ເນັ້ນໜັກເຖິງເປົ້າໝາຍລຸໂລ່ງ ເຊິ່ງແຂວງດ້ຽນບຽນ ຕ້ອງປະຕິບັດໃນໄລຍະຈະມາເຖິງແມ່ນພັດທະນາຢ່າງໄວ ແລະຍືນຍົງ, ໃນຕໍ່ໜ້າແມ່ນປະຕິບັດເປົ້າໝາຍການເຕີບໂຕແຕ່ 10% ຂຶ້ນໄປຢ່າງມີໄຊ, ທ່ານນາຍົກລັດຖະມົນຕີ ຮຽກຮ້ອງໃຫ້ແຂວງຕ້ອງຊາບຊຶມ, ຫັນມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ, ມະຕິກອງປະຊຸມໃຫຍ່ອົງຄະນະພັກແຂວງ ອາຍຸການ 2026-2031,  ຂໍ້ສະຫຼຸບຂອງທ່ານເລຂາທິການໃຫຍ່, ນາຍົກລັດຖະມົນຕີ ເມື່ອເຮັດວຽກກັບແຂວງດ້ຽນບຽນ ເປັນລະອຽດ.

leftcenterrightdel
ທ່ານ ຟ້າມມິງຈິ໊ງ ນາຍົກລັດຖະມົນຕີ ກ່າວຄໍາເຫັນທີ່ການເຮັດວຽກ. ພາບ: ສໍານັກຂ່າວສານຫວຽດນາມ

ແຂວງດ້ຽນບຽນ ສຸມໃສ່ພັດທະນາບັນດາຂະແໜງ, ຂົງເຂດເສດຖະກິດຫຼັກແຫຼ່ງ. ໃນນັ້ນທາງແຂວງພັດທະນາອຸດສາຫະກຳດ້ວຍການຂຸດຄົ້ນໂຮງງານໄຟຟ້ານ້ຳຕົກຢ່າງມີປະສິດທິຜົນ, ຊຸກຍູ້ການພັດທະນາອຸດສາຫະກຳປຸງແຕ່ງ ແລະພະລັງງານທົດແທນ;  ພັດທະນາ ແລະຫັນປ່ຽນໂຄງປະກອບກະສິກຳຕາມທິດການຜະລິດສິນຄ້າ, ຍົກສູງມູນຄ່າເພີ່ມ ແລະພັດທະນາແບບຍືນຍົງ, ດ້ວຍຕົ້ນໄມ້ຫຼັັກ, ຄື: ກາເຟ, ມັກກາ… ຍົກສູງຄຸນນະພາບການບໍລິການ, ພັດທະນາການທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມ, ເພີ່ມທະວີການສົ່ງເສີມການຄ້າ, ດຶງດູດນັກທ່ອງທ່ຽວ, ແຂວງຕ້ອງຍູ້ແຮງການປ່ອຍເງິນທຶນພາກລັດນັບແຕ່ຕົ້ນປີ 2026, ເປັນຕົ້ນແມ່ນບັນດາໂຄງການສຳຄັນແຫ່ງຊາດ; ຂະຫຍາຍຂົງເຂດພັດທະນາໃໝ່; ຍູ້ແຮງການເຊື່ອມຕໍ່ ແລະດຶງດູດວິສາຫະກິດ ແລະນັກລົງທຶນ, ສ້າງກຳລັງໜູນໃຫ້ການພັດທະນາ.

leftcenterrightdel
ບັນຍາກາດ ທີ່ການເຮັດວຽກ. ພາບ: ສໍານັກຂ່າວສານຫວຽດນາມ

ແຂວງດ້ຽນບຽນ ສືບຕໍ່ຍູ້ແຮງການກໍ່ສ້າງ, ປັບປຸງພັກ ແລະລະບົບການເມືອງໃຫ້ປອດໃສ, ເຂັ້ມແຂງຮອບດ້ານ; ຍົກສູງກຳລັງຄວາມສາມາດໃນການນຳພາ ແລະກຳລັງແຮງຕໍ່ສູ້ຂອງອົງການຈັດຕັ້ງຂອງພັກ ແລະສະມາຊິກພັກ; ຈັດຕັ້ງການເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະສະມາຊິກສະພາປະຊາຊົນທຸກຂັ້ນ ອາຍຸການ 2026-2031 ຢ່າງເປີດເຜີຍ ແລະກະຈ່າງແຈ້ງ, ຖືກຕ້ອງຕາມກົດໝາຍ ແລະສຳເລັດຜົນ.

ກໍານົດທິດທາງ, ສົ່ງເສີມ,  ມອບໝາຍໜ້າທີ່ໃຫ້ແຂວງດ້ຽນບຽນ, ທ່ານນາຍົກລັດຖະມົນຕີ ໄດ້ສະຫຼຸບເປັນ 50 ຄໍາວ່າ: “ດ້ຽນບຽນຝູ ອະມະຕະ - ປະຫວັດສາດອັນອົງອາດກ້າຫານຕະຫຼອດການ - ວັດທະນະທໍາເຕັມໄປດ້ວຍສີສັນສະເພາະ - ກະສິກຳພັດທະນາຢ່າງເລິກເຊິ່ງ - ອຸດສາຫະກຳຂຶ້ນສູ່ລະດັບສູງ - ການທ່ອງທ່ຽວປຽບເໝືອນດອກສ້ຽວປ່າເບັ່ງບານ - ພື້ນຖານໂຄງລ່າງຕ້ອງເປີດເສັ້ນທາງ - ວິທະຍາສາດຕ້ອງນໍາໜ້າ  - ພໍ່ແມ່ປະຊາຊົນຫຼຸດພົ້ນອອກຈາກຄວາມທຸກຍາກໄວ - ແຂວງຮັ່ງມີ, ປະຊາຊົນມີຄວາມຜາສຸກ”.

ໂດຍ: ທູຈາງ