ລາວຢືນຢັນບັນດາປະເທດເພື່ອນມິດ ແລະອົງການຈັດຕັ້ງສາກົນໄດ້ປະກອບສ່ວນອັນສຳຄັນຕໍ່ໄລຍະທາງພັດທະນາໃນ 50 ປີຜ່ານມາ
ກປ.ອອນໄລ - ລາວໄດ້ກາຍເປັນຄູ່ເຈລະຈາຂອງອົງການຮ່ວມມືຊຽງໄຮ ແລະໄດ້ລົງນາມໃນອະນຸສັນຍາສະຫະປະຊາຊາດວ່າດ້ວຍການຕ້ານອາດຊະຍາກຳທາງໄຊເບີ.
ເນື່ອງໃນໂອກາດສະເຫຼີມສະຫຼອງວັນຊາດ ລາວ ຄົບຮອບ 50 ປີ (2-12-1975 / 2-12-2025), ໃນຕອນເຊົ້າຂອງວັນທີ 30 ພະຈິກ, ທີ່ທຳນຽບປະທານປະເທດ ຢູ່ນະຄອນຫຼວງວຽງຈັນ, ພັກ, ລັດ, ລັດຖະບານ ແລະສະພາແຫ່ງຊາດລາວ ໄດ້ຈັດການພົບປະສັງສັນຜູ້ຕາງໜ້າບັນດາອົງການຈັດຕັ້ງສາກົນ ແລະອົງການການທູດຕ່າງປະເທດຢູ່ລາວ. ທ່ານ ຫງວຽນມິງເຕີມ ເອກອັກຄະລັດຖະທູດຫວຽດນາມ ປະຈໍາ ລາວ ພ້ອມດ້ວຍພັນລະຍາເຂົ້າຮ່ວມເຫດການ.
ກ່າວຄຳເຫັນທີ່ການພົບປະ, ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ໄດ້ໃຫ້ຮູ້ວ່າ ໃນໄລຍະຜ່ານມາ, ສະພາບການພາກພື້ນ ແລະໂລກ ມີການຜັນແປຢ່າງສັບສົນຫຼາຍຢ່າງ, ຍາກທີ່ຈະຄາດຄະເນລ່ວງໜ້າໄດ້, ສົ່ງຜົນກະທົບບໍ່ໜ້ອຍຕໍ່ຫຼາຍປະເທດ, ໃນນັ້ນມີລາວ.
    |
 |
|
ທ່ານ ຫງວຽນມິງເຕີມ ເອກອັກຄະລັດຖະທູດຫວຽດນາມ ປະຈຳ ລາວ ພ້ອມດ້ວຍພັນລະຍາໄປອວຍພອນທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ. ພາບ: ສໍານັກຂ່າວສານຫວຽດນາມ |
ໃນສະພາບການນັ້ນ, ລັດຖະບານລາວ ໄດ້ສຸມໃສ່ແກ້ໄຂບັນຫາຕ່າງໆຂອງປະເທດຢ່າງມີປະສິດທິຜົນ, ເສີມຂະຫຍາຍບັນດາທ່າແຮງທີ່ມີຢູ່ແລ້ວ, ດັດປັບນະໂຍບາຍ, ກົດໝາຍ, ອົງການສັບຊ້ອນກົງຈັກແຕ່ສູນກາງລົງຮອດທ້ອງຖິ່ນຕາມທິດກະທັດຮັດ, ເພີ່ມທະວີການຮ່ວມມືກັບບັນດາປະເທດໃນພາກພື້ນ ແລະສາກົນ. ໜ້າໃສ່ໃຈວ່າ, ລາວກາຍເປັນຄູ່ຮ່ວມມືເຈລະຈາຂອງອົງການຈັດຕັ້ງຮ່ວມມືຊຽງໄຮ ແລະໄດ້ລົງນາມໃນອະນຸສັນຍາສະຫະປະຊາຊາດວ່າດ້ວຍການຕ້ານອາດຊະຍາກຳທາງໄຊເບີ (ຫຼືເອີ້ນວ່າແມ່ນສົນທິສັນຍາຮ່າໂນ້ຍ) ຢູ່ພິທີເປີດລົງນາມໄດ້ດໍາເນີນຢູ່ຮ່າໂນ້ຍ ໃນເດືອນຕຸລາ ຜ່ານມາ.
ພ້ອມທັງ, ລາວ ກໍ່ສືບຕໍ່ຍົກລະດັບພື້ນຖານໂຄງລ່າງໃຫ້ສອດຄ່ອງກັບວິໄສທັດການພັດທະນາ. ແຕ່ໜຶ່ງປະເທດບໍ່ມີທະເລ, ລາວ ພວມນັບມື້ນັບກາຍເປັນປະເທດເຊື່ອມຕໍ່ໃນພາກພື້ນທາງບົກ, ທາງທະເລ ແລະທາງອາກາດ. ການນໍາລາວ ຢ້ັງຢືນວ່າ ບັນດາຜົນງານບັນລຸໄດ້ມີການປະກອບສ່ວນສໍາຄັນຂອງບັນດາປະເທດເພື່ອນມິດ, ບັນດາອົງການຈັດຕັ້ງສາກົນ ແລະຕາງໜ້າພັກ, ລັດ ແລະປະຊາຊົນລາວ, ສະແດງຄວາມຮູ້ບຸນຄຸນອັນເລິກເຊິ່ງຕໍ່ກັບການສະໜັບສະໜູນອັນລໍ້າຄ່າ, ມີປະສິດທິຜົນຈາກປະຊາຄົມສາກົນໃນຕະຫຼອດໄລຍະຜ່ານມາ.
ໂດຍ: ໄຊນີດາ