ອາເມລິກາ ແລະ ສປປ.ເກົາຫຼີ ຄິດໄລ່ຊັ່່ງຊາຄວາມອາດສາມາດໃນການແລກປ່ຽນລະຫວ່າງເຈົ້າໜ້າທີ່ຕິດຕໍ່ພົວພັນ
ວັນທີ 18 ກຸມພາ, ຊ່ອງໂທລະພາບ CNN ຂອງອາເມລິກາ ໄດ້ໃຫ້ຂ່າວວ່າ ອາເມລິກາ ແລະ ສປປ.ເກົາຫຼີ ພວມຄິດໄລ່ຊັ່ງຊາຢ່າງຈິງຈັງກ່ຽວກັບຄວາມອາດສາມາດໃນການແລກປ່ຽນເຈົ້າໜ້າທີ່ຕິດຕໍ່ພົວພັນໃນສະພາບທີ່ການນໍາສອງປະເທດຄາດວ່າຈະພົບປະກັນຢູ່ຫວຽດນາມ ໃນອາທິດຕໍ່ໄປ.
ຊ່ອງໂທລະພາບ CNN ໄດ້ຄັດສະເໜີແຫຼ່ງຂ່າວຈາກເຈົ້າໜ້າທີ່ທາງການທູດຂັ້ນສູງ 2 ຄົນ ຂອງອາເມລິກາ ໂດຍໃຫ້ຮູ້ວ່າຂັ້ນຕອນທໍາອິດເພື່ອແນໃສ່ສ້າງຕັ້ງການພົວພັນໃໝ່ລະຫວ່າງ ອາເມລິກາ - ສປປ.ເກົາຫຼີ ອາດຈະແມ່ນການພົວພັນແລກປ່ຽນລະຫວ່າງເຈົ້າໜ້າທີ່ສອງຝ່າຍ. ຖ້າຫາກທຸກສິ່ງທຸກຢ່າງດໍາເນີນໄປຢ່າງສະດວກ, ອາເມລິກາ ຈະແຕ່ງຕັ້ງເຈົ້າໜ້າທີ່ຕິດຕໍ່ພົວພັນຈໍານວນໜຶ່ງໄປຍັງ ສປປ.ເກົາຫຼີ ເພື່ອສ້າງຕັ້ງຫ້ອງການຢູ່ ສປປ.ເກົາຫຼີ.
ຕາມແຜນການແລ້ວ, ທ່ານປະທານາທິບໍດີອາເມລິກາ Donald Trump ແລະການນໍາ ສປປ.ເກົາຫຼີ Kim Jong-un ຈະເຂົ້າຮ່ວມການພົບປະສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2 ເຊິ່ງຈະດໍາເນີນໃນລະຫວ່າງວັນທີ 27 – 28 ກຸມພາ ຢູ່ຮ່າໂນ້ຍ, ຫວຽດນາມ. ສອງຝ່າຍຄາດວ່າຈະສຸມໃສ່ບັນຫາປອດນິວເຄຼຍຢູ່ແຫຼມເກົາຫຼີ ແລະບັນດາມາດຕະການຄ້າຍຄືກັນຂອງ ອາເມລິກາ.
ແຫຼ່ງຄັດຈາກ: vovworld.vn