ປະທານສະພາແຫ່ງຊາດ ເຈິ່ນແທັງເໝີນ ສົ່ງຈົດໝາຍອວຍພອນເຖິງປະທານສະພາແຫ່ງຊາດ ສ.ເກົາຫຼີ
ກປ.ອອນໄລ - ເນື່ອງໃນໂອກາດທ່ານ Woo Won Shik ໄດ້ຮັບເລືອກຕັ້ງເປັນປະທານສະພາແຫ່ງຊາດ ສ.ເກົາຫຼີ ຊຸດທີ XXII, ວັນທີ 14 ມິຖຸນາ, ທ່ານ ເຈິ່ນແທັງເໝີນ ປະທານສະພາແຫ່ງຊາດຫວຽດນາມ ໄດ້ສົ່ງຈົດໝາຍອວຍພອນ.
ທ່ານປະທານສະພາແຫ່ງຊາດ ເຈິ່ນແທັງເໝີນ ເຊື່ອໝັ້ນວ່າ ດ້ວຍປະສົບການ ແລະອິດທິພົນຊື່ສຽງຂອງຕົນ, ທ່ານປະທານສະພາແຫ່ງຊາດ Woo Won Shik ຈະນຳພາສະພາແຫ່ງຊາດ ສ.ເກົາຫຼີ ສືບຕໍ່ບັນລຸໄດ້ຜົນງານໃຫຍ່ຫຼວງກວ່າອີກ, ປະກອບສ່ວນເຂົ້າໃນການພັດທະນາຄວາມຈະເລີນຮຸ່ງເຮືອງ ແລະນັບມື້ນັບຍົກສູງຖານະບົດບາດຂອງ ສ.ເກົາຫຼີ ໃນເວທີສາກົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/15/upload_2122/15062024_th_10.jpg?dpi=150&quality=100&w=500) |
ທ່ານ Woo Won Shik ກ່າວຄຳເຫັນພາຍຫຼັງໄດ້ຮັບການເລືອກຕັ້ງເປັນປະທານສະພາແຫ່ງຊາດ ສ.ເກົາຫຼີ ຊຸດທີ XXII ໃນກອງປະຊຸມຄົບຄະນະເທື່ອທຳອິດ ຢູ່ນະຄອນຫຼວງເຊອຸນ ໃນວັນທີ 5 ມິຖຸນາ 2024. ພາບ: Yonhap/ສໍານັກຂ່າວສານຫວຽດນາມ |
ທ່ານປະທານສະພາແຫ່ງຊາດ ເຈິ່ນແທັງເໝີນ ເນັ້ນໜັກວ່າ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ສ.ເກົາຫຼີ ພວມຢູ່ໃນໄລຍະພັດທະນາອັນດີງາມທີ່ສຸດ, ຜ່ານນັ້ນປະກອບສ່ວນສຳຄັນເຂົ້າໃນການພັດທະນາລວມຂອງສອງປະເທດ. ການພົວພັນນີ້ບໍ່ພຽງແຕ່ອີງໃສ່ຜົນປະໂຫຍດລວມເທົ່ານັ້ນ, ຫາກຍັງແມ່ນຄວາມໄວ້ເນື້ອເຊື່ອໃຈ, ຄວາມເຄົາລົບ, ຄວາມເຂົ້າໃຈ ແລະນໍ້າໃຈມິດຕະພາບອັນເລິກເຊິ່ງລະຫວ່າງສອງຊາດ.
ສະພາແຫ່ງຊາດຫວຽດນາມ ແລະທ່ານປະທານສະພາແຫ່ງຊາດ ເຈິ່ນແທັງເໝີນ ຍາມໃດກໍ່ພ້ອມແລ້ວທີ່ຈະຮ່ວມມືຢ່າງແໜ້ນແຟ້ນກັບສະພາແຫ່ງຊາດ ສ.ເກົາຫຼີ ແລະທ່ານປະທານສະພາແຫ່ງຊາດ Woo Won Shik ເພື່ອແນໃສ່ຊຸກຍູ້ການພົວພັນລະຫວ່າງສອງປະເທດໃຫ້ພັດທະນາຢ່າງແທດຈິງ, ມີປະສິດທິຜົນ ແລະຮອບດ້ານໃນໄລຍະຈະມາເຖິງ, ໃນນັ້ນມີການຜັນຂະຫຍາຍຂໍ້ຕົກລົງຮ່ວມມືລະຫວ່າງສະພາແຫ່ງຊາດສອງປະເທດທີ່ໄດ້ລົງນາມໃນປີ 2013 ໃຫ້ສອດຄ່ອງກັບເນື້ອໃນຂອງ "ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ສ.ເກົາຫຼີ".
ໂດຍ: ເຈິ່ນຮວ່ຽນ