ທ່ານ ຫງວຽນຈີຢູງ ຮອງນາຍົກລັດຖະມົນຕີ ໄດ້ຢືນຢັນຄືດັ່ງກ່າວໃນຕອນບ່າຍວັນທີ 17 ຕຸລາ, ທີ່ສຳນັກງານນາຍົກລັດຖະມົນຕີ, ຢູ່ຮ່າໂນ້ຍ, ເມື່ອຕ້ອນຮັບຄະນະຜູ້ແທນສະມາຄົມມິດຕະພາບເຢຍລະມັນ - ຫວຽດນາມ (DVG) ນຳໂດຍທ່ານ Rolf Schulze, ປະທານ DVG.

leftcenterrightdel
ບັນຍາກາດທີ່ການຕ້ອນຮັບ. ພາບ: VGP

ຕີລາຄາສູງບັນດາການປະກອບສ່ວນຂອງທ່ານ Rolf Schulze ແລະ DVG, ທ່ານຮອງນາຍົກລັດຖະມົນຕີ ຢັ້ງຢືນວ່າ ບັນດາອົງການຂອງຫວຽດນາມ ຍາມໃດກໍ່ເອົາໃຈໃສ່ ແລະຮ່ວມເດີນທາງກັບຄູ່ຮ່ວມມື, ອົງການມິດຕະພາບກັບຫວຽດນາມ ຂອງ ເຢຍລະມັນ; ສະເໜີໃຫ້ DVG ສືບຕໍ່ເສີມຂະຫຍາຍທ່າແຮງ, ເພີ່ມທະວີການຜັນຂະຫຍາຍບັນດາໂຄງການຮ່ວມມືພັດທະນາຢູ່ຫວຽດນາມ, ປະກອບສ່ວນເພີ່ມທະວີການພົວພັນລະຫວ່າງ 2 ປະເທດ.

ທ່ານຮອງນາຍົກລັດຖະມົນຕີ ໄດ້ສົ່ງເສີມການຮ່ວມມືໂດຍກົງລະຫວ່າງລັດ, ວິສາຫະກິດ ແລະກຸ່ມບໍລິສັດເຢຍລະມັນ ກັບບັນດາທ້ອງຖິ່ນ ແລະວິສາຫະກິດຫວຽດນາມ, ໂດຍສະເພາະແມ່ນການຮ່ວມມືດ້ານການລົງທຶນຢູ່ຫວຽດນາມ ໃນບັນດາຂົງເຂດ: ອຸດສາຫະກຳສໍາຮອງ, ພະລັງງານທົດແທນ, semiconductors, ຢາ, ເຄມີ, ເສດຖະກິດສີຂຽວ, ດີຈີຕອນ ແລະໝູນວຽນ...

ໂດຍ: ໄຊນີດາ