ຕອນບ່າຍວັນທີ 29 ພະຈິກ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໄປຢ້ຽມຢາມຕາແສງຮວ່າຖິ້ງ, ແຂວງດັກລັກ (ເມືອງໄຕຮວ່າ, ແຂວງຝູອຽນ ເກົ່າ) ເຊິ່ງໄດ້ຮັບຜົນກະທົບໜັກໜ່ວງທີ່ສຸດຈາກໄພນ້ຳຖ້ວມຄັ້ງປະຫວັດສາດທີ່ຜ່ານມາ. ການໄປຢ້ຽມຢາມເພື່ອແນໃສ່ກວດກາ ສະພາບການຕົວຈິງ, ຢ້ຽມຢາມ ແລະລະດົມກຳລັງໃຈໃຫ້ແກ່ປະຊາຊົນໃນເຂດທີ່ຖືກນ້ຳຖ້ວມ ແລະຊີ້ນຳມາດຕະການການເພື່ອແກ້ໄຂຜົນຮ້ານຢ້ອນຫຼັງຈາກໄພທຳມະຊາດ.

leftcenterrightdel
ທ່ານນາຍົກລັດຖະມົນຕີ ຟ້າມມິງຈິງ ມອບຂອງຂວັນໃຫ້ແກ່ປະຊາຊົນໃນເຂດນ້ຳຖ້ວມຂອງເມືອງຮວ່າຖິ້ງ. ພາບ: baodaklak.vn

ທ່ານນາຍົກລັດຖະມົນຕີ ແລະຄະນະປະຕິບັດງານລັດຖະບານໄດ້ໄປຢ້ຽມຢາມບ້ານຟູຫືວ, ຕາແສງຮວ່າຖິ້ງ, ເຊິ່ງເປັນເຂດທີ່ຖືກນ້ຳຖ້ວມຢ່າງສິ້ນເຊີງໃນຊ່ວງເວລາທີ່ນ້ຳຖ້ວມໜັກທີ່ສຸດ. ຢູ່ທີ່ນີ້, ທ່ານນາຍົກລັດຖະມົນຕີ ໄດ້ໄປຢ້ຽມຢາມ ແລະລະດົມກຳລັງໃຈ 9 ຄອບຄົວທີ່ເຮືອນຖືກພັງທະລາຍໝົດຈາກໄພນໍ້າຖ້ວມ. ທ່ານນາຍົກລັດຖະມົນຕີ ໄດ້ແບ່ງປັນຕໍ່ການສູນເສຍຂອງປະຊາຊົນ ແລະໄດ້ສອບຖາມ, ຮັບຮູ້ຂໍ້ສະເໜີຂອງປະຊາຊົນ. ທ່ານນາຍົກລັດຖະມົນຕີ ຢືນຢັນວ່າ ຈະຊີ້ນຳອົງການຕ່າງໆແຕ່ຂັ້ນສູນກາງລົງຮອດທ້ອງຖິ່ນເພື່ອແກ້ໄຂບັນຫາທີ່ຢູ່ອາໄສໃຫ້ແກ່ປະຊາຊົນຢ່າງວ່ອງໄວ.

ນອກຈາກນີ້, ທ່ານນາຍົກລັດຖະມົນຕີ ຍັງໄດ້ໄປຢ້ຽມຢາມ ແລະລະດົມກຳລັງໃຈແກ່ກຳລັງທີ່ກ່ຽວຂ້ອງ, ທະຫານ ແລະຕຳຫຼວດທີ່ພວມຊ່ວຍເຫຼືອປະຊາຊົນໂດຍກົງຜ່ານຜ່າຜົນກະທົບຈາກໄພນໍ້າຖ້ວມ. ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ບັນດາອົງການ, ກົມກອງຕ້ອງສືບຕໍ່ຄວາມມານະພະຍາຍາມຊ່ວຍເຫຼືອປະຊາຊົນກັບຄືນສູ່ຊີວິດໃຫ້ເປັນປົກກະຕິ.

ຕອນບ່າຍວັນທີ 29 ພະຈິກ, ທີ່ຄະນະກຳມະການປະຊາຊົນແຂວງດັກລັກ, ສະຖານທີ່ສາຂາ 2 (ສຳນັກງານຂອງຄະນະກຳມະການປະຊາຊົນແຂວງຟູອຽນເກົ່າ, ຢູ່ເມືອງຕຸຍຮວ່າ), ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານກອງປະຊຸມທາງອອນລາຍ ກັບ 4 ແຂວງຄື: ຢາລາຍ, ດັກລັກ, ແຄງຮວ່າ, ເລີມດົ່ງ ກ່ຽວກັບວຽກງານປ້ອງກັນ ແລະແກ້ໄຂຄວາມເສຍຫາຍທີ່ເກີດຈາກໄພທຳມະຊາດ.

ໂດຍ: ໄຊນີດາ