ກອງພົນ 968 (ທະຫານເຂດ 4) ແລະກອງພົນທີ 4 (ກອງທັບປະຊາຊົນລາວ) ຈັດກອງປະຊຸມປະຈໍາປີ 2024
ກປ.ອອນໄລ - ຕອນບ່າຍວັນທີ 8 ເມສາ, ຢູ່ເມືອງອຸທຸມພອນ, ແຂວງສະຫວັນນະເຂດ, ກອງພົນ 968 (ທະຫານເຂດ 4) ແລະກອງພົນທີ 4 (ກອງທັບປະຊາຊົນລາວ) ໄດ້ຈັດກອງປະຊຸມປະຈໍາປີ 2024.
ໃນທ່າມກາງບັນຍາກາດທີ່ເບີກບານມ່ວນຊື່ນ, ປິຕິຍິນດີຕ້ອນຮັບບຸນປີໃໝ່ລາວ ດ້ວຍຄວາມອົບອຸ່ນ, ມິດຕະພາບ ແລະຄວາມສາມັກຄີ, ການນໍາຂອງສອງກົມກອງ ໄດ້ແຈ້ງໃຫ້ກັນຮັບຊາບກ່ຽວກັບໝາກຜົນທີ່ບັນລຸໄດ້ໃນການປະຕິບັດໜ້າທີ່ການທະຫານ ແລະການປ້ອງກັນຊາດໃນປີ 2023 ຂອງສອງກົມກອງ ກໍ່ຄືສະພາບການດ້ານເສດຖະກິດ-ສັງຄົມໃນບໍລິເວນດັ່ງກ່າວ. ການນໍາຂອງສອງກົມກອງ ຍັງໄດ້ຕີລາຄາກ່ຽວກັບຜົນຂອງການສົມທົບກັນຈັດຕັ້ງປະຕິບັດວຽກງານການຕ່າງປະເທດດ້ານທະຫານ, ການປ້ອງກັນຊາດຂອງສອງກົມກອງໃນປີ 2023.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/09/upload_2124/qtrang09042024_02.jpeg?dpi=150&quality=100&w=500) |
ການນໍາ, ການນຳກອງພົນ 968 (ທະຫານເຂດ 4) ແລະກອງພົນທີ 4 (ກອງທັບປະຊາຊົນລາວ) ລົງນາມໃນບົດບັນທຶກຂໍ້ຕົກລົງວ່າດ້ວຍການປະຕິບັດເນື້ອສົມທົບກັນເຄື່ອນໄຫວໃນປີ 2024. ພາບ: qdnd.vn |
ຕາມນັ້ນແລ້ວ, ເຖິງວ່າສະພາບເສດຖະກິດ-ສັງຄົມມີຫຼາຍສິ່ງຄອບງຳກໍ່ຕາມ, ແຕ່ສອງກົມກອງຍັງໄດ້ຈັດຕັ້ງຄະນະຜູ້ແທນໄປຢ້ຽມຢາມ, ສຶກສາຮ່ຳຮຽນ, ອວຍພອນເຊິ່ງກັນ ແລະກັນໃນໂອກາດວັນສໍາຄັນຕ່າງໆ, ບຸນປີໃໝ່, ວັນມູນເຊື້ອ ກໍ່ຄືແລກປ່ຽນບົດຮຽນ, ປະສົບການ ແລະບັນຫາຕ່າງໆທີ່ກ່ຽວຂ້ອງເຖິງວຽກງານຂອງສອງກົມກອງ, ຜ່ານນັ້ນ, ຈຶ່ງໄດ້ປະກອບສ່ວນເຂົ້າໃນການຮັກສາສາຍພົວພັນສາມັກຄີ, ມິດຕະພາບທີ່ຕິດພັນຢ່າງໝັ້ນແກ່ນລະຫວ່າງສອງພັກ, ສອງລັດ, ສອງກອງທັບ ແລະສອງກົມກອງ.
ທີ່ກອງປະຊຸມ, ສອງກົມກອງຍັງໄດ້ແລກປ່ຽນ ແລະກ້າວໄປເຖິງການເປັນເອກະພາບເຊັນຂໍ້ຕົກລົງວ່າດ້ວຍການຈັດຕັ້ງປະຕິບັດເນື້ອໃນສົມທົບກັນເຄື່ອນໄຫວປີ 2024, ຈຸດສຸມແມ່ນສືບຕໍ່ຮັກສາ ແລະພັດທະນາສາຍພົວພັນການຮ່ວມມື, ແລກປ່ຽນຂໍ້ມູນຂ່າວສານ, ບົດຮຽນ ແລະປະສົບການໃນການຈັດຕັ້ງປະຕິບັດໜ້າທີ່ຝຶກແອບ, ກຽມພ້ອມສູ້ຮົບ, ສ້າງເປັນກໍາລັງຫຼວງ ແລະຝຶກຝົນລະບຽບວິໄນ, ເພີ່ມພູນຜະລິດຜົນ ແລະສ້າງກົມກອງໃຫ້ເຂັ້ມແຂງ...
ເນື່ອງໃນໂອກາດນີ້, ຄະນະປະຕິບັດງານກອງພົນ 968 ໄດ້ມອບຂອງຂວັນ ແລະສົ່ງຄໍາອວຍພອນອັນດີງາມມາຍັງພະນັກງານ, ນັກຮົບກອງພົນທີ 4 ເນື່ອງໃນໂອກາດບຸນປີໃໝ່ຂອງລາວ.
ໂດຍ: ຄໍາໄຊ