ຊຸກຍູ້ການຮ່ວມມືລະຫວ່າງຫວຽດນາມ-ປອກຕຸຍການ ໃນໄລຍະທີ່ຈະມາເຖິງ
ກປ.ອອນໄລ - ແຕ່ວັນທີ 22 ຫາວັນທີ 27 ພະຈິກ, ໃນຂອບເຂດບັນດາກິດຈະກຳສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ-ປອກຕຸຍການ, ຄະນະຜູ້ແທນພັກກອມມູນິດຫວຽດນາມ ນຳໂດຍສະຫາຍ ຟານດິ່ງຈາກ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະການເມືອງພາຍໃນສູນກາງ, ຮອງຫົວໜ້າຜູ້ປະຈໍາການຄະນະຊີ້ນຳສູນກາງກ່ຽວກັບການປ້ອງກັນ ແລະຕ້ານການສໍ້ລາດບັງຫຼວງ, ຟຸ່ມເຟືອຍ, ຫຍໍ້ທໍ້, ຮອງຫົວໜ້າຜູ້ປະຈໍາການຄະນະຊີ້ນຳປະຕິຮູບຕຸລາການສູນກາງ ໄດ້ໄປຢ້ຽມຢາມ ແລະເຮັດວຽກຢູ່ປອກຕຸຍການ.
ໃນການຢ້ຽມຢາມ, ຄະນະຜູ້ແທນໄດ້ມີການພົບປະ, ເຮັດວຽກ ແລະແລກປ່ຽນກັບທ່ານ Marcos Perestrello ຮອງປະທານສະພາແຫ່ງຊາດ; ທ່ານ Paulo Raimundo ເລຂາທິການໃຫຍ່ພັກກອມມູນິດປອກຕຸຍການ; ທ່ານນາງ Ana Isabel Xavier ຮອງລັດຖະມົນຕີກະຊວງການຕ່າງປະເທດ; ທ່ານ Gonçalo da Cunha Pires ຮອງລັດຖະມົນຕີກະຊວງຍຸຕິທຳ; ...
    |
 |
|
ສະຫາຍ ຟານດິ່ງຈາກ ເຮັດວຽກກັບທ່ານ Paulo Raimundo ເລຂາທິການໃຫຍ່ພັກກອມມູນິດປອກຕຸຍການ. ພາບ: qdnd.vn |
ຄະນະຜູ້ແທນໄດ້ເຮັດວຽກກັບພະນັກງານ, ພາລະກອນສະຖານທູດ; ໄດ້ພົບປະ ແລະໂອ້ລົມສົນທະນາຢ່າງສະໜິດສະໜົມກັບຜູ້ຕາງໜ້າພໍ່ແມ່ປະຊາຊົນ, ປະຊາຄົມຊາວຫວຽດນາມ ແລະເປີດນໍາໃຊ້ສະຖານທູດຫວຽດນາມ ປະຈຳ ປອກຕຸຍການ.
|
|
 |
|
ສະຫາຍ ຟານດິ່ງຈາກ ຕັດແຖບຜ້າເປີດນໍາໃຊ້ສະຖານທູດຫວຽດນາມ ປະຈຳ ປອກຕຸຍການ. ພາບ: qdnd.vn |
ໃນການເຮັດວຽກຕ່າງໆ, ສະຫາຍ ຟານດິ່ງຈາກ ແລະຄູ່ຮ່ວມມືປອກຕຸຍການ ໄດ້ສຸມໃສ່ແລກປ່ຽນກ່ຽວກັບສະພາບການຂອງແຕ່ລະປະເທດ ແລະການພົວພັນສອງຝ່າຍ; ບົດຮຽນປະສົບການ, ແຜນນະໂຍບາຍ, ນະໂຍບາຍ ແລະມາດຕະການຕ່າງໆໃນວຽກງານປ້ອງກັນ, ຕ້ານການສໍ້ລາດບັງຫຼວງ; ການປະຕິຮູບຕຸລາການ, ການສ້າງກົດໝາຍ; ການຈັດຕັ້ງກົງຈັກອົງການຍຸຕິທໍາ, ໄອຍະການ...; ແລກປ່ຽນບາງບັນຫາສາກົນ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ ແລະວາງອອກບາງການກໍານົດທິດໃຫຍ່ ເພື່ອແນໃສ່ຊຸກຍຸ້ການຮ່ວມມືລະຫວ່າງຫວຽດນາມ-ປອກຕຸຍການ ໃນໄລຍະຈະມາເຖິງ.
ໂດຍ: ທູຈາງ