ສະພາແຫ່ງຊາດກູບາ ຖືເປັນສຳຄັນການຊຸກຍູ້ການຮ່ວມມືກັບຫວຽດນາມ

ທ່ານ Homero Acosta Álvarez ເລຂາທິການໃຫຍ່ສະພາແຫ່ງຊາດອໍານາດການປົກຄອງປະຊາຊົນກູບາ ຕີລາຄາສູງການໜູນຊ່ວຍຂອງສະພາແຫ່ງຊາດຫວຽດນາມ. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ພິທີ, ທ່ານ Homero Acosta Álvarez ເລຂາທິການໃຫຍ່ສະພາແຫ່ງຊາດອໍານາດການປົກຄອງປະຊາຊົນກູບາ ໄດ້ຕີລາຄາສູງສາຍພົວພັນຮ່ວມມືກັບສະພາແຫ່ງຊາດຫວຽດນາມ, ຖືວ່ານີ້ແມ່ນສາຍພົວພັນລະຫວ່າງລັດຖະສະພາໜຶ່ງບໍ່ມີສອງໃນໂລກ; ພ້ອມທັງຢືນຢັນວ່າ ການໜູນຊ່ວຍອັນລໍ້າຄ່ານີ້ຈະປະກອບສ່ວນຍົກສູງຄຸນນະພາບການເຄື່ອນໄຫວຂອງອົງການນິຕິບັນຍັດຂອງກູບາ. ທ່ານ Homero Acosta Álvarez ເນັ້ນໜັກວ່າ ສະພາແຫ່ງຊາດອໍານາດການປົກຄອງປະຊາຊົນກູບາ ຍາມໃດກໍ່ຖືເປັນສຳຄັນການຊຸກຍູ້ການຮ່ວມມືກັບສະພາແຫ່ງຊາດຫວຽດນາມ, ປະກອບສ່ວນເພີ່ມພູນຄູນສ້າງໃຫ້ນໍ້າໃຈມິດຕະພາບແບບພິເສດລະຫວ່າງສອງຊາດອ້າຍນ້ອງ ກູບາ- ຫວຽດນາມ.

ເນື່ອງໃນໂອກາດນີ້, ສະພາແຫ່ງຊາດອໍານາດການປົກຄອງປະຊາຊົນກູບາ ກໍ່ໄດ້ແບ່ງປັນຄວາມໂສກເສົ້າເສຍດາຍເຖິງຄອບຄົວຜູ້ປະສົບເຄາະຮ້າຍໃນເຫດການເຮືອຈົມຢູ່ອ່າວຮະລອງ.

ທ່ານ Esteban Lazo Hernandez ປະທານສະພາແຫ່ງຊາດອໍານາດການປົກຄອງປະຊາຊົນກູບາ ຖ່າຍຮູບພ້ອມກັບທ່ານ ເລກວາງລອງ ເອກອັກຄະລັດຖະທູດຫວຽດນາມ ປະຈຳ ກູບາ. ພາບ: ສໍານັກຂ່າວສານຫວຽດນາມ

ສ່ວນທ່ານ ເລກວາງລອງ ເອກອັກຄະລັດຖະທູດຫວຽດນາມ ປະຈຳ ກູບາ ໃຫ້ຮູ້ວ່າ ການໜູນຊ່ວຍຂອງສະພາແຫ່ງຊາດຫວຽດນາມ ສໍາລັບສະພາແຫ່ງຊາດອໍານາດການປົກຄອງປະຊາຊົນກູບາ ບໍ່ພຽງແຕ່ມີຄວາມໝາຍທາງດ້ານວັດຖຸ, ເຕັກນິກເທົ່ານັ້ນ, ຫາກຍັງເປັນສັນຍາລັກທີ່ມີຊີວິດຊີວາຂອງສາຍພົວພັນອັນແໜ້ນແຟ້ນລະຫວ່າງສອງອົງການນິຕິບັນຍັດ ແລະນໍ້າໃຈມິດຕະພາບແບບພິເສດ, ສັດຊື່ບໍລິສຸດລະຫວ່າງຫວຽດນາມ ແລະກູບາອີກດ້ວຍ. ທ່ານເອກອັກຄະລັດຖະທູດ ເລກວາງລອງ ກໍ່ຢືນຢັນຄຳໝັ້ນສັນຍາຂອງພັກ, ລັດ ແລະປະຊາຊົນຫວຽດນາມ ໃນການສືບຕໍ່ເພີ່ມທະວີ ແລະຊຸກຍູ້ສາຍພົວພັນສາມັກຄີ, ມິດຕະພາບແບບພິເສດ ແລະການຮ່ວມມືຮອບດ້ານກັບປະເທດອ້າຍນ້ອງກູບາ.

ໂດຍ: ເຈິ່ນຮວ່ຽນ