ການຢ້ຽມຢາມຫວຽດນາມ ຄັ້ງທີ 6 ຂອງກະສັດບຣູໄນ ເປັນຂີດໝາຍໃໝ່ໃນສາຍພົວພັນມິດຕະພາບທີ່ເປັນມູນເຊື້ອ ແລະການຮ່ວມມືຢ່າງໃກ້ຊິດລະຫວ່າງສອງປະເທດ.

ນັບແຕ່ແຫ່ງວັນສ້າງຕັ້ງສາຍພົວພັນທາງການທູດໃນປີ 1992 ເປັນຕົ້ນມາ, ສາຍພົວພັນລະຫວ່າງຫວຽດນາມ ແລະບຣູໄນ ໄດ້ຮັບການພັດທະນາຢ່າງສະດວກທັງສອງຝ່າຍ ແລະຫຼາຍຝ່າຍ. ຫວຽດນາມ ແລະບຣູໄນ ໄດ້ຍົກລະດັບການພົວພັນສອງຝ່າຍຂຶ້ນເປັນຄູ່ຮ່ວມມືຮອບດ້ານໃນປີ 2019 ໃນໂອກາດການຢ້ຽມຢາມທາງລັດຖະກິດຢູ່ຫວຽດນາມ ຂອງກະສັດ Darussalam Haji Hassanal Bolkiah, ສະແດງໃຫ້ເຫັນເຖິງຄຳໝັ້ນສັນຍາຂອງທັງສອງຝ່າຍໃນການເພີ່ມທະວີການຮ່ວມມືອັນລໍ້າຄ່າກວ່າອີີກ, ສ້າງກໍາລັງຜັກດັນເພື່ອຊຸກຍູ້ການຮ່ວມມືຫຼາຍດ້ານ, ເພື່ອຜົນປະໂຫຍດຂອງປະຊາຊົນສອງ ປະເທດ. ສອງປະເທດໄດ້ສະເຫຼີມສະຫຼອງວັນຄົບຮອບ 30 ປີແຫ່ງການສ້າງຕັ້ງສາຍພົວພັນທາງການທູດໃນປີ 2022 ແລະໄດ້ລົງນາມໃນໂຄງການປະຕິບັດງານ ເພື່ອຜັນຂະຫຍາຍການພົວພັນຄູ່ຮ່ວມມືຮອບດ້ານໄລຍະ 2023-2027 ໃນປີ 2023.

leftcenterrightdel
ທ່ານ ເລືອງເກື່ອງ ປະທານປະເທດ ພົບປະກັບກະສັດ ບຣູໄນ Darussalam Haji Hassanal Bolkiah. ພາບ: ສໍານັກຂ່າວສານຫວຽດນາມ

ໃນໄລຍະຜ່ານມາ, ຫວຽດນາມ ແລະບຣູໄນ ໄດ້ຮັກສາການພົວພັນຂັ້ນສູງ ແລະທຸກຂັ້ນ ກໍ່ຄືກົນໄກຮ່ວມມືສອງຝ່າຍຢ່າງມີປະສິດທິຜົນ. ການຮ່ວມມືດ້ານເສດຖະກິດຈະພັດທະນາຢ່າງຕ້ັງໜ້າດ້ວຍຍອດມູນຄ່າການຄ້າສອງຝ່າຍບັນລຸຫຼາຍກວ່າ 671 ລ້ານໂດລາສະຫະລັດໃນປີ 2024, ເພີ່ມຂຶ້ນ 165% ເມື່ອທຽບກັບປີ 2023. ປະຈຸບັນ, ບຣູໄນຢູ່ອັນດັບທີ 28 ໃນບັນຊີລາຍຊື່ບັນດາປະເທດທີ່ລົງທຶນຢູ່ຫວຽດນາມ ດ້ວຍທຶນຈົດທະບຽນທັງໝົດເກືອບ 1 ຕື້ໂດລາສະຫະລັດ.

ການຮ່ວມມືດ້ານປ້ອງກັນຊາດລະຫວ່າງຫວຽດນາມ ແລະບຣູໄນ ໄດ້ຮັບການເພີ່ມທະວີໃນຂອບເຂດສອງຝ່າຍ ແລະອາຊຽນ. ສອງປະເທດສືບຕໍ່ປະຕິບັດເນື້ອໃນການຮ່ວມມືຢ່າງມີປະສິດທິຜົນໂດຍອີງໃສ່ບົດບັນທຶກຄວາມຊ່ວຍຈໍາວ່າດ້ວຍການຮ່ວມມືດ້ານປ້ອງກັນຊາດສອງຝ່າຍ.  ການຮ່ວມມືທາງທະເລແມ່ນໜຶ່ງໃນບັນດາເສົາຄໍ້າຫຼັກ ເພື່ອຜັນຂະຫຍາຍເນື້ອໃນຂອງການພົວພັນຄູ່ຮ່ວມມືຮອບດ້ານຫວຽດນາມ-ບຣູໄນ. ຕາມນັ້ນແລ້ວ, ສອງຝ່າຍຊຸກຍູ້ການຮ່ວມມືທາງທະເລ ແລະມະຫາສະໝຸດ, ໃນນັ້ນຜັນຂະຫຍາຍສາຍໂທດ່ວນກ່ຽວກັບການໜູນຊ່ວຍບັນດາການເຄື່ອນໄຫວຫາປາ, ຜັນຂະຫຍາຍຮ່ວມທຸລະກິດຂຸດຄົ້ນ, ເປີດກວ້າງການຮ່ວມມືປຸກລ້ຽງ, ປຸກແຕ່ງສິນໃນທະເລ, ຮັບມືກັບບັນດາສິ່ງທ້າທາຍຄວາມໝັ້ນຄົງບົນທະເລຢ່າງມີປະສິດທິຜົນ. ສອງຝ່າຍໄດ້ລົງນາມໃນບົດບັນທຶກຄວາມຊ່ວຍຈໍາວ່າດ້ວຍການຮ່ວມມືດ້ານກະສິກຳ ແລະສິນໃນທະເລ ແລະດຳເນີນໂຄງການທົດລອງປູກເຂົ້າປຽກໃນປະເທດບຣູໄນ ເພື່ອໜູນຊ່ວຍຮັບປະກັນຄວາມໝັ້ນຄົງດ້ານ ສະບຽງອາຫານ.

ພ້ອມກັບການຮ່ວມມືໃນຂອບເຂດນໍ້າມັນອາຍແກັດເປັນຢ່າງດີ, ສອງຝ່າຍໄດ້ຮັກສາການຮ່ວມມືການສຶກສາ-ບໍາລຸງສ້າງສ່ວນໃຫຍ່ຜ່ານບັນດາກອບຫຼາຍຝ່າຍ ແລະການເຄື່ອນໄຫວສອງຝ່າຍລະຫວ່າງບັນດາຮາກຖານການສຶກສາ-ບໍາລຸງສ້າງສອງຝ່າຍ, ພົ້ນເດັ່ນແມ່ນລະຫວ່າງມະຫາວິທະຍາໄລບຣູໄນ (UBD) ແລະມະຫາວິທະຍາໄລ FPT ໃນການສຶກສາພາສາ ອັງກິດ.   ໃນປີ 2022, UBD ໄດ້ເປີດພະແນກພາສາຫວຽດ ແລະຫວຽດນາມສາດ ເພື່ອສອນພາສາຫວຽດ ໃຫ້ນັກສຶກສາບຣູໄນ.

ໃນດ້ານຫຼາຍຝ່າຍ, ຫວຽດນາມ ແລະບຣູໄນ ໄດ້ສົມທົບກັນຢ່າງແໜ້ນແຟ້ນ ແລະມີປະສິດທິຜົນໃນບັນດາເວທີປາໄສ ແລະອົງການຈັດຕັ້ງໃນພາກພື້ນ ແລະສາກົນ, ໂດຍສະເພາະແມ່ນຢູ່ອາຊຽນ ແລະສະຫະປະຊາຊາດ. ສອງຝ່າຍສະໜັບສະໜູນເຊິ່ງກັນ ແລະກັນໃນບັນດາບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ.

ໂດຍພື້ນຖານບັນດາບາດກ້າວການພັດທະນາສາຍພົວພັນສອງຝ່າຍ, ການຢ້ຽມຢາມຂອງກະສັດ Darussalam Haji Hassanal Bolkiah ສະແດງໃຫ້ເຫັນເຖິງການຖືເປັນສໍາຄັນ ແລະນໍ້າໃຈມິດຕະພາບທີ່ອົບອຸ່ນລະຫວ່າງສອງປະເທດທີ່ສະຫງວນໃຫ້ກັນ. ຫວຽດນາມ ແລະບຣູໄນ ມີຄວາມສາມາດບົ່ມຊ້ອນ, ກາລະໂອກາດ ແລະຊ່ອງວາງ ເພື່ອເຮັດໃຫ້ການຮ່ວມມືເລິກເຊິ່ງກວ່າອີກ.  ສະນັ້ນພວກເຮົາເຊື່ອໝັ້ນຢ່າງໜັກແໜ້ນວ່າ ການຢ້ຽມຢາມທາງລັດຖະກິດຢູ່ຫວຽດນາມ ຂອງກະສັດ Darussalam Haji Hassanal Bolkiah ຈະປະສົບຜົນສຳເລັດ, ປະກອບສ່ວນເຂົ້າໃນການປັບປຸງ ແລະເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງເລິກເຊິ່ງກວ່າອີກ, ນໍາການພົວພັນສອງຝ່າຍຂຶ້ນສູ່ລະດັບສູງໃໝ່, ຕາມທິດນັບມື້ນັບມີເນື້ອແທ້, ມີປະສິດທິຜົນກວ່າ.

ໂດຍ: ໄຊນີດາ