົວເປົ້າໝາຍນະໂຍບາຍ, ຜູ້ທີ່ມີຄຸນງາມຄວາມດີຕໍ່ການປະຕິວັດໃນບໍລິເວນ.
ໂດຍ: ເຈິ່ນຮວ່ຽນ