ນອນເນືອກກາວບັ່ງ ໄດ້ຮັບການຮັບຮອງຈາກ ຢູແນັສໂກ ວ່າເປັນສວນສາທາລະນະ ທໍລະນີສາດທົ່ວໂລກ
ກປ.ອອນໄລ - ວັນທີ 12 ເມສາ, ທີ່ ປາຣີ, ສະພາປຶກສາເຄືອຂ່າຍສວນສາທາລະນະທໍລະນີສາດທົ່ວໂລກຂຶ້ນກັບອົງການສະຫະປະຊາຊາດເພື່ອການສຶກສາ, ວິທະຍາສາດ ແລະວັດທະນະທຳ (UNESCO) ໄດ້ຮັບຮອງສວນສາທາລະນະ ທໍລະນີສາດ ນອນເນືອກກາວບັ່ງ ແມ່ນສວນສາທາລະນະທໍລະນີສາດທົ່ວໂລກ.
ນີ້ແມ່ນສວນສາທາລະນະທໍລະນີສາດທົ່ວໂລກແຫ່ງທີ 2 ຂອງຫວຽດນາມ, ຖັດຈາກພູພຽງຫີນ ດົ່ງວັນ (ແຂວງຮ່າຢາງ) ເຊິ່ງ ຢູແນັສໂກ ໄດ້ຮັບຮອງເມື່ອປີ 2010.
ທ່ານ ເລຮວ່າຍຈູງ ຮອງລັດຖະມົນຕີກະຊວງການຕ່າງປະເທດຫວຽດນາມ ຢືນຢັນວ່າ, ນາມມະຍົດສວນສາທາລະນະທໍລະນີສາດທົ່ວໂລກ ແມ່ນການຮັບຮອງຂອງ ຢູແນັສໂກ ກ່ຽວກັບທັດສະນີຍະພາບຫຼາຍຮູບຫຼາຍແບບ, ອຸດົມສົມບູນ, ຄຸນຄ່າວັດທະນະທຳທາງດ້ານຈິດໃຈຂອງເຂດ ນອນເນືອກກາວບັ່ງ.
|
|
ທັດສະນີຍະພາບສວຍງາມຂອງສວນສາທາລະນະທໍລະນີສາດທົ່ວໂລກ ນອນເນືອກກາວບັ່ງ. ພາບ: nld.com.vn. |
|
|
ນ້ຳຕົກຕາດ ບານຢົກ-ທັດສະນີຍະພາບສວຍງາມນອນໃນສວນສາທາລະນະທໍລະນີສາດທົ່ວໂລກ ນອນເນືອກກາວບັ່ງ. ພາບ: nld.com.vn. |
ສວນສາທາລະນະທໍລະນີສາດທົ່ວໂລກ ນອນເນືອກກາວບັ່ງ ມີເນື້ອທີ່ປະມານ 3.000 ກິໂລແມັດມົນທົນ. ນີ້ແມ່ນແຫ່ງດຳລົງຊີວິດຂອງ 9 ຊົນເຜົ່າທີ່ແຕກຕ່າງກັນ. ສວນສາທາລະນະທໍລະນີສາດທົ່ວໂລກ ນອນເນືອກກາວບັ່ງ ແມ່ນສະຖານທີ່ຫາຍາກເປັນແຫ່ງທີ່ສາມາດຊອກຮູ້ປະຫວັດສາດກວ່າ 500 ລ້ານປີຂອງໜ່ວຍໂລກຜ່ານບັນດາຮ່ອງຮອຍທີ່ຍັງເຫຼືອຢູ່ທີ່ນີ້. ບັນດາຟອດຊິວ, ຕະກອນທະເລ, ຫີນພູເຂົາໄຟ, ແຮ່ທາດ... ພິເສດແມ່ນບັນດາທັດສະນີຍະພາບຫີນປູນ, ແມ່ນບັນດາມູນມໍລະດົກທໍລະນີສາດທີ່ເປັນເອກະລັກສະເພາະ. ນອນເນືອກກາວບັ່ງ ກໍ່ມີຊື່ສຽງດ້ວຍລັກສະນະຫຼາຍຮູບຫຼາຍແບບດ້ານຊີວະສາດພ້ອມກັບຫຼາຍລະບົບຊີວະພາບ, ແນວພັນສັດ, ພືດ.
ແປໂດຍ: ຮຸຍດົງ