ສະຫາຍ ເຈິ່ນເກິ໋ມຕູ໊ ຊົມເຊີຍສະຫາຍ Tanaka Yu ນຳໜ້າຄະນະຜູ້ແທນພັກກອມມູນິດຍີ່ປຸ່ນ ມາຢ້ຽມຢາມຫວຽດນາມ ແລະດຳເນີນການແລກປ່ຽນທິດສະດີ ຄັ້ງທີ 11 ລະຫວ່າງສອງພັກ ດ້ວຍຫົວຂໍ້ “ສ້າງສັນຕິພາບ ແລະຮັບປະກັນສິດທິມະນຸດໃນສະພາບການໂລກໃໝ່”, ຕີລາຄາວ່າ ການຢ້ຽມຢາມຫວຽດນາມ ຄັ້ງນີ້ ແມ່ນພະຍານຫຼັກຖານຢ່າງຈະແຈ້ງຂອງການພົວພັນຮ່ວມມືອັນແໜ້ນແຟ້ນລະຫວ່າງພັກກອມມູນິດຫວຽດນາມ ແລະພັກກອມມູນິດ ຍີ່ປຸ່ນ.

leftcenterrightdel
ສະຫາຍ ເຈິ່ນເກິ໋ມຕູ໊ ຜູ້ປະຈໍາການຄະນະເລຂາທິການສູນກາງພັກກອມມູນິດຫວຽດນາມ ຕ້ອນຮັບສະຫາຍສະຫາຍ Tanaka Yu ຮອງປະທານຄະນະປະທານ, ຫົວໜ້າຄະນະຜູ້ແທນພັກກອມມູນິດຍີ່ປຸ່ນ. ພາບ: mofa.gov.vn

ສະຫາຍ ເຈິ່ນເກິ໋ມຕູ໊ ເນັ້ນໜັກເຖິງມູນເຊື້ອຄວາມສາມັກຄີ, ມິດຕະພາບລະຫວ່າງພັກກອມມູນິດຍີ່ປຸ່ນ ແລະພັກກອມມູນິດຫວຽດນາມ; ສະຫາຍ ເຈິ່ນເກິ໋ມຕູ໊ ຖືວ່າ ການເຄື່ອນໄຫວແລກປ່ຽນທິດສະດີປະຈຳປີລະຫວ່າງສອງພັກ ແມ່ນຈຸດພົ້ນເດັ່ນໃນການພົວພັນຮ່ວມມື ແລະການພົວພັນແລກປ່ຽນ; ພ້ອມກັນນັ້ນ, ສະເໜີບາງຈຸດສຸມຮ່ວມມືເພື່ອແນໃສ່ສືບຕໍ່ເພີ່ມທະວີການພົວພັນລະຫວ່າງສອງພັກ ແລະສອງປະເທດໃນໄລຍະຈະມາເຖິງ, ໃນນັ້ນມີການສະໜັບສະໜູນການພັດທະນາ, ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ-ຍີ່ປຸ່ນ ເລິກເຊິ່ງ ແລະຮອບດ້ານກວ່າອີກ, ລັດຖະບານຍີ່ປຸ່ນ ໜູນຊ່ວຍຫວຽດນາມ ໃນການປະຕິບັດເປົ້າໝາຍຫັນເປັນອຸດສາຫະກໍາ, ທັນສະໄໝ, ກໍ່ສ້າງພື້ນຖານເສດຖະກິດ, ເອກະລາດ, ເປັນເຈົ້າຕົນເອງ.

ເຫັນດີກັບຄຳເຫັນປະກອບກ່ຽວກັບບັນດາບຸລິມະສິດ, ຈຸດສຸມຊຸກຍູ້ການພົວພັນລະຫວ່າງສອງພັກໃນໄລຍະຈະມາເຖິງ, ສະຫາຍ Tanaka Yu ສະແດງຄວາມປາດຖະໜາຢາກສືບຕໍ່ຮ່ວມມືກັບພັກກອມມູນິດຫວຽດນາມ ໃນບັນດາເນື້ອໃນຄື: ສ້າງສັນຕິພາບ, ເພື່ອໂລກທີ່ບໍ່ມີອາວຸດນິວເຄຼຍ; ສະແດງຄວາມຂອບອົກຂອບໃຈຕໍ່ຄໍາເສື້ອເຊີນເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງ ສາທາລະນະລັດ ສັງຄົມນິຍົມ ຫວຽດນາມ ແລະອວຍພອນໃຫ້ ພັກກອມມູນິດຫວຽດນາມ ຈັດຕັ້ງກອງປະຊຸມໃຫຍ່ ຄັ້ງທີ 14 ຂອງພັກໃນປີ 2026 ຢ່າງສຳເລັດຜົນ.

leftcenterrightdel
ສະຫາຍ ບຸ່ຍແທງເຊີນ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຕ້ອນຮັບສະຫາຍສະຫາຍ Tanaka Yu ຮອງປະທານຄະນະປະທານ, ຫົວໜ້າຄະນະຜູ້ແທນພັກກອມມູນິດຍີ່ປຸ່ນ. ພາບ: baoquocte.vn

*ໃນວັນດຽວກັນ, ທີ່ສຳນັກງານກະຊວງການຕ່າງປະເທດ, ສະຫາຍ ບຸ່ຍແທງເຊີນ, ກຳມະການສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນພັກກອມມູນິດຍີ່ປຸ່ນ ໂດຍສະຫາຍ Tanaka Yu, ຮອງປະທານຄະນະປະທານ ເປັນຫົວໜ້າຄະນະ.

ໂດຍ: ທູຈາງ