ການເຄື່ອນໄຫວຂອງທ່ານ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ຢູ່ຝຣັ່ງ

ກ່າວຄຳເຫັນທີ່ພິທີ, ທ່ານ ໂຕເລິມ ຕີລາຄາສູງຕໍ່ຄວາມຕັດສິນໃຈຂອງອໍານາດການປົກຄອງນະຄອນເມື່ອຖືປ້າຍລະນຶກແມ່ນມໍລະດົກສ່ວນໜຶ່ງທີ່ບໍ່ອາດຕັດແຍກອອກຂອງນະຄອນ; ພ້ອມທັງສົ່ງຄຳຂອບໃຈມາຍັງປະຊາຊົນຝຣັ່ງ ຍາມໃດກໍ່ມານະພະຍາຍາມອະນຸລັກຮັກສາສະຖານທີ່ປະຫວັດສາດແຫ່ງຕ່າງໆທີ່ເປັນຂີດໝາຍຂອງປະທານໂຮ່ຈີມິນ ໄວ້ໃນການເດີນທາງຊອກຫາເສັ້ນທາງກູ້ຊາດ.

ທ່ານ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ແລະທ່ານ Hubert Dejean de la Batie ເຈົ້າຄອງນະຄອນ Sainte-Adresse ທີ່ພິທີເປີດສະຫຼອງປ້າຍລະນຶກໃສ່ຊື່ປະທານໂຮ່ຈີມິນ. ພາບ: ສໍານັກຂ່າວສານຫວຽດນາມ

ສ່ວນທ່ານ Hubert Dejean de la Batie ເຈົ້າຄອງນະຄອນ Sainte-Adresse  ໃຫ້ຮູ້ວ່າ: ການໃສ່ຊື່ປ້າຍລະນຶກແມ່ນຂີດໝາຍຈາລຶກປະຫວັດສາດບໍ່ພຽງແຕ່ແມ່ນຂອງຫວຽດນາມ ເທົ່ານັ້ນ ຫາກຍັງແມ່ນຂອງທັງປະເທດຝຣັ່ງອີກດ້ວຍ. ສິ່ງດັ່ງກ່າວໄດ້ປະກອບສ່ວນສະແດງໃຫ້ເຫັນອາລົມຈິດ, ນໍ້າໃຈມິດຕະພາບ, ຄວາມສາມັກຄີຂອງປະຊາຊົນນະຄອນ Sainte-Adresse ເວົ້າສະເພາະ ແລະປະຊາຊົນຝຣັ່ງ ເວົ້າລວມທີ່ມີຕໍ່ປະທານໂຮ່ຈີມິນ ແລະປະຊາຊົນຫວຽດນາມ.

ທ່ານ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ແລະທ່ານ Hubert Dejean de la Batie ເຈົ້າຄອງນະຄອນ Sainte-Adresse ພ້ອມດ້ວຍບັນດາຜູ້ແທນທີ່ພິທີເປີດສະຫຼອງປ້າຍລະນຶກໃສ່ຊື່ປະທານໂຮ່ຈີມິນ. ພາບ: ສໍານັກຂ່າວສານຫວຽດນາມ

* ຕອນເຊົ້າວັນທີ 6 ມິຖຸນາ, ທ່ານ ໂຕເລິມ ເລຂາທິການໃຫຍ່, ປະທານປະເທດ ພ້ອມດ້ວຍຄະນະຜູ້ແທນຂັ້ນສູງຫວຽດນາມ ໄດ້ໄປວາງພວງມາລາອາໄລຫາປະທານໂຮ່ຈີມິນ ຢູ່ສວນສາທາລະນະ Montreau, ນະຄອນ Montreuil. ພາຍຫຼັງວາງພວງມາລາຢູ່ອະນຸສາວະລີປະທານໂຮ່ຈີມິນ ແລະກົ້ມຫົວໄວ້ອາໄລໜຶ່ງນາທີຕໍ່ດວງວິນຍານຂອງລຸງໂຮ່ຢູ່ສວນສາທາລະນະ Montreau ແລ້ວ, ທ່ານເລຂາທິການໃຫຍ່, ປະທານປະເທດຫວຽດນາມ ໄດ້ສະແດງຄວາມສະເທືອນໃຈຕໍ່ການກະທຳຂອງອຳນາດການປົກຄອງນະຄອນ Montreuil ໃນການເກັບຮັກສາເອກະສານ ແລະວັດຖຸພັນອັນລ້ຳຄ່າຂອງປະທານໂຮ່ຈີມິນ. ພາຍຫຼັງປູກຕົ້ນໄມ້ທີ່ລະນຶກ, ທ່ານ ໂຕເລິມ ແລະຄະນະຜູ້ແທນຂັ້ນສູງຫວຽດນາມ ໄດ້ໄປຢ້ຽມຢາມເຂດວາງສະແດງໂຮ່ຈີມິນ ໃນຫໍພິພິທະພັນປະຫວັດສາດການດໍາລົງຊີວິດຢູ່ໃຈກາງຂອງສວນສາທາລະນະ Montreau.

ໂດຍ: ທູຈາງ