ທ່ານນາຍົກລັດຖະມົນຕີ ຫງວຽນຊວນຟຸກ ເລີ່ມຕົ້ນການຢ້ຽມຢາມ ໂຣມາເນຍ ຢ່າງເປັນທາງການ
ກປ.ອອນໄລ - ຕອນເຊົ້າວັນທີ 14 ເມສາ, ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມດ້ວຍພັນລະຍາ ໄດ້ນໍາໜ້າຄະນະຜູ້ແທນຂັ້ນສູງຫວຽດນາມ ເດີນທາງໄປຮອດນະຄອນຫຼວງ Bucharest, ເລີ່ມຕົ້ນການຢ້ຽມຢາມໂຣມາເນຍ ຢ່າງເປັນທາງການຕາມຄໍາເຊີນຂອງທ່ານນາງ Viorica Dancila, ນາຍົກລັດຖະມົນຕີໂຣມາເນຍ.
    |
 |
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ພ້ອມດ້ວຍພັນລະຍາໄປຮອດສະໜາມບິນ Henri Coanda ຢູ່ນະຄອນຫຼວງ Bucharest, ປະເທດໂຣມາເນຍ. ພາບ: ສໍານັກຂ່າວສານຫວຽດນາມ. |
ພາຍຫຼັງໄປຮອດນະຄອນຫຼວງ Bucharest, ທ່ານ ຫງວຽນຊວນຟຸກ ໄດ້ໄປຢ້ຽມຢາມແຂວງ Prahova. ນະທີ່ນີ້, ທ່ານ ຫງວຽນຊວນຟຸກ ໄດ້ມີການເຮັດວຽກກັບທ່ານນາງ Ioana Madalina Lupea, ເຈົ້າແຂວງໆ Prahova. ກ່າວຄໍາເຫັນທີ່ການເຮັດວຽກ, ທ່ານ ຫງວຽນຊວນຟຸກ ເນັ້ນໜັກວ່າ, ການຮ່ວມມືກັບທ້ອງຖິ່ນແມ່ນຮູບແບບຮ່ວມມືທີ່ເປັນແບບຢ່າງ. ທ່ານນາຍົກລັດຖະມົນຕີ ໄດ້ຕີລາຄາສູງບັນດາຄວາມສາມາດບົ່ມຊ້ອນໃນການຮ່ວມມືລະຫວ່າງແຂວງ Prahova ກັບບັນດາທ້ອງຖິ່ນຂອງຫວຽດນາມ, ເປັນຕົ້ນແມ່ນບັນດາຂົງເຂດທີ່ແຂວງມີທ່າແຮງຄືການທ່ອງທ່ຽວ, ການສຶກສາ-ກໍ່ສ້າງ, ນໍ້າມັນອາຍແກັສ, ກະສິກໍາ-ປ່າໄມ້. ນີ້ແມ່ນບັນດາຂົງເຂດບຸລິມະສິດຂອງຫວຽດນາມເວົ້າລວມໃນການຮ່ວມມືກັບໂຣມາເນຍ.
|
|
 |
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະທ່ານນາງ Ioana Madalina Lupea. ພາບ: ສໍານັກຂ່າວສານຫວຽດນາມ. |
ທ່ານນາງ Ioana Madalina Lupea ໃຫ້ຮູ້ວ່າ ໃນໄລຍະຜ່ານມາ, ແຂວງ Prahova ໄດ້ສົມທົບກັບຫ້ອງການການຄ້າ ສະຖານທູດຫວຽດນາມ ປະຈໍາໂຣມາເນຍ ຈັດຕັ້ງກອງປະຊຸມສໍາມະນາ, ການພົບປະກັບວິສາຫະກິດເປັນປະຈໍາ ເພື່ອແນໃສ່ແນະນໍາຄວາມສາມາດບົ່ມຊ້ອນ ແລະກາລະໂອກາດຮ່ວມມືດ້ານເສດຖະກິດ, ການທ່ອງທ່ຽວ, ການສຶກສາ ແລະການພົບປະແລກປ່ຽນວັດທະນະທໍາລະຫວ່າງແຂວງ Prahova ກັບຫວຽດນາມ. ທ່ານນາງ Ioana Madalina Lupea ເນັ້ນໜັກວ່າ ແຂວງ Prahova ປາດຖະໜາຢາກເປີດກວ້າງການຮ່ວມມືກັບບັນດາທ້ອງຖິ່ນຂອງຫວຽດນາມ, ເປັນຕົ້ນແມ່ນໃນຂົງເຂດທີ່ແຂວງມີທ່າແຮງ.
ໂດຍ: ທູຈາງ