ໃນຂອບເຂດການຢ້ຽມຢາມ ແລະເຮັດວຽກຢູ່ ສ. ເຊັກ, ຕອນເຊົ້າວັນທີ 19 ກັນຍາ, ທ່ານນາງ ຫງວຽນທິແທງ ຮອງປະທານສະພາແຫ່ງຊາດ ແລະຄະນະຜູ້ແທນສະພາແຫ່ງຊາດຫວຽດນາມ ໄດ້ມີການພົບປະກັບທ່ານ Milos Vystrcil ປະທານສະພາສູງ ແລະໄດ້ມີການພົບປະເຈລະຈາກັບທ່ານ Jan Skopececk ຮອງປະທານສະພາຕໍ່າ.

ການນຳສະພາສູງ ແລະສະພາຕໍ່າ ສ. ເຊັກ ຢືນຢັນວ່າ ສ. ເຊັກ ຍາມໃດກໍ່ຖືເປັນສຳຄັນການຊຸກຍູ້ການພົວພັນກັບ ຫວຽດນາມ - ຄູ່ຮ່ວມມືສຳຄັນ ແລະຕະຫຼາດທີ່ມີຄວາມສາມາດບົ່ມຊ້ອນຂອງ ສ. ເຊັກ ຢູ່ອາຊີຕາເວັນອອກສ່ຽງໃຕ້; ຮັບຮູ້ບັນດາການປະກອບສ່ວນອັນຕັ້ງໜ້າຂອງປະຊາຄົມຊາວຫວຽດນາມ ຢູ່ ສ. ເຊັກ ດ້ວຍບັນດາຄຸນຄ່າທີ່ພົ້ນເດັ່ນ, ນັ້ນແມ່ນຄວາມດຸໝັ່ນ, ຂະຫຍັນ, ໄດ້ຮັບຄວາມຮັກແພງຈາກປະຊາຊົນເຊັກ ແລະຖືວ່າແມ່ນສ່ວນໜຶ່ງຂອງສັງຄົມເຊັກ.

leftcenterrightdel
ທ່ານນາງ ຫງວຽນທິແທງ ຮອງປະທານສະພາແຫ່ງຊາດຫວຽດນາມ ມີການເຮັດວຽກກັບທ່ານ Milos Vystrcil ປະທານສະພາສູງ. ພາບ: Senat.cz

ທ່ານນາງ ຫງວຽນທິແທງ ຮອງປະທານສະພາແຫ່ງຊາດ ຢືນຢັນວ່າ ຫວຽດນາມ ຍາມໃດກໍຖືເປັນສຳຄັນ ແລະປາດຖະໜາຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອກັບ ສ. ເຊັກ - ເປັນໜຶ່ງໃນບັນດາຄູ່ຮ່ວມມືບຸລິມະສິດຂອງຫວຽດນາມ ຢູ່ພາກພື້ນເອີລົບຕາເວັນອອກກາງ; ສະເໜີໃຫ້ສອງຝ່າຍເພີ່ມທະວີການແລກປ່ຽນຄະນະຜູ້ແທນສະພາແຫ່ງຊາດ, ບັນດາຄະນະກໍາມະການ ແລະບັນດາກຸ່ມສະມາຊິກລັດຖະສະພາມິດຕະພາບ ເພື່ອແລກປ່ຽນບົດຮຽນດ້ານນິຕິບັນຍັດ ແລະຕິດຕາມກວດກາ.

ສອງຝ່າຍໄດ້ໃຊ້ເວລາແລກປ່ຽນບັນດາມາດຕະການທີ່ລະອຽດເພື່ອແນໃສ່ຜັນຂະຫຍາຍຂອບເຂດຄູ່ຮ່ວມມືຍຸດທະສາດ ຫວຽດນາມ - ເຊັກ ຢ່າງມີປະສິດທິຜົນ, ເສີມຂະຫຍາຍບັນດາກົນໄກຮ່ວມມືທີ່ມີຢູ່ແລ້ວ, ຄື: ຄະນະກຳມະການລະຫວ່າງລັດຖະບານ ຫວຽດນາມ - ເຊັກ ກ່ຽວກັບການຮ່ວມມືດ້ານເສດຖະກິດ; ຊຸກຍູ້ການຮ່ວມມືໃນຫຼາຍຂົງເຂດ, ຄື: ການເມືອງ - ການທູດ, ແຮງງານ, ການສຶກສາ - ບໍາລຸງສ້າງ, ການປ້ອງກັນຊາດ - ປ້ອງກັນຄວາມສະຫງົບ, ການພົບປະແລກປ່ຽນປະຊາຊົນ ແລະການຮ່ວມມືດ້ານລັດຖະສະພາ; ຈະເປີດສາຍການບິນໂດຍກົງລະຫວ່າງ ຫວຽດນາມ - ເຊັກ ໂດຍໄວ.

ທ່ານຮອງປະທານສະພາຕ່ຳເຊັກ ຢືນຢັນຈະເອົາໃຈໃສ່ ແລະຊຸກຍູ້ການປະຕິບັດສຳເລັດການໃຫ້ສັດຕະຍາບັນສັນຍາປົກປ້ອງການລົງທຶນ ຫວຽດນາມ - ອີຢູ (EVIPA) ແລະຄະນະກຳມະການເອີລົບ (EC) ພິຈາລະນາຍົກອອກບັດເຫຼືອງ IUU ສຳລັບສິນໃນນໍ້າສົ່ງອອກຂອງຫວຽດນາມ.

ໂດຍ: ຈາງຫງວຽນ