ປະຊຸມຄະນະຈັດຕັ້ງກອງປະຊຸມເວທີປາໄສເສດຖະກິດໂລກກ່ຽວກັບອາຊຽນ ປີ 2018
ກປ.ອອນໄລ - ຕອນເຊົ້າວັນທີ 3 ພຶດສະພາ, ຢູ່ສໍານັກງານກະຊວງການຕ່າງປະເທດ ຫວຽດນາມ ໄດ້ດໍາເນີນກອງປະຊຸມຄັ້ງທີໜຶ່ງຄະນະຈັດຕັ້ງກອງປະຊຸມເວທີປາໄສເສດຖະກິດໂລກກ່ຽວກັບອາຊຽນ ປີ 2018 (WEF ASEAN 2018) ພາຍໃຕ້ການເປັນປະທານຂອງທ່ານ ບຸ່ຍແທງເຊີນ ຮອງລັດຖະມົນຕີຜູ້ປະຈໍາການກະຊວງການຕ່າງປະເທດ, ຫົວໜ້າຄະນະຈັດຕັ້ງ.
ການປະຊຸມໄດ້ປຶກສາຫາລືເລື່ອງປັບປຸງບູລະນະພາກສ່ວນ, ກົດລະບຽບເຄື່ອນໄຫວຂອງຄະນະຈັດຕັ້ງ, ກົນໄກສົມທົບກັນລະຫວ່າງບັນດາອະນຸກຳມະການ, ກະຊວງ, ຂະແໜງການ ແລະທ້ອງຖິ່ນທີ່ກ່ຽວຂ້ອງໃນວິວັດການກະກຽມໃຫ້ສົມບູນແບບ, ຈັດຕັ້ງກອງປະຊຸມ WEF ASEAN 2018; ວິວັດການ ແລະແຜນການຜັນຂະຫຍາຍວຽກງານກະກຽມທຸກດ້ານກ່ຽວກັບເນື້ອໃນ, ແນະນໍາ, ໂຄສະນາວັດທະນະທໍາ, ການຕ້ອນຮັບ, ການປ້ອງກັນຄວາມສະຫງົບ, ວັດຖຸ-ພະລາທິການ ເພື່ອແນໃສ່ຮັບປະກັນການຈັດຕັ້ງກອງປະຊຸມ WEF ASEAN 2018 ໃຫ້ປະສົບຜົນສໍາເລັດ.
|
|
ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ກອງປະຊຸມ, ທ່ານ ບຸ່ຍແທງເຊີນ ເນັ້ນໜັກວ່າ, ກອງປະຊຸມ WEF ASEAN ແມ່ນໜຶ່ງໃນບັນດາການເຄື່ອນໄຫວການພົວພັນຕ່າງປະເທດສໍາຄັນຂອງປະເທດໃນປີ 2018; ຊີ້ແຈ້ງເປົ້າໝາຍຈັດຕັ້ງກອງປະຊຸມ ເພື່ອແນໃສ່ປັບປຸງ, ຍົກສູງຖານະບົດບາດຂອງຫວຽດນາມ, ໂຄສະນາຫວຽດນາມ ເຖິງບັນດາວິສາຫະກິດແຖວໜ້າຂອງໂລກ, ສ້າງກາລະໂອກາດກໍາໄດ້ທ່າອ່ຽງພັດທະນາຂອງໂລກ ແລະພາກພື້ນກວ່າອີກ. ກອງປະຊຸມ WEF ASEAN ປີ 2018 ດ້ວຍຫົວຂໍ້ “ຈິດໃຈວິສາຫະກິດ ແລະການປະຕິວັດອຸດສາຫະກໍາຄັ້ງທີ 4” ຈະດໍາເນີນໃນລະຫວ່າງວັນທີ 11 – 13 ກັນຍາ ຢູ່ຫໍປະຊຸມແຫ່ງຊາດ.
ແປໂດຍ: ເກື່ອງດັ້ງ