ຫວຽດນາມ-ຈໍແດນ ເພີ່ມທະວີການຮ່ວມມືຢ່າງແທດຈິງ ແລະມີປະສິດທິຜົນ
ກປ.ອອນໄລ - ຕອນບ່າຍວັນທີ 2 ກຸມພາ, ຢູ່ຫໍສະພາແຫ່ງຊາດ, ທ່ານ ເຈີ່ນແທັງເໝິນ ປະທານສະພາແຫ່ງຊາດຫວຽດນາມ ໄດ້ເປັນປະທານພິທີຕ້ອນຮັບທ່ານ Mazen Turki El Qadi ປະທານສະພາຕໍ່າ ຈໍແດນ ມາຢ້ຽມຢາມຫວຽດນາມ ຢ່າງເປັນທາງການ.
ພາຍຫຼັງພິທີຕ້ອນຮັບ, ການນໍາສອງທ່ານໄດ້ດໍາເນີນການພົບປະສອງຝ່າຍ.
ທີ່ການພົບປະສອງຝ່າຍ, ການນຳສອງທ່ານໄດ້ເຫັນດີສືບຕໍ່ປັບປຸງການພົວພັນດ້ານການເມືອງ ແລະການທູດ, ຖືນີ້ແມ່ນພື້ນຖານອັນສຳຄັນ ເພື່ອຊຸກຍູ້ການຮ່ວມມືຮອບດ້ານ. ການນໍາສອງທ່ານເຫັນດີຊຸກຍູ້ການມີໜ້າ ແລະການໜູນຊ່ວຍພົນລະເມືອງ ແລະວິສາຫະກິດຂອງສອງປະເທດ, ໃນນັ້ນມີການພິຈາລະນາຄວາມເປັນໄປໄດ້ຂອງການເປີດສຳນັກງານຕາງໜ້າຢູ່ແຕ່ລະປະເທດ. ສອງຝ່າຍເສີມຂະຫຍາຍບົດບາດເປັນຂົວຕໍ່ຍູ້ແຮງການຮ່ວມມືລະຫວ່າງຫວຽດນາມ ກັບຕາເວັນອອກກາງ, ລະຫວ່າງ ຈໍແດນ ກັບອາຊຽນ ແລະລະຫວ່າງສອງພາກພື້ນ, ສົມທົບທັດສະນະ, ສະໜັບສະໜູນເຊິ່ງກັນ ແລະກັນໃນບັນດາເວທີປາໄສຫຼາຍຝ່າຍ.
    |
 |
|
ທ່ານ ເຈີ່ນແທັງເໝິນ ປະທານສະພາແຫ່ງຊາດຫວຽດນາມ ແລະທ່ານ Mazen Turki El Qadi ປະທານສະພາຕໍ່າຈໍແດນ. ພາບ: qdnd.vn |
ກ່ຽວກັບການຮ່ວມມືລັດຖະສະພາ, ທ່ານ ເຈີ່ນແທັງເໝິນ ປະທານສະພາແຫ່ງຊາດຫວຽດນາມ ແລະທ່ານ Mazen Turki Al-Kadi ປະທານສະພາຕ່ຳຈໍແດນ ເຫັນດີເປັນເອກະພາບເພີ່ມທະວີການແລກປ່ຽນ, ແບ່ງປັນປະສົບການດ້ານນິຕິບັນຍັດ, ອັບເດັດຂໍ້ມູນຂ່າວສານກ່ຽວກັບໂຄງປະກອບການຈັດຕັ້ງ ແລະການເຄື່ອນໄຫວຂອງລັດຖະສະພາຢູ່ແຕ່ລະປະເທດ; ຊຸກຍູ້ການພົບປະແລກປ່ຽນ ແລະການຮ່ວມມືລະຫວ່າງບັນດາສະມາຊິກລັດຖະສະພາ, ໃນນັ້ນມີການຄົ້ນຄວ້າສ້າງຕັ້ງກຸ່ມສະມາຊິກລັດຖະສະພາມິດຕະພາບ. ສອງຝ່າຍຈະສືບຕໍ່ສົມທົບ ແລະສະໜັບສະໜູນເຊິ່ງກັນ ແລະກັນໃນບັນດາເວທີປາໄສລັດຖະສະພາຫຼາຍຝ່າຍ, ຄື: ສະຫະພັນລັດຖະສະພາສາກົນ (IPU) ແລະ ສະພາສັດຖະສະພາອາຊີ (APA), ພ້ອມກັນປະກອບສ່ວນທັດສະນະເພື່ອສັນຕິພາບ, ການຮ່ວມມື ແລະການພັດທະນາແບບຍືນຍົງ.
|
|
 |
|
ບັນຍາກາດທີ່ການພົບປະສອງຝ່າຍ. ພາບ: qdnd.vn |
ພາຍຫຼັງການພົບສອງຝ່າຍ, ທ່ານ ເຈີ່ນແທັງເໝິນ ປະທານສະພາແຫ່ງຊາດຫວຽດນາມ ແລະທ່ານ Mazen Turki Al-Kadi ປະທານສະພາຕ່ຳຈໍແດນ ໄດ້ລົງນາມໃນ “ບົດບັນທຶກຊ່ວຍຈຳການຮ່ວມມືລະຫວ່າງສະພາແຫ່ງຊາດຫວຽດນາມ ກັບສະພາຕໍ່າຈໍແດນ", ແນໃສ່ສ້າງຂອບເຂດຊຸກຍູ້ການຮ່ວມມືລັດຖະສະພາລະຫວ່າງສອງປະເທດໃນໄລຍະຈະມາເຖິງ.
ໂດຍ: ທູຈາງ