ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ຕ້ອນຮັບເອກອັກຄະລັດຖະທູດກາຊັກສະຖານ ປະຈໍາ ຫວຽດນາມ
ກປ.ອອນໄລ - ວັນທີ 27 ກຸມພາ, ທີ່ຮ່າໂນ້ຍ, ທ່ານ ເຈິ່ນແທັງເໝິນ ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ໄດ້ໃຫ້ການຕ້ອນຮັບທ່ານ Yerlan Baizhanov ເອກອັກຄະລັດຖະທູດກາຊັກສະຖານ ປະຈໍາ ຫວຽດນາມ ມາເຂົ້າຢ້ຽມຂໍ່ານັບ ແລະຢ້ຽມຢາມຄະນະກໍາມະການສູນກາງແນວໂຮມປະເທດຊາດຫວຽດນາມ.
ທີ່ການຕ້ອນຮັບ, ທ່ານ ເຈິ່ນແທັງເໝິນ ຕີລາຄາສູງການສົມທົບກັນຢ່າງແໜ້ນແຟ້ນ ແລະການສະໜັບສະໜູນເຊິ່ງກັນ ແລະກັນລະຫວ່າງສອງປະເທດຢູ່ບັນດາເວທີປາໄສພາກພື້ນ ແລະສາກົນ. ທ່ານ ເຈິ່ນແທັງເໝິນ ປາດຖະໜາວ່າ ກາຊັກສະຖານ ຕັ້ງໜ້າສະໜັບສະໜູນການຮັກສາສັນຕິພາບ, ສະຖຽນລະພາບ ແລະການພັດທະນາ, ສະໜັບສະໜູນການແກ້ໄຂບັນດາການຂັດແຍ້ງກັນໂດຍສັນຕິວິທີ, ຜ່ານການເຈລະຈາທາງການທູດ, ເຄົາລົບກົດໝາຍສາກົນ. ທ່ານ ກໍ່ຖືວ່າສອງຝ່າຍຄວນມານະພະຍາຍາມກວ່າອີກໃນການຜັນຂະຫຍາຍບັນດາສັນຍາຮ່ວມມືທີ່ໄດ້ຮັບການລົງນາມ. ຜັນຂະຫຍາຍບັນດາມາດຕະການລະອຽດ ເພື່ອຮ່ວມມືໃນບັນດາຂົງເຂດດັ່ງກ່າວນໍາມາເຊິ່ງປະສິດທິຜົນຢ່າງແທດຈິງ, ປະກອບສ່ວນເຂົ້າໃນການຊຸກຍູ້ການພົວພັນສອງຝ່າຍ.
|
|
ທ່ານ ເຈິ່ນແທັງເໝິນ ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ຕ້ອນຮັບທ່ານ Yerlan Baizhanov ເອກອັກຄະລັດຖະທູດ ກາຊັກສະຖານ ປະຈໍາ ຫວຽດນາມ. ພາບ: matran.org.vn. |
ສ່ວນທ່ານ Yerlan Baizhanov ປາດຖະໜາວ່າ ຫວຽດນາມ ຈະແມ່ນຂົວຕໍ່ເພື່ອຊຸກຍູ້ການພົວພັນລະຫວ່າງກາຊັກສະຖານ ກັບບັນດາປະເທດອາຊຽນ; ພ້ອມທັງຫວັງວ່າ ໃນໄລຍະຈະມາເຖິງການພົວພັນຮ່ວມມືລະຫວ່າງສອງປະເທດຈະສືບຕໍ່ໄດ້ຮັບການເພີ່ມທະວີ, ພິເສດແມ່ນບຸລິມະສິດຊຸກຍູ້ການຮ່ວມມືດ້ານເສດຖະກິດ, ຍູ້ແຮງການຮ່ວມມືໃນຂົງເຂດວັດທະນະທໍາ, ການສຶກສາ, ການພົບປະແລກປ່ຽນປະຊາຊົນ.
ໂດຍ: ທະນາພອນ