ໄຂກອງປະຊຸມເທື່ອທີ 10 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ XII ຢ່າງສົມກຽດ
ກປ.ອອນໄລ - ໂດຍປະຕິບັດລາຍການເຮັດວຽກ, ວັນທີ 16 ພຶດສະພາ, ກອງປະຊຸມເທື່ອທີ 10 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ XII ໄດ້ໄຂຂຶ້ນຢູ່ນະຄອນຫຼວງຮ່າໂນ້ຍ ຢ່າງສົມກຽດ. ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ເປັນປະທານກອງປະຊຸມ.
ຕອນເຊົ້າ, ຄະນະບໍລິຫານງານສູນກາງພັກ ໄດ້ດຳເນີນວາລະໄຂກອງປະຊຸມຢູ່ຫໍປະຊຸມ. ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ມີບົດກ່າວປາໄສສຳຄັນທີ່ວາລະໄຂກອງປະຊຸມ. ທ່ານ ຫງວຽນຊວນຟຸກ, ກຳມະການກົມການເມືອງ, ນາຍົກລັດຖະມົນຕີຫວຽດນາມ ຕາງໜ້າໃຫ້ກົມການເມືອງ ຊີ້ນຳວາລະປະຊຸມ.
|
|
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ເປັນປະທານ ແລະກ່າວຄຳເຫັນທີ່ວາລະໄຂກອງປະຊຸມ. ພາບ: ສຳນັກຂ່າວສານຫວຽດນາມ. |
ທ່ານ ເຈິ່ນກ໊ວກເວື້ອງ, ກຳມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກ ລາຍງານ, ຂໍຄຳເຫັນຂອງຄະນະບໍລິຫານງານສູນກາງພັກກ່ຽວກັບລາຍການເຮັດວຽກຂອງກອງປະຊຸມ.
|
|
ບັນຍາກາດທີ່ກອງປະຊຸມ. ພາບ: ສຳນັກຂ່າວສານຫວຽດນາມ. |
ຫຼັງຈາກນັ້ນ, ຄະນະບໍລິຫານງານສູນກາງພັກ ໄດ້ເຮັດວຽກ, ປຶກສາຫາລື: ໂຄງຮ່າງບົດລາຍງານການເມືອງ; ໂຄງຮ່າງບົດລາຍງານກ່ຽວກັບ 10 ປີ ແຫ່ງການປະຕິບັດໂຄງການການເມືອງ 2011; ໂຄງຮ່າງບົດລາຍງານສະຫຼຸບການປະຕິບັດຍຸດທະສາດພັດທະນາເສດຖະກິດ-ສັງຄົມໃນ 10 ປີ ໄລຍະແຕ່ປີ 2011-2020, ສ້າງຍຸດທະສາດພັດທະນາເສດຖະກິດ-ສັງຄົມ ໃນ 10 ປີ ໄລຍະແຕ່ປີ 2021-2030 ແລະບົດລາຍງານສະພາບການເສດຖະກິດ-ສັງຄົມ 5 ປີ ໄລຍະແຕ່ປີ 2016-2020, ແຜນການພັດທະນາເສດຖະກິດ-ສັງຄົມ 5 ປີ ໄລຍະແຕ່ປີ 2021-2025; ໂຄງຮ່າງບົດລາຍງານສະຫຼຸບວຽກງານກໍ່່ສ້າງພັກ ແລະປະຕິບັດກົດລະບຽບພັກ.
ຕອນບ່າຍ, ຄະນະບໍລິຫານງານສູນກາງພັກ ສືບຕໍ່ດຳເນີນການປຶກສາຫາລືກ່ຽວກັບບັນດາເນື້ອໃນດັ່ງກ່າວ.
ໂດຍ: ສົມເພັດ