ສິງກະໂປ ແມ່ນຄູ່ຮ່ວມມືຫຼັກແຫຼ່ງຂອງຫວຽດນາມ
ທ່ານເລຂາທິການໃຫຍ່ ໂຕເລິມ ຢືນຢັນວ່າ: ຫວຽດນາມ ຖືສິງກະໂປ ເປັນສໍາຄັນບໍ່ພຽງແຕ່ແມ່ນຮ່ວມໃນກຸ່ມອາຊຽນ ເທົ່ານັ້ນ ຫາກຍັງແມ່ນຄູ່ຮ່ວມມືຫຼັກແຫຼ່ງ, ຮ່ວມເດີນທາງໃນວິວັດການພັດທະນາ ແລະເຊື່ອມໂຍງເຂົ້າກັບສາກົນຂອງຫວຽດນາມ ອີກດ້ວຍ.
    |
 |
|
ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຕ້ອນຮັບທ່ານ Lawrence Wong ນາຍົກລັດຖະມົນຕີ ສິງກະໂປ. ພາບ: qdnd.vn |
ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ 6 ເສົາຄ້ຳຮ່ວມມືໃນຂອບເຂດຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດລ້ວນແຕ່ມີຄວາມໝາຍສຳຄັນທີ່ສຸດ; ສະເໜີຍູ້ແຮງການຮ່ວມມືລະຫວ່າງສອງພັກກຳອຳນາດ ແລະເຫັນດີເປັນເອກະພາບຕໍ່ບັນດາທິດທາງຍຸດທະສາດໃນການບໍາລຸງກໍ່ສ້າງພະນັກງານ; ຊົມເຊີຍ, ສະໜັບສະໜູນຂໍ້ສະເໜີຮ່ວມມືກັບສິງກະໂປ ໃນຂົງເຂດພະລັງງານສີຂຽວ ກໍ່ຄືຕາໜ່າງໄຟຟ້າສີຂຽວໃນພາກພື້ນ; ຍົກລະດັບລະບົບບັນດາເຂດອຸດສາຫະກຳຫວຽດນາມ - ສິງກະໂປ (VSIP) ຕາມທິດຂຽວກວ່າ, ອັັດສະລິຍະກວ່າ ແລະເຊື່ອມຕໍ່ກວ່າ.
|
|
 |
|
ບັນຍາກາດທີ່ການຕ້ອນຮັບ. ພາບ: qdnd.vn |
ທ່ານນາຍົກລັດຖະມົນຕີ Lawrence Wong ເຫັນດີເປັນເອກະສັນກັບບັນດາທິດທາງຍຸດທະສາດສຳຄັນໃຫ້ແກ່ການຮ່ວມມືສອງຝ່າຍໃນໄລຍະຈະມາເຖິງໂດຍທ່ານເລຂາທິການໃຫຍ່ ໂຕເລິມ ສະເໜີ, ໂດຍສະເພາະແມ່ນປັບປຸງຄວາມໄວ້ເນື້ອເຊື່ອໃຈດ້ານການເມືອງ, ເພີ່ມທະວີຄວາມເຂົ້າໃຈເຊິ່ງກັນ ແລະກັນ ແລະສົມທົບກັນດ້ານຍຸດທະສາດຜ່ານການແລກປ່ຽນທຸກຂັ້ນລະຫວ່າງພັກ, ລັດຖະບານ ແລະສະພາແຫ່ງຊາດຢ່າງບໍ່ຢຸດຢັ້ງ; ຜັນຂະຫຍາຍບັນດາກົນໄກຮ່ວມມືສອງຝ່າຍທີ່ມີຢູ່ແລ້ວຢ່າງມີປະສິດທິຜົນ ແລະສ້າງບັນດາກົນໄກໃໝ່ທີ່ເໝາະສົມກັບລະດັບການພົວພັນຄູ່ຮ່ວມມືຍຸດທະສາດຮອບດ້ານ;... ເຫັນດີຕໍ່ການເພີ່ມທະວີການປຶກສາຫາລື, ສົມທົບກັນ, ສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສພາກພື້ນ ແລະສາກົນ, ທ່ານນາຍົກລັດຖະມົນຕີ Lawrence Wong ຢືນຢັນຄືນໃໝ່ຫຼັກໝັ້ນຂອງສິງກະໂປ ຕໍ່ການຊຸກຍູ້ຄວາມເປັນລະບຽບຮຽບຮ້ອຍຢູ່ພາກພື້ນ ແລະສາກົນອີງໃສ່ກົດໝາຍສາກົນ, ປັບປຸງຄວາມສາມັກຄີ, ເປັນເອກະພາບໃນອາຊຽນ, ຮັກສາບົດບາດໃຈກາງຂອງອາຊຽນ ຢູ່ພາກພື້ນ.
*ກໍ່ໃນວັນດຽວດກັນ, ຢູ່ທຳນຽບປະທານປະເທດ, ທ່ານ ເລືອງເກື່ອງ ປະທານປະເທດຫວຽດນາມ ໄດ້ພົບປະກັບທ່ານ Lawrence Wong ນາຍົກລັດຖະມົນຕີສິງກະໂປ.
|
|
 |
|
ທ່ານ ເລືອງເກື່ອງ ປະທານປະເທດຫວຽດນາມ ພົບປະກັບທ່ານ Lawrence Wong ນາຍົກລັດຖະມົນຕີສິງກະໂປ. ພາບ: qdnd.vn |
ທີ່ການພົບປະ, ການນຳສອງທ່ານໄດ້ຕີລາຄາສູງບັນດາຜົນການຮ່ວມມືທີ່ພົ້ນເດັ່ນໃນທຸກຂົງເຂດໄລຍະຜ່ານມາ; ເຫັນດີເປັນເອກະພາບວ່າ ຂອບເຂດການພົວພັນຄູ່ຮ່ວມມືຍຸດທະສາດຮອບດ້ານບົນພື້ນຖານຄວາມໄວ້ເນື້ອເຊື່ອໃຈທາງດ້ານການເມືອງ ແລະແບ່່ງປັນຜົນປະໂຫຍດ ແລະວິໄສທັດໃນຫຼາຍຂົງເຂດຈະຊ່ວຍສອງປະເທດສະໜິດຕິດພັນ, ເຊື່ອມຕໍ່ຢ່າງຮອບດ້ານກວ່າ, ຮ່ວມມືຢ່າງເລິກເຊິ່ງກວ້າງຂວາງ, ແລະມີປະສິດທິຜົນ, ນັບທັງສອງຝ່າຍ ກໍ່ຄືໃນບັນດາບັນຫາຍຸດທະສາດພາກພື້ນ. ສອງຝ່າຍເຫັນດີເປັນເອກະສັນກັນວ່າ ຫວຽດນາມ ແລະສິງກະໂປ ຕ້ອງເສີມຂະຫຍາຍປະສິດທິຜົນຄວາມສາມາດຮ່ວມມື, ດ້ວຍພື້ນຖານເສດຖະກິດທີ່ມີລັກສະນະເພີ່ມເຕີມເຊິ່ງກັນ ແລະກັນ; ສົມທົບກັນຢ່າງແໜ້ນແຟ້ນ ແລະຜັນຂະຫຍາຍບັນດາເນື້ອແທ້ຂອງຂອບການພົວພັນໃໝ່ຢ່າງມີປະສິດທິຜົນ. ການນຳສອງທ່ານເຫັນດີເປັນເອກະພາບຖືວ່າ ຫວຽດນາມ ແລະສິງກະໂປ ຕ້ອງສືບ ຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສພາກພື້ນ ແລະສາກົນ, ພິເສດແມ່ນ ອາຊຽນ ແລະສະຫະປະຊາຊາດ ເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາ; ຮັກສາຄວາມສາມັກຄີ ແລະຫຼັກໝັ້ນລວມຂອງອາຊຽນ ກ່ຽວກັບບັນດາບັນຫາສາກົນ ແລະພາກພື້ນທີ່ສຳຄັນ, ໃນນັ້ນມີບັນຫາທະເລຕາເວັນອອກ, ຊຸກຍູ້ການແກ້ໄຂຂໍ້ຂັດແຍ່ງໂດຍສັນຕິວິທີບົນພື້ນຖານກົດໝາຍສາກົນ, ພິເສດແມ່ນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍ ທະເລປີ 1982 (UNCLOS).
ນໍາການຮ່ວມມືຫວຽດນາມ - ສິງກະໂປ ກາຍເປັນແບບຢ່າງພົ້ນເດັ່ນໃນພາກພື້ນ
ຕອນເຊົ້າວັນທີ 26 ມີນາ, ຢູ່ທຳນຽບປະທານປະເທດ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ເປັນປະທານພິທີຕ້ອນຮັບທ່ານ Lawrence Wong ນາຍົກລັດຖະມົນຕີສິງກະໂປ. ພາຍຫຼັງພິທີຕ້ອນຮັບ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ແລະທ່ານ Lawrence Wong ນາຍົກລັດຖະມົນຕີ ສິງກະໂປ ໄດ້ດຳເນີນການພົບປະເຈລະຈາ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ແລະທ່ານ Lawrence Wong ນາຍົກລັດຖະມົນຕີສິງກະໂປ ກວດແຖວກຽດຕິຍົດກອງທັບປະຊາຊົນຫວຽດນາມ. ພາບ: qdnd.vn |
ທີ່ການພົບປະເຈລະຈາ, ການນຳສອງທ່ານມີຄວາມເພິ່ງພໍໃຈຕໍ່ບັນດາບາດກ້າວພັດທະນາຢ່າງແຮງໃນການພົວພັນສອງຝ່າຍ, ພ້ອມທັງເຫັນດີເປັນເອກະພາບຕໍ່ບັນດາມາດຕະການ “ເດັດຂາດ, ທັນການ” ເພື່ອເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ສ້າງບາດກ້າວບຸກທະລຸໃໝ່ໃຫ້ແກ່ການພົວພັນຄູ່ຮ່ວມມືຍຸດທະສາດຮອບດ້ານ.
ສອງຝ່າຍເປັນເອກະພາບຕ້ອງເພີ່ມທະວີການແລກປ່ຽນຄະນະຜູ້ແທນ, ພົບປະຂັ້ນສູງ ແລະທຸກຂັ້ນ, ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງມີປະສິດທິຜົນ, ປັບປຸງການຮ່ວມມືດ້ານປ້ອງກັນຊາດ ແລະປ້ອງກັນຄວາມສະຫງົບກວ່າອີກ. ນາຍົກລັດຖະມົນຕີສອງຝ່າຍໃຫ້ຄຳໝັ້ນສັນຍາເພີ່ມທະວີການເຊື່ອມຕໍ່ເສດຖະກິດ ແລະເປັນເອກະພາບສືບຕໍ່ຊຸກຍູ້ການຮ່ວມມືໃນບັນດາຂົງເຂດຫຼັກແຫຼ່ງອື່ນໆ, ຄື: ການສຶກສາ, ບຳລຸງສ້າງ, ຍົກສູງຄຸນນະພາບແຫຼ່ງຊັບພະຍາກອນມະນຸດ…
|
|
 |
|
ບັນຍາກາດທີ່ການພົບປະເຈລະຈາ. ພາບ: qdnd.vn |
ສອງຝ່າຍໄດ້ຕີລາຄາສູງເລື່ອງສອງປະເທດສົມທົບກັນ ແລະສະໜັບສະໜູນເຊິ່ງກັນ ແລະກັນເປັນປະຈໍາໃນການເລືອກຕັ້ງ ແລະສະໝັກເລືອກຕັ້ງເຂົ້າບັນດາອົງການ, ອົງການຈັດຕັ້ງຂອງສະຫະປະຊາຊາດ; ເຫັນດີເປັນເອກະພາບສົມທົບກັບບັນດາປະເທດອາຊຽນ ເພື່ອຮັບປະກັນຄວາມສາມັກຄີ, ເປັນເອກະພາບ, ຮັກສາບົດບາດໃຈກາງຂອງອາຊຽນ; ຊຸກຍູ້ການພັດທະນາແບບຍືນຍົງອະນຸພາກພື້ນ, ລວມທັງອະນຸພາກພື້ນແມ່ນໍ້າຂອງ. ນາຍົກລັດຖະມົນຕີ 2 ທ່ານເຫັນດີຮັກສາຫຼັກໝັ້ນລວມຂອງອາຊຽນ ກ່ຽວກັບບັນຫາທະເລຕາເວັນອອກ; ເນັ້ນໜັກເຖິງຄວາມສຳຄັນຂອງເສລີພາບ ແລະຄວາມປອດໄພໃນການເດີນເຮືອ ແລະການບິນ; ຮັບປະກັນປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນແລະມີປະສິດທິຜົນ; ສ້າງສະພາບແວດລ້ອມທີ່ສະດວກ ແລະສູ້ຊົນສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງແທດຈິງ ແລະມີປະສິດທິຜົນ, ສອດຄ່ອງກັບກົດໝາຍສາກົນ ແລະສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS).
ພາຍຫຼັງການເຈລະຈາ, ທ່ານນາຍົກລັດຖະມົນຕີ ຟ້າມມິງຈິ໊ງ ແລະທ່ານນາຍົກລັດຖະມົນຕີ Lawrence Wong ໄດ້ເປັນສັກຂີພິຍານພິທີເຊັນເອກະສານຮ່ວມມືລະຫວ່າງສອງປະເທດ, ໃນນັ້ນມີຈົດໜາຍເຫດກ່ຽວກັບການຮ່ວມມືສ້າງໂຄງການກະທຳຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ແລະບັນດາຂໍ້ຕົກລົງໃນຂົງເຂດການຄ້າໄຟຟ້າພະລັງງານແຮງລົມ, ການຊຳລະຂ້າມຊາຍແດນນຳໃຊ້ລະຫັດ QR, ການພັດທະນາດີຈີຕອນ ແລະນະວັດຕະກຳ, ການພົບປະແລກປ່ຽນປະຊາຊົນ.
*ຕອນບ່າຍວັນທີ 26 ມີນາ, ຢູ່ຫໍສະພາແຫ່ງຊາດ, ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ໄດ້ມີການພົບປະກັບທ່ານນາຍົກລັດຖະມົນຕີ Lawrence Wong.
|
|
 |
|
ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ພົບປະກັບທ່ານນາຍົກລັດຖະມົນຕີ Lawrence Wong. ພາບ: qdnd.vn |
ການນຳສອງທ່ານເຫັນດີນຳກັນວ່າ, ສະພາແຫ່ງຊາດສອງປະເທດຕ້ອງສືບຕໍ່ເພີ່ມທະວີການແລກປ່ຽນຂໍ້ມູນຂ່າວສານ ແລະບົດຮຽນ, ປະສົບການທີ່ດີຂອງແຕ່ລະປະເທດໃນການປັບປຸງລະບອບລະບຽບການ, ນະໂຍບາຍ, ລະບົບກົດໝາຍໃຫ້ສົມບູນແບບ; ເພີ່ມທະວີການພົບປະແລກປ່ຽນຄະນະຜູ້ແທນຂັ້ນສູງ, ພົບປະແລກປ່ຽນລະຫວ່າງບັນດາຄະນະກາມາທິການ, ອົງການຂອງສະພາແຫ່ງຊາດ, ກຸ່ມສະມາຊິກລັດຖະສະພາມິດຕະພາບ, ສະມາຊິກລັດຖະສະພາໜຸ່ມ, ສະມາຊິກລັດຖະສະພາຍິງຂອງສອງປະເທດ; ສືບຕໍ່ຊຸກຍູ້ການຮ່ວມມືດ້ານການປ້ອງກັນຊາດ-ປ້ອງກັນຄວາມສະຫງົບ, ການສຶກສາ - ບຳລຸງສ້າງ, ວິທະຍາສາດ - ເຕັກໂນໂລຊີ, ການທ່ອງທ່ຽວ, ແຮງງານ ແລະການພົບປະແລກປ່ຽນປະຊາຊົນ... ກໍ່ຄືຫຼາຍຂົງເຂດທີ່ສອງຝ່າຍຍັງມີຄວາມສາມາດບົ່ມຊ້ອນຫຼາຍຢ່າງ. ສອງຝ່າຍເຫັນດີເປັນເອກະພາບສືບຕໍ່ຮັກສາການປຶກສາຫາລື ແລະສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສສາກົນ ແລະພາກພື້ນ.
ໂດຍ: ທະນາພອນ