ທ່ານປະທານສະພາແຫ່ງຊາດ ເຈີ່ນແທງເໝີນ ໄດ້ອອກຈາກນະຄອນຫຼວງ Kuala Lumpur ສິ້ນສຸດການເດີນທາງເຂົ້າຮ່ວມກອງປະຊຸມສະມັດຊາໃຫຍ່ AIPA - 46 ແລະການຢ້ຽມຢາມມາເລເຊຍ ຢ່າງເປັນທາງການ
ກປ.ອອນໄລ - ຕອນເຊົ້າວັນທີ 20 ກັນຍາ, ທ່ານປະທານສະພາແຫ່ງຊາດ ເຈີ່ນແທງເໝີນ ແລະພັນລະຍາ ຫງວຽນທິແທ່ງງາ ພ້ອມດ້ວຍຄະນະຜູ້ແທນຂັ້ນສູງຫວຽດນາມ ໄດ້ອອກຈາກນະຄອນຫຼວງ Kuala Lumpur ສິ້ນສຸດການເດີນທາງເຂົ້າຮ່ວມກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຄັ້ງທີ 46 (AIPA-46) ແລະການຢ້ຽມຢາມມາເລເຊຍ ແຕ່ວັນທີ 16 – 20 ກັນຍາ.
ໄປສົ່ງຢູ່ສະໜາມບິນມີທ່ານປະທານສະພາສູງມາເລເຊຍ Dato' Awang Bemee Awang Ali Basah; ພະນັກງານ, ລັດຖະກອນຂອງສະຖານທູດ ຫວຽດນາມ ປະຈໍາ ມາເລເຊຍ.
    |
 |
|
ທ່ານປະທານສະພາແຫ່ງຊາດ ເຈີ່ນແທງເໝີນ ພ້ອມດ້ວຍພັນລະຍາໄດ້ອອກຈາກ Kuala Lumpur ສິ້ນສຸດການເຂົ້າຮ່ວມກອງປະຊຸມສະມັດຊາໃຫຍ່ AIPA - 46 ຢ່າງຈົບງາມ ແລະການຢ້ຽມຢາມມາເລເຊຍ ຢ່າງເປັນທາງການ. ພາບ: ສໍານັກຂ່າວສານຫວຽດນາມ |
ເຫດການດຳເນີນຖືກກັບເວລາສະເຫຼີມສະຫຼອງ 30 ປີແຫ່ງວັນຫວຽດນາມ ເຂົ້າເປັນສະມາຊິກອາຊຽນ ແລະເຂົ້າຮ່ວມ AIPA (1995-2025), ການປະຕິບັດງານແມ່ນໂອກາດ ເພື່ອໃຫ້ຫວຽດນາມ ຢັ້ງຢືນບົດບາດ, ການປະກອບສ່ວນຂອງຕົນ, ເສີມຂະຫຍາຍໝາກຜົນຕ່າງໆທີ່ບັນລຸໄດ້, ສືບຕໍ່ພ້ອມກັບສະມາຊິກລັດຖະສະພາມານະພະຍາມເພີ່ມຄວາມສາມັກຄີ, ຄວາມເຫັນດີເປັນເອກະພາບພາຍໃນກຸ່ມ, ຮັກສາສະພາບແວດລ້ອມສັນຕິພາບ, ຄວາມໝັ້ນຄົງ, ສ້າງຄວາມເຂັ້ມແຂງດ້ວຍຕົນເອງ, ສືບຕໍ່ສວມບົດບາດໃຈກາງໃນໂຄງປະກອບການຮ່ວມມືຢູ່ພາກພື້ນ.
ບົນພື້ນຖານສອງຝ່າຍ, ນີ້ແມ່ນການຢ້ຽມຢາມມາເລເຊຍ ຢ່າງເປັນທາງການຄັ້ງທຳອິດຂອງປະທານສະພາແຫ່ງຊາດຫວຽດນາມ ພາຍຫຼັງໄດ້ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານກັບມາເລເຊຍ (ເດືອນ ພະຈິກ 2024), ຜ່ານນ້ັນ, ຊຸກຍູ້ການພົວພັນຮ່ວມມືໃນຊ່ອງທາງລັດຖະສະພາສອງຝ່າຍລະຫວ່າງຫວຽດນາມ ກັບມາເລເຊຍ ນັບມື້ນັບມີປະສິດທິຜົນ ແລະແທດຈິງ, ປະກອບສ່ວນສ້າງກອບນິຕິກໍາເພື່ອໃຫ້ລັດຖະບານ ແລະວິສາຫະກິດສອງປະເທດຍູ້ແຮງການຮ່ວມມື.
ໂດຍ: ໄຊນີດາ