ນີ້ແມ່ນການຢັ້ງຢືນຂອງທ່ານ Mauro Vieira ລັດຖະມົນຕີການຕ່າງປະເທດບຣາຊິນ ເມື່ອຕອບສຳພາດຕໍ່ສື່ມວນຊົນຫວຽດນາມ ກ່ອນທີ່ດໍາເນີນການຢ້ຽມຢາມ. ຕາມທ່ານລັດຖະມົນຕີ Mauro Vieira ແລ້ວ, ນັບແຕ່ເວລາທ່ານປະທານາທິບໍດີ Lula da Silva ຂຶ້ນກຳອຳນາດຄືນໃໝ່ເມື່ອເດືອນມັງກອນ 2023, ການພົວພັນກັບຫວຽດນາມ ບັນລຸໄດ້ກຳລັງໜູນຫຼາຍພໍສົມຄວນ, ດ້ວຍບັນດາຂີດໝາຍຫຼັກແມ່ນການຢ້ຽມຢາມ ບຣາຊິນ ໃນເດືອນ ກັນຍາ 2023 ແລະເດືອນພະຈິກ 2024 (ເຂົ້າຮ່ວມກອງປະຊຸມສຸດຍອດ ກຸ່ມບັນດາພື້ນຖານເສດຖະກິດພັດທະນາ ແລະຫາກໍ່ພົ້ນເດັ່ນຂຶ້ນແຖວໜ້າໂລກ - G20 ຢູ່ນະຄອນ Rio de Janeiro) ແລະເລື່ອງສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ ກົງກັບໂອກາດສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນທາງການທູດ (1989-2024).

leftcenterrightdel
ທ່ານ Lula da Silva ປະທານາທິບໍດີ  ແລະ ທ່ານ ຟ້າມມິງຈິ້ງ ນາຍົກລັດຖະມົນຕີຫວຽດນາມ. ພາບ: ສໍານັກຂ່າວສານຫວຽດນາມ

ທ່ານລັດຖະມົນຕີການຕ່າງປະເທດ Mauro Vieira ຢັ້ງຢືນວ່າການຢ້ຽມຢາມຫວຽດນາມ ຂອງທ່ານປະທານາທິບໍດີ Lula da Silva ໃນໄລຍະຈະມາເຖິງ ຈະສ້າງຂີດໝາຍປະຫວັດສາດໃໝ່ ໃນການພົວພັນຄູ່ຮ່ວມມືຍຸດທະສາດ ຫວຽດນາມ - ບຣາຊິນ, ທ່ານໃຫ້ຮູ້ວ່າ ທ່ານປະທານາທິບໍດີ Lula ຍາມໃດກໍ່ຢ້ຳຄືນນ້ຳໃຈອາລົມຈິດຄວາມຮັກແພງໃນການຢ້ຽມຢາມຫວຽດນາມ ເມື່ອປີ 2008 ດ້ວຍຖານະເປັນປະທານາທິບໍດີບຣາຊິນ ຄົນທຳອິດມາຢ້ຽມຢາມ ຮ່າໂນ້ຍ ແລະ ທ່ານປາດຖະໜາຢາກເຫັນປະຈັກຕາບັນດາຜົນສຳເລັດດ້ານເສດຖະກິດ ແລະ ສັງຄົມທີ່ໜ້າປະທັບໃຈຂອງຫວຽດນາມ.

ຂ່າວ: ວິທະຍຸກະຈາຍສຽງຫວຽດນາມ