ລັດເຊຍ ຊັ່ງຊາກໍລະນີເຈລະຈາກັບ ອາເມລິກາ
ວັນທີ 26 ມີນາ, ທ່ານ Dmitry Peskov ໂຄສົກວັງ Kremlin ໃຫ້ຮູ້ວ່າ ລັດເຊຍ ຊັ່ງຊາກໍລະນີເຈລະຈາກັບ ອາເມລິກາ, ແຕ່ບໍ່ແມ່ນການປຶກສາຫາລືຮອບດ້ານກ່ຽວກັບທຸກບັນຫາ.
ກ່ອນໜ້ານັ້ນ, ໃນວັນດຽວກັນ, ທ່ານ Anatoly Antonov ເອກອັກຄະລັດຖະທູດລັດເຊຍ ປະຈຳ ສປຊ ໃຫ້ຮູ້ວ່າ ທ່ານໄດ້ຕົກລົງເຫັນດີກັບບັນດາເຈົ້າໜ້າທີ່ ອາເມລິກາ ຕໍ່ການສ້າງຕັ້ງການພົບປະກ່ຽວກັບບັນຫາສອງຝ່າຍໃນອາທິດໜ້າ.
|
|
ທ່ານ Dmitry Peskov ໂຄສົກວັງ Kremlin. ພາບ: AFP |
ຕາມທ່ານ Peskov ແລ້ວ, ທັດສະນະຂອງວັງ Kremlin ໄດ້ເນັ້ນໜັກເຖິງຄວາມສຳຄັນຂອງການພິຈາລະຈາທຸກບັນຫາ ທີ່ສົ່ງຜົນກະທົບເຖິງການພົວພັນລະຫວ່າງລັດເຊຍ ແລະ ອາເມລິກາ, ຫຼາຍກວ່າເລື່ອງເຈລະຈາແຕ່ລະຫົວເລື່ອງສະເພາະ. ທ່ານຢັ້ງຢືນວ່າ: “ບໍ່ສາມາດຍົກອອກບາງບັນຫາໃນສະພາບລວມຂອງການພົວພັນສອງຝ່າຍ”.
ປັດຈຸບັນ, ອາເມລິກາ ພ້ອມກັບບັນດາປະເທດຝ່າຍຕາເວັນຕົກ ໄດ້ຈັດວາງຫຼາຍມາດຕະການລົງໂທດ ແນໃສ່ສ່ວນບຸກຄົນ ແລະອົງການຈັດຕັ້ງ ໃນຫຼາຍຂົງເຂດຂອງ ລັດເຊຍ ພາຍຫຼັງທີ່ ລັດເຊຍ ດຳເນີນບັ້ນການທະຫານພິເສດຢູ່ ຢູແກຼນ ນັບແຕ່ໃນເດືອນກຸມພາ 2022.
ແຫຼ່ງຄັດຈາກ: vovworld.vn