ຫວຽດນາມ ພ້ອມກັບບັນດາປະເທດອະນຸພາກພື້ນແມ່ນ້ຳຂອງປະຕິບັດວິໄສທັດ GMS-2030
ກປ.ອອນໄລ - ບັນດາປະເທດສະມາຊິກໄດ້ກວດກາຄືນໝາກຜົນການຮ່ວມມືໃນໄລຍະຜ່ານມາ ແລະຢືນຢັນຄືນໃໝ່ກ່ຽວກັບຄຳໝັ້ນສັນຍາປະຕິບັດກອບຍຸດທະສາດ GMS ຈົນຮອດປີ 2030.
ກອງປະຊຸມລັດຖະມົນຕີອະນຸພາກພື້ນແມ່ນ້ຳຂອງ (GMS) ຄັ້ງທີ 27 ໄດ້ຈັດຂຶ້ນທີ່ບາງກອກ, ໄທ ເມື່ອບໍ່ດົນມານີ້ພາຍໃຕ້ຫົວຂໍ້ “ຊຸກຍູ້ການເຕີບໂຕກວມລວມ, ການພັດທະນາທີ່ກົມກຽວ ແລະຈະເລີນຮຸ່ງເຮືອງຜ່ານການສະໜິດຕິດພັນອໍານາດການປົກຄອງທ້ອງຖິ່ນ ແລະພາກເອກະຊົນ”.
    |
 |
|
ຜູ້ແທນເຂົ້າຮ່ວມກອງປະຊຸມລັດຖະມົນຕີອະນາພາກພື້ນແມ່ນໍ້າຂອງ ເປີດກວ້າງ ຄັ້ງທີ 27 ທີ່ບາງກອກ, ໄທ. ພາບ: vov.vn |
ທີ່ກອງປະຊຸມ, ບັນດາປະເທດສະມາຊິກໄດ້ກວດກາຄືນໝາກຜົນຂອງການຮ່ວມມືໃນໄລຍະຜ່ານມາ, ຢືນຢັນຄືນໃໝ່ຄຳໝັ້ນສັນຍາປະຕິບັດກອບຍຸດທະສາດ GMS ຮອດປີ 2030 ແລະຮັບຮູ້ຜົນສຳເລັດຫຼາຍຢ່າງໃນຂົງເຂດການຄ້າ, ການລົງທຶນ, ພະລັງງານ, ສາທາລະນະສຸກ, ກະສິກຳ, ພື້ນຖານໂຄງລ່າງ, ເຂດຕົວເມືອງ ແລະການທ່ອງທ່ຽວ. ໜ້າໃສ່ໃຈວ່າ, ຍຸດທະສາດການຮ່ວມມືດ້ານພະລັງງານໄລຍະ 2024 - 2030 ໄດ້້ເຫັນດີເປັນເອກະພາບກ່ຽວກັບວິໄສທັດສຳລັບການຫັນປ່ຽນທີ່ເປັນມິດກັບສິ່ງແວດລ້ອມ ແລະປອດໄພ. ໃນນັ້ນ, ຂໍ້ລິເລີ່ມເຄືອຂ່າຍໄຟຟ້າອາຊຽນ ເຊິ່ງຈະເປີດຕົວໃນເດືອນຕຸລາ 2025, ຖືວ່າເປັນໂອກາດຫຼັກແຫຼ່ງເພື່ອເພີ່ມທະວີການຮ່ວມມື ແລະດຶງດູດການລົງທຶນ.
ຄະນະຜູ້ແທນຫວຽດນາມ ນໍາໂດຍທ່ານ ເຈິ່ນກວກເຟືອງ ຮອງລັດຖະມົນຕີກະຊວງການເງິນ ໄດ້ແບ່ງປັນນະໂຍບາຍການພັດທະນາ ເສດຖະກິດ-ສັງຄົມ, ໂດຍເນັ້ນໜັກເຖິງບົດບາດຂອງການແບ່ງຂັ້ນຄຸ້ມຄອງໃຫ້ແກ່ທ້ອງຖິ່ນ ແລະຊຸກຍູ້ການຮ່ວມມືລະຫວ່າງພາກລັດ ແລະພາກເອກະຊົນໃນຂົງເຂດພື້ນຖານໂຄງລ່າງ ແລະພະລັງງານແບບຍືນຍົງ. ຫວຽດນາມ ຢືນຢັນວ່າຈະສົມທົບກັນຢ່າງແໜ້ນແຟ້ນກັບບັນດາປະເທດສະມາຊິກ, ພິເສດໃນປີ 2026 ເມື່ອດໍາລົງຕໍາແໜ່ງເປັນປະເທດເຈົ້າພາບ GMS.
ໂດຍ: ໄຊນີດາ