ຊາວໜຸ່ມກອງທັບ ມອບຂອງຂວັນໃຫ້ກໍາລັງປະຕິບັດໜ້າທີ່ປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ວັນທີ 11 ມິຖຸນາ, ຄະນະຊາວໜຸ່ມກອງທັບ ໄດ້ເປັນປະທານ, ສົມທົບກັບສູນກາງສະມາຄົມນັກສຶກສາຫວຽດນາມ ແລະໄວໜຸ່ມບັນດາກົມກອງ: ເຫຼົ່າທັບເຮືອ, ບໍລິສັດ Viettel-CHT ຈໍາກັດ (ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ), ກອງບັນຊາການ 86, ກົມການເງິນ (ກະຊວງປ້ອງກັນປະເທດ), ກົມໃຫຍ່ອຸດສາຫະກໍາປ້ອງກັນຊາດ ຈັດຕັ້ງການຢ້ຽມຢາມ, ລະດົມກໍາລັງໃຈ ແລະມອບຂອງຂວັນໃຫ້ກໍາລັງປະຕິບັດໜ້າທີ່ປ້ອງກັນ, ຕ້ານພະຍາດໂຄວິດ-19 ຢູ່ກອງບັນຊາການທະຫານແຂວງບັ໊ກນີງ ແລະກອງບັນຊາການທະຫານແຂວງບັ໊ກຢາງ.
|
|
ຄະນະປະຕິບັດງານ ມອບຂອງຂວັນໃຫ້ກອງບັນຊາການທະຫານແຂວງບັ໊ກນີງ. ພາບ: ຮົ່ງແທັ້ງ. |
ຄະນະປະຕິບັດງານໄດ້ມອບຂອງຂວັນລວມມີ: ເຄື່ອງຕອງນໍ້າ 20 ເຄື່ອງ, ພັດລົມ 160 ໜ່ວຍ, ຜ້າອັດປາກ-ດັງ 19.500 ອັນ, ຖົງມືແພດ 2.000 ຄູ່, ຊຸດປ້ອງກັນພະຍາດ 1.200 ຊຸດ, ເຈວລ້າງມືຂ້າເຊື້ອ 100 ຂວດ, ໝີ່ສຳເລັດຮູບ 500 ແກັດ... ລວມຍອດມູນຄ່າເກືອບ 1 ຕື້ດົ່ງ. ໂອກາດນີ້, ພະນັກງານ, ສະມາຊິກຊາວໜຸ່ມ, ຊາວໜຸ່ມໃນທົ່ວກອງທັບໄດ້ຝາກ 100.000 ຂໍ້ຄວາມ, ດ້ວຍຍອດມູນຄ່າກວ່າ 1 ຕື້ດົ່ງ ເພື່ອສະໜັບສະໜູນກອງທຶນວັກຊິນປ້ອງກັນ, ຕ້ານພະຍາດໂຄວິດ-19.
|
|
ຄະນະປະຕິບັດງານ ມອບຂອງຂວັນໃຫ້ກອງບັນຊາການທະຫານແຂວງບັ໊ກຢາງ. ພາບ: ຮົ່ງແທັ້ງ. |
ຢູ່ທະຫານເຂດ 7, ຄະນະຊາວໜຸ່ມພ້ອມກັບກຳມະບານ, ແມ່ຍິງທະຫານເຂດ ໄດ້ປຸກລະດົມ, ບໍລິຈາກ, ສະໜັບສະໜູນອຸປະກອນການແພດ, ເຄື່ອງໃຊ້ທີ່ຈຳເປັນ... ດ້ວຍຍອດມູນຄ່າເກືອບ 2,5 ຕື້ດົ່ງ. ຈໍານວນຂອງຂວັນດັ່ງກ່າວຈະມອບໃຫ້ກໍາລັງປະຕິບັດໜ້າທີ່ປ້ອງກັນ, ຕ້ານພະຍາດໂຄວິດ-19 ໃນບໍລິເວນທະຫານເຂດ.
ໂດຍ: ເຈິ່ນຮວ່ຽນ