ທີ່ການພົບປະ, ທ່ານ ດັ້ງມິງຄອຍ ເອກອັກຄະລັດຖະທູດຫວຽດນາມ ປະຈໍາ ສະຫະພັນລັດເຊຍ ໄດ້ສົ່ງຄຳອວຍພອນອັນປະເສີດມາຍັງທ່ານ ສີພັນດອນ ອ້ອຍບົວບຸດດີ ເອກອັກຄະລັດຖະທູດລາວ ປະຈໍາ ລັດເຊຍ ພ້ອມດ້ວຍພັນລະຍາ ແລະພະນັກງານ, ພາລະພອນສະຖານທູດລາວ ທຸກຖ້ວນໜ້າ. ທ່ານເອກອັກຄະລັດຖະທູດ ດັ້ງມິງຄອຍ ສະແດງຄວາມປິຕິຊົມຊື່ນຕໍ່ກັບຜົນງານອັນໃຫຍ່ຫຼວງທີ່ປະຊາຊົນລາວອ້າຍນ້ອງ ບັນລຸໄດ້ພາຍໃຕ້ການນຳພາຂອງພັກປະຊາຊົນປະຕິວັດລາວ ໃນຕະຫຼອດ 50 ປີຜ່ານມາ.

ທ່ານເອກອັກຄະລັດຖະທູດ ດັ້ງມິງຄອຍ ຢໍ້າຄືນວ່າ ວັນທີ 27 ພະຈິກ, ຢູ່ຮ່າໂນ້ຍ, ໄດ້ດໍາເນີນພິທີສະເຫຼີມສະຫຼອງວັນຊາດ ສປປ ລາວ ຄົບຮອບ 50 ປີ ແລະວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 105 ປີ ໂດຍມີການເຂົ້າຮ່ວມຂອງການນຳຂັ້ນສູງຂອງພັກ ແລະລັດຫວຽດນາມ ຫຼາຍທ່ານ.

leftcenterrightdel
ຄະນະຜູ້ແທນສະຖານທູດຫວຽດນາມ ປະຈໍາ ສະຫະພັນລັດເຊຍ ອວຍພອນວັນຊາດລາວ ຄົບຄອບ 50 ປີ. ພາບ: ສໍານັກຂ່າວສານຫວຽດນາມ.

ທີ່ພິທີ, ທ່ານ ເລືອງເກື່ອງ ປະທານປະເທດຫວຽດນາມ ໄດ້ກ່າວຄໍາເຫັນຮັບຮູ້ບົດບາດອັນໃຫຍ່ຫຼວງຂອງປະທານ ໄກສອນ ພົມວິຫານ ຕໍ່ກັບປະຊາຊົນລາວ ກໍຄືນໍ້າໃຈມິດຕະພາບແບບພິເສດລະຫວ່າງ ລາວ-ຫວຽດນາມ. ໃນໄລຍະແຫ່ງການພັດທະນາ, ຫວຽດນາມ ແລະ ລາວ ຍາມໃດກໍ່ຄຽງບ່າຄຽງໄຫຼ່ນໍາກັນ, ເພີ່ມພູນຄູນສ້າງໃຫ້ນໍ້າໃຈມິດຕະພາບທີ່ໄດ້ຮັບການສ້າງຕັ້ງຂຶ້ນໂດຍປະທານ ໂຮ່ຈີມິນ ແລະປະທານ ໄກສອນ ພົມວິຫານ, ສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານໃນປະຈຸບັນ.

ສ່ວນທ່ານເອກອັກຄະລັດຖະທູດລາວ ສີພັນດອນ ອ້ອຍບົວບຸດດີ ຢືນຢັນວ່າ ສາຍພົວພັນລາວ-ຫວຽດນາມ ແມ່ນ “ຊັບສົມບັດອັນລ້ຳຄ່າ” ຄວນໄດ້ຮັບການຮັກສາ ແລະພັດທະນາໂດຍລຸ້ນຕ່າງໆ, ໃນນັ້ນສະຖານທູດຂອງສອງປະເທດ ປະຈຳສະຫະພັນລັດເຊຍ ຍາມໃດກໍ່ຮັກສາສາຍພົວພັນອັນດີງາມ, ການຮ່ວມມື ແລະສະໜັບສະໜູນເຊິ່ງກັນ ແລະກັນໃນບັນດາການເຄື່ອນໄຫວທາງການທູດ ກໍຄືໃນການພົບປະແລກປ່ຽນວັດທະນະທຳ. ທ່ານເອກອັກຄະລັດຖະທູດ ສີພັນດອນ ອ້ອຍບົວບຸດດີ ເຊື່ອໝັ້ນວ່າ, ລາວ ຈະຄຽງບ່າຄຽງໄຫຼ່ກັບປະຊາຊົນຫວຽດນາມ ຍາມມີຄວາມຕ້ອງການ, ພ້ອມກັນສ້າງສາປະເທດຊາດ.

ໂດຍ: ທູຈາງ