ໃນບົດກ່າວປາໄສ, ທ່ານ ເລືອງເກື່ອງ ປະທານປະເທດ ໄດ້ຢືນຢັນວ່າ ສັນຕິພາບທັງແມ່ນເປົ້າໝາຍ, ທັງແມ່ນເງື່ອນໄຂຕັດສິນຊີ້ຂາດໃຫ້ການສ້າງອະນາຄົດທີ່ໝັ້ນຄົງ, ມີຄວາມຍຸດຕິທຳ, ປະຊາທິປະໄຕ ແລະພັດທະນາວັດຖະນາຖາວອນ. ທ່ານປະທານປະເທດ ຮຽກຮ້ອງໃຫ້ຢຸດຍິງ, ຢຸດຕິການໃຊ້ຄວາມຮຸນແຮງ, ປົກປ້ອງສາມັນຊົນ, ສ້າງເງື່ອນໄຂໃຫ້ການເຂົ້າເຖິງມະນຸດສະທຳຢູ່ບັນດາເຂດປະທະກັນ, ຕີລາຄາສູງຕໍ່ເລື່ອງຫຼາຍປະເທດຮັບຮອງ ລັດ ປາແລັດສະຕິນ, ຮຽກຮ້ອງໃຫ້ມີການຊ່ວຍເຫຼືອດ້ານມະນຸດສະທຳສຸກເສີນໃຫ້ແກ່ຊາວ ປາແລັດສະຕິນ, ສະເໜີໃຫ້ຝ່າຍອາເມລິກາ ຍົກເລີກມາດຕະການຂວ້ຳບາດຕໍ່ກັບກູບາ, ແລະນໍາ ກູບາ ອອກຈາກບັນຊີລາຍຊື່ປະເທດຊ່ວຍເຫຼືອກໍ່ການຮ້າຍ.

leftcenterrightdel
 
leftcenterrightdel
ທ່ານ ເລືອງເກື່ອງ ປະທານປະເທດຫວຽດນາມ ກ່າວປາໄສທີ່ວາລະປະຊຸມຮ່ວມຂັ້ນສູງຂອງສະມັດຊາໃຫຍ່ ສປຊ ສະໄໝທີ 80. ພາບ: ສໍານັກຂ່າວສານຫວຽດນາມ

ທ່ານປະທານປະເທດ ຢືນຢັນວ່າ ຫວຽດນາມ ຕັດສິນໃຈປະຕິບັດບັນດາເປົ້າໝາຍຍຸດທະສາດເພື່ອກາຍເປັນປະເທດກໍາລັງພັດທະນາ ທີ່ມີອຸດສາຫະກຳທັນສະໄໝ, ມີລາຍຮັບສະເລ່ຍປານກາງສູງ ໃນ ປີ 2030 ແລະກາຍເປັນປະເທດມີລາຍຮັບສູງໃນປີ 2045; ປະຕິບັດເປົ້າໝາຍພັດທະນາແບບຍືນຍົງ, ບັນລຸການປ່ອຍອາຍພິດເປັນລະດັບລົງ 0 ໃນປີ 2050.

leftcenterrightdel
ບັນດາສະມາຊິກໃນຄະນະຫວຽດນາມ ເຂົ້າຮ່ວມວາລະປະຊຸມຮ່ວມຂັ້ນສູງ ຂອງສະມັດຊາໃຫຍ່ ສປຊ ສະໄໝທີ 80. ພາບ: ສໍານັກຂ່າວສານຫວຽດນາມ

ເນື່ອງໃນໂອກາດນີ້, ທ່ານປະທານປະເທດ ເລືອງເກື່ອງ ໄດ້ເຊື້ອເຊີນບັນດາປະເທດມາຮ່າໂນ້ຍ ເພື່ອເຂົ້າຮ່ວມພິທີເປີດການລົງນາມໃນສົນທິສັນຍາ ສປຊ ກ່ຽວກັບການຕ້ານ ແລະສະກັດກັ້ນອາດຊະຍາກໍາທາງອິນເຕີແນັດ ໃນວັນທີ 25 ຕຸລາ ຈະມາເຖີງ, ທ່ານ ເລືອງເກື່ອງ ໃຫ້ຮູ້ວ່າ ຫວຽດນາມ ພວມຕັ້ງໜ້າກະກຽມ ເພື່ອດໍາລົງຕໍາແໜ່ງເປັນປະທານກອງປະຊຸມກວດກາຄືນສົນທິສັນຍາບໍ່ເຜີຍແຜ່ອາວຸດນິວເຄຼຍໃນປີ 2026, ພ້ອມທັງສະເໜີບັນດາປະເທດ ສະໜັບສະໜູນ ການອອກຮັບສະໝັກເລືອກເຂົ້າສະພາສິດທິມະນຸດ ສປຊ ອາຍຸການ 2026-2028 ແລະເປັນຜູ້ພິພາກສາສານກົດໝາຍວ່າດ້ວຍທະເລສາກົນ ອາຍຸການ 2026-2036 ຂອງຫວຽດນາມ.

* ໃນຂອບເຂດການເຂົ້າຮ່ວມວາລະປຶກສາຫາລືຮ່ວມຂັ້ນສູງຂອງສະມັດຊາໃຫຍ່ ສະຫະປະຊາຊາດ ສະໄໝທີ 80 ພ້ອມດ້ວຍການເຄື່ອນໄຫວສອງຝ່າຍຢູ່ອາເມລິກາ, ວັນທີ 24 ກັນຍາ (ຕາມເວລາທ້ອງຖິ່ນ), ທ່ານ ເລືອງເກື່ອງ ປະທານປະເທດຫວຽດນາມ ໄດ້ມີການພົບປະກັບ: ທ່ານນາງ Annalena Baerbock ປະທານສະມັດຊາໃຫຍ່ ສະຫະປະຊາຊາດ ສະໄໝທີ 80, ທ່ານ  Recep Tayip Erdogan ປະທານາທິບໍດີຕວກກີ, ທ່ານ  Abdul Latif Rashid ປະທານາທິບໍດີອີຣັກ ແລະທ່ານ Marco Rubio ລັດຖະມົນຕີການຕ່າງປະເທດອາເມລິກາ.

leftcenterrightdel
ທ່ານ ເລືອງເກື່ອງ ປະທານປະເທດຫວຽດນາມ ພົບປະກັບທ່ານນາງ  Annalena Baerbock ປະທານສະມັດຊາໃຫຍ່ ສປຊ. ພາບ: qdnd.vn

ທີ່ການພົບປະກັບທ່ານນາງ Annalena Baerbock ປະທານສະມັດຊາໃຫຍ່ ສະຫະປະຊາຊາດ, ທ່ານປະທານປະເທດ ເລືອງເກື່ອງ ແບ່ງປັນກັບທ່ານນາງ Baerbock   ກ່ຽວກັບການກະກຽມເປັນເຈົ້າພາບຈັດຕັ້ງພິທີເປີດການລົງນາມໃນສົນທິສັນຍາ ສປຊ ກ່ຽວກັບການຕ້ານ ແລະສະກັດກັ້ນອາດຊະຍາກໍາ ທາງອິນເຕີແນັດ ຢູ່ຮ່າໂນ້ຍ ໃນເດືອນຕຸລາຈະມາເຖິງ; ການກະກຽມດໍາລົງຕໍາແໜ່ງປະທານກອງປະຊຸມກວດກາຄືນສົນທິສັນຍາບໍ່ເຜີຍແຜ່ອາວຸດນິວເຄຼຍໃນປີ 2026 ກໍຄືການອອກຮັບສະໝັກເລືອກເຂົ້າຫຼາຍອົງການ, ຕໍາແໜ່ງສໍາຄັນອື່ນອີກຂອງຫວຽດນາມ ແລະສະເໜີປະທານສະມັດຊາໃຫຍ່ ສະຫະປະຊາຊາດ ໜູນຊ່ວຍຢ່າງຕັ້ງໜ້າໃຫ້ຄວາມມານະພະຍາຍາມຂອງຫວຽດນາມ.

leftcenterrightdel
ທ່ານ ເລືອງເກື່ອງ ປະທານປະເທດຫວຽດນາມ ພົບປະກັບທ່ານ Annalena Baerbock ປະທານາທິບໍດີຕວກກີ. ພາບ: ສໍານັກຂ່າວສານຫວຽດນາມ

ທີ່ການຕ້ອນຮັບທ່ານ Annalena Baerbock ປະທານາທິບໍດີຕວກກີ, ທ່ານປະທານປະເທດ ເລືອງເກື່ອງ ຖືວ່າ ສອງປະເທດພວມຢູ່ໃນໄລຍະທີ່ສະດວກເພື່ອພັດທະນາການພົວພັນຂຶ້ນສູ່ລະດັບສູງໃໝ່. ການນຳສອງທ່ານໄດ້ເຫັນດີເປັນເອກະສັນເປົ້າໝາຍສູ້ຊົນຍົກວົງເງິນການຄ້າສອງຝ່າຍ ລະຫວ່າງຫວຽດນາມ ແລະ ຕວກກີ ຂຶ້ນເປັນລະດັຍ 4 ຕື້ USD, ພ້ອມທັງຄົ້ນຄວ້າສ້າງຂອບເຂດໃໝ່ ເພື່ອແນໃສ່ສ້າງຄວາມສະດວກຫຼາຍກວ່າອີກໃຫ້ການຄ້າ ແລະການລົງທຶນ, ໃນນັ້ນມີການຊຸກຍູ້ສັນຍາການຄ້າເສລີລະຫວ່າງສອງປະເທດໜຶ່ງສະບັບ.

leftcenterrightdel
ທ່ານ ເລືອງເກື່ອງ ປະທານປະເທດຫວຽດນາມ ຕ້ອນຮັບທ່ານ  Abdul Latif Rashid ປະທານາທິບໍດີອີຣັກ. ພາບ: qdnd.vn

ທີ່ການຕ້ອນຮັບທ່ານ  Abdul Latif Rashid ປະທານາທິບໍດີອີຣັກ, ທ່ານ ເລືອງເກື່ອງ ປະທານປະເທດຫວຽດນາມ ສະເໜີໃຫ້ສອງຝ່າຍເພີ່ມທະວີການແລກປ່ຽນຄະນະຜູ້ແທນວິສາຫະກິດ ເພື່ອຊອກຫາກາລະໂອກາດຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນ, ກໍ່ຄືເພີ່ມທະວີການເຂົ້າເຖິງຕະຫຼາດ Halal; ພ້ອມທັງຫວັງວ່າ ອີຣັກ ຈະສ້າງເງື່ອນໄຂສະດວກເພື່ອໃຫ້ບັນດາວິສາຫະກິດຫວຽດນາມ ລົງທຶນເຂົ້າຂົງເຂດທີ່ເໝາະສົມກັບຄວາມຕ້ອງການຂອງ ອີຣັກ ໃນວິວັດການສ້າງສາປະເທດຄືນໃໝ່.

leftcenterrightdel
ທ່ານ ເລືອງເກື່ອງ ປະທານປະເທດຫວຽດນາມ ຕ້ອນຮັບທ່ານ Marco Rubio ລັດຖະມົນຕີການຕ່າງປະເທດອາເມລິກາ. ພາບ: qdnd.vn

ທີ່ການຕ້ອນຮັບທ່ານ Marco Rubio ລັດຖະມົນຕີການຕ່າງປະເທດອາເມລິກາ, ທ່ານປະທານປະເທດ ເລືອງເກື່ອງ ແລະ ທ່ານ Marco Rubio ໄດ້ແລກປ່ຽນຫຼາຍເນື້ອໃນການຮ່ວມມືໃນຂົງເຂດ, ຄື: ການເມືອງ - ການທູດ, ເສດຖະກິດ - ການຄ້າ - ການລົງທຶນ, ການປ້ອງກັນຊາດ - ປ້ອງກັນຄວາມສະຫງົບ, ວິທະຍາສາດເຕັກໂນໂລຢີ, ການສຶກສາ, ມະນຸດສະທຳ - ແກ້ໄຂຜົນຮ້າຍຢ້ອນຫຼັງຈາກສົງຄາມ. ທ່ານປະທານປະເທດ ເລືອງເກື່ອງ ສະເໜີໃຫ້ສອງຝ່າຍແກ້ໄຂບັນຫາທີ່ສອງຝ່າຍຕ່າງມີຄວາມສົນໃຈຢ່າງມີປະສິດທິຜົນ, ພິເສດແມ່ນພາສີຕອບໂຕ້; ຢືນຢັນວ່າ ຫວຽດນາມ ຊົມເຊີຍບັນດາວິສາຫະກິດອາເມລິກາ ເພີ່ມທະວີການຮ່ວມມື-ລົງທຶນໃນຂົງເຂດຍຸດທະສາດ ຄື: ອຸດສາຫະກຳເຄິ່ງຊັກນໍາໄຟຟ້າ, ການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ; ສະເໜີລັດຖະບານອາເມລິກາ ມີວິວັດທະນາການຮັບຮອງ ຫວຽດນາມ ແມ່ນພື້ນຖານເສດຖະກິດການຕະຫຼາດໂດຍໄວ ກໍຄືນໍາຫວຽດນາມ ອອກຈາກບັນຊີລາຍຊື່ຄວບຄຸມການສົ່ງອອກຍຸດທະສາດ.

ໂດຍ: ທູຈາງ