leftcenterrightdel
ທ່ານ ຫງວຽນກວກຢູງ ຮອງລັດຖະມົນຕີການຕ່າງປະເທດຫວຽດນາມ ມອບສັນຍາລັກບ້ວງເງິນໜູນຊ່ວຍທີ່ມີມູນຄ່າ 200.000 ໂດລາສະຫະລັດ ໃຫ້ແກ່ທ່ານ Chay Navuth ເອກອັກຄະລັດຖະທູດກໍາປູເຈຍ ປະຈໍາຫວຽດນາມ. ພາບ: mofa.gov.vn.

ກ່າວຄໍາເຫັນທີ່ພິທີ, ທ່ານ  ຫງວຽນກວກຢູງ ເນັ້ນໜັກວ່າ ລັດຖະບານ ແລະປະຊາຊົນຫວຽດນາມ ປາດຖະໜາວ່າບ້ວງເງິນໜູນຊ່ວຍນີ້ຈະປະກອບສ່ວນຊ່ວຍໃຫ້ລັດຖະບານ ແລະປະຊາຊົນກໍາປູເຈຍ ຄວບຄຸມພະຍາດ, ເຮັດໃຫ້ສະພາບການເປັນປົກກະຕິໂດຍໄວ ແລະສືບຕໍ່ຍູ້ແຮງວຽກງານຟື້ນຟູ, ພັດທະນາເສດຖະກິດ.

ສ່ວນທ່ານ Chay Navuth ສະແດງຄວາມຂອບອົກຂອບໃຈຢ່າງຈິງໃຈຕໍ່ລັດຖະບານ ແລະປະຊາຊົນຫວຽດນາມ  ທີ່ໄດ້ໃຫ້ການຊ່ວຍເຫຼືອຢ່າງຈິງໃຈຕໍ່ລັດຖະບານ ແລະປະຊາຊົນກໍາປູເຈຍ ໃນຍາມປະສົບກັບຄວາມຫຍຸ້ງຍາກ, ສະແດງໃຫ້ເຫັນອາລົມຈິດອັນລໍ້າຄ່າ, ຮັກແພງຊ່ວຍເຫຼືອເຊິ່ງກັນ ແລະກັນລະຫວ່າງສອງປະເທດ; ພ້ອມກັນນັ້ນ, ທ່ານ Chay Navuth ເນັ້ນໜັກວ່າ ການໜູນຊ່ວຍຢ່າງທັນການຂອງຫວຽດນາມ ແມ່ນການເພີ່ມເຕີມສໍາຄັນໃຫ້ແກ່ຄວາມມານະພະຍາຍາມຂອງກໍາປູເຈຍ ແນໃສ່ຄວບຄຸມການແຜ່ລະບາດຂອງພະຍາດໃນຊຸມຊົນໃນປັດຈຸບັນນີ້.

ນີ້ແມ່ນການໜູນຊ່ວຍເປັນຄັ້ງທີ 2 ໂດຍລັດຖະບານຫວຽດນາມ ສະຫງວນໃຫ້ລັດຖະບານກໍາປູເຈຍ ໃນການຮັບມືກັບພະຍາດໂຄວິດ-19.

ໂດຍ: ທູຈາງ