ກ່າວຄຳປາໄສທີ່ພິທີ, ສະຫາຍ ຫງວຽນວັນເດື້ອກ, ກຳມະການສູນກາງພັກ, ປະທານຄະນະກຳມະການປະຊາຊົນນະຄອນໂຮ່ຈິມິນ ໄດ້ແບ່ງປັນວ່າ ໃນຕະຫຼອດໄລຍະ 50 ປີຜ່ານມາ, ຫວຽດນາມ ແລະນິວຊີແລນ ໄດ້ພິສູດໃຫ້ເຫັນໄລຍະຫ່າງທາງພູມສາດບໍ່ສາມາດກີດຂວາງໄດ້ສອງປະເທດທີ່ພ້ອມກັນແບ່ງປັນແນວຄິດກ່ຽວກັບສັນຕິພາບ, ມະນຸດສະທຳ ແລະການພັດທະນາແບບຍືນຍົງ. ເດືອນກຸມພາ 2025, ສາຍພົວພັນລະຫວ່າງສອງປະເທດໄດ້ຮັບການຍົກລະດັບຂຶ້ນເປັນຄູ່ຮ່ວມມືຍຸດທະສາດຮອບດ້ານ, ເປີດກວ້າງການຮ່ວມມືຈາກເສດຖະກິດ, ກະສິກຳອັດສະລິຍະເຖິງການສຶກສາ, ວິທະຍາສາດ-ເຕັກໂນໂລຊີ, ຮັບມືກັບການປ່ຽນແປງຂອງດິນຟ້າອາກາດ ແລະການພົບປະແລກປ່ຽນປະຊາຊົນ. ນະຄອນໂຮ່ຈິມິນ ຍາມໃດກໍ່ແມ່ນຈຸດໝາຍປາຍທາງທີ່ໄວ້ເນື້ອເຊື່ອໃຈຂອງບັນດາອົງການຈັດຕັ້ງການສຶກສາ, ວິສາຫະກິດ ແລະນັກຊ່ຽວຊານຂອງນິວຊີແລນ ດ້ວຍໂຄງການຮ່ວມມືທີ່ແທດຈິງຫຼາຍຢ່າງ.

leftcenterrightdel
ລາຍການສະແດງສິລະປະທີ່ພິທີ. ພາບ: qdnd.vn

ທ່ານ Scott James, ຫົວໜ້າສະຖານກົງສູນໃຫຍ່ນິວຊີແລນ ປະຈຳ ນະຄອນໂຮ່ຈິມິນ ໄດ້ສະແດງຄວາມເຫັນອົກເຫັນໃຈຢ່າງເລິກເຊິ່ງຕໍ່ປະຊາຊົນພາກກາງຫວຽດນາມ ທີ່ໄດ້ຮັບຜົນກະທົບຢ່າງໜັກໜ່ວງຈາກໄພພິບັດທາງທຳມະຊາດ, ພ້ອມທັງຢືນຢັນວ່າ ນິວຊີແລນ ຍາມໃດກໍ່ຮ່ວມເດີນທາງ ແລະແບ່ງປັນກັບບັນດາຄວາມຫຍຸ້ງຍາກຂອງປະຊາຊົນຢູ່ທີ່ນີ້... ວິສາຫະກິດນິວຊີແລນ ນັບມື້ນັບໄວ້ເນື້ອເຊື່ອໃຈຕໍ່ທ່າແຮງບົ່ມຊ້ອນການຮ່ວມມືຢູ່ນະຄອນໂຮ່ຈິມິນ, ພິເສດຢູ່ບັນດາຂົງເຂດການຫັນປ່ຽນດີຈີຕອນ, ພະລັງງານທົດແທນ, ການສຶກສາ, ການທ່ອງທ່ຽວ ແລະກະສິກຳທີ່ປັບຕົວກັບການປ່ຽນແປງຂອງດິນຟ້າອາກາດ.

ໂດຍ: ທູຈາງ